TITUS Texts: Rg-Veda: Rg-Veda-Samhita

TITUS
Rg-Veda: Rg-Veda-Samhita
Part No. 738

Hymn: 15_(727)
Verse: 1
Halfverse: a    ए॒ष धि॒या या॒त्यण्व्या॒ शूरो॒ रथे॑भिरा॒शुभिः॑ ।
   ए॒ष धि॒या या॒त्यण्व्या
   ए॒ष धि॒या या॑ति अण्व्या
   ए॒ष धि॒या या॑त्य् अण्वि॑या

Halfverse: b    शूरो॒ रथे॑भिरा॒शुभिः॑ ।
   शूरः रथे॑भिः आ॒शुभिः ।
   शूरो रथे॑भिर् आ॒शुभिः ।

Halfverse: c    गछ॒न्निन्द्र॑स्य निष्कृ॒तम् ।।
   गछ॒न्निन्द्र॑स्य निष्कृ॒तम् ।।
   गछ॑न् इन्द्र॑स्य निष्कृ॒तम् ।।
   गछ॑न्न् इन्द्र॑स्य निष्कृ॒तम् ।।

Verse: 2
Halfverse: a    ए॒ष पु॒रू धि॑यायते बृह॒ते दे॒वता॑तये ।
   ए॒ष पु॒रू धि॑यायते
   ए॒ष पु॒रु+ धि॑यायते
   ए॒ष पु॒रू धि॑यायते

Halfverse: b    बृह॒ते दे॒वता॑तये ।
   बृ॑ह॒ते दे॒वता॑तये ।
   बृ॑ह॒ते दे॒वता॑तये ।

Halfverse: c    यत्रा॒मृता॑स॒ आस॑ते ।।
   यत्रा॒मृता॑स॒ आस॑ते ।।
   यत्र अ॒मृता॑सः आस॑ते ।।
   यत्रा॒मृता॑स आस॑ते ।।

Verse: 3
Halfverse: a    ए॒ष हि॒तो वि नी॑यते॒ ऽन्तः शु॒भ्राव॑ता प॒था ।
   ए॒ष हि॒तो वि नी॑यते
   ए॒ष हि॒तः वि नी॑यते
   ए॒ष हि॒तो वि नी॑यते

Halfverse: b    ऽन्तः शु॒भ्राव॑ता प॒था ।
   अ॒न्तर् शु॒भ्राव॑ता प॒था ।
   अ॒न्तः शु॒भ्राव॑ता प॒था ।

Halfverse: c    यदी॑ तु॒ञ्जन्ति॒ भूर्ण॑यः ।।
   यदी॑ तु॒ञ्जन्ति॒ भूर्ण॑यः ।।
   यदि+ तु॒ञ्जन्ति भूर्ण॑यः ।।
   यदी तु॒ञ्जन्ति भूर्ण॑यः ।।

Verse: 4
Halfverse: a    ए॒ष शृङ्गा॑णि॒ दोधु॑व॒च्छिशी॑ते यू॒थ्यो॒ वृषा॑ ।
   ए॒ष शृङ्गा॑णि॒ दोधु॑वच्
   ए॒ष शृङ्गा॑णि दोधु॑वत्
   ए॒ष शृङ्गा॑णि दोधु॑वच्

Halfverse: b    छिशी॑ते यू॒थ्यो॒ वृषा॑ ।
   शिशी॑ते यू॒थ्यः वृषा ।
   छिशी॑ते यू॒थियो वृषा ।

Halfverse: c    नृ॒म्णा दधा॑न॒ ओज॑सा ।।
   नृ॒म्णा दधा॑न॒ ओज॑सा ।।
   नृ॒म्णा दधा॑नः ओज॑सा ।।
   नृ॒म्णा दधा॑न ओज॑सा ।।

Verse: 5
Halfverse: a    ए॒ष रु॒क्मिभि॑रीयते वा॒जी शु॒भ्रेभि॑रं॒शुभिः॑ ।
   ए॒ष रु॒क्मिभि॑रीयते
   ए॒ष रु॒क्मिभिः ईयते
   ए॒ष रु॒क्मिभि॑र् ईयते

Halfverse: b    वा॒जी शु॒भ्रेभि॑रं॒शुभिः॑ ।
   वा॒जी शु॒भ्रेभिः अं॒शुभिः ।
   वा॒जी शु॒भ्रेभि॑र् अं॒शुभिः ।

Halfverse: c    पतिः॒ सिन्धू॑ना॒म्भव॑न् ।।
   पतिः॒ सिन्धू॑ना॒म्भव॑न् ।।
   पतिः सिन्धू॑नाम् भव॑न् ।।
   पतिः सिन्धू॑नाअम् भव॑न् ।।

Verse: 6
Halfverse: a    ए॒ष वसू॑नि पिब्द॒ना परु॑षा ययि॒वाँ अति॑ ।
   ए॒ष वसू॑नि पिब्द॒ना
   ए॒ष वसू॑नि पिब्द॒ना
   ए॒ष वसू॑नि पिब्द॒ना

Halfverse: b    परु॑षा ययि॒वाँ अति॑ ।
   परु॑षा ययि॒वान् अति ।
   परु॑षा ययि॒वाँ अति ।

Halfverse: c    अव॒ शादे॑षु गछति ।।
   अव॒ शादे॑षु गछति ।।
   अव शादे॑षु गछति ।।
   अव शादे॑षु गछति ।।

Verse: 7
Halfverse: a    ए॒तम्मृ॑जन्ति॒ मर्ज्य॒मुप॒ द्रोणे॑ष्वा॒यवः॑ ।
   ए॒तम्मृ॑जन्ति॒ मर्ज्य॑म्
   ए॒तम् मृजन्ति मर्ज्य॑म्
   ए॒तम् मृजन्ति मर्जि॑यम्

Halfverse: b    उप॒ द्रोणे॑ष्वा॒यवः॑ ।
   उप द्रोणे॑षु आ॒यवः ।
   उप द्रोणे॑षु आ॒यवः ।

Halfverse: c    प्र॑चक्रा॒णम्म॒हीरिषः॑ ।।
   प्र॑चक्रा॒णम्म॒हीरिषः॑ ।।
   प्र॑चक्रा॒णम् म॒हीः इषः ।।
   प्र॑चक्रा॒णम् म॒हीर् इषः ।।

Verse: 8
Halfverse: a    ए॒तमु॒ त्यं दश॒ क्षिपो॑ मृ॒जन्ति॑ स॒प्त धी॒तयः॑ ।
   ए॒तमु॒ त्यं दश॒ क्षिपो
   ए॒तम् उ त्यम् दश क्षिपः
   ए॒तम् उ त्यं दश क्षिपो

Halfverse: b    मृ॒जन्ति॑ स॒प्त धी॒तयः॑ ।
   मृ॒जन्ति स॒प्त धी॒तयः ।
   मृ॒जन्ति स॒प्त धी॒तयः ।

Halfverse: c    स्वा॑यु॒धम्म॒दिन्त॑मम् ।।
   स्वा॑यु॒धम्म॒दिन्त॑मम् ।।
   स्वा॑यु॒धम् म॒दिन्त॑मम् ।।
   सुआ॑यु॒धम् म॒दिन्त॑मम् ।।

This text is part of the TITUS edition of Rg-Veda: Rg-Veda-Samhita.

Copyright TITUS Project, Frankfurt a/M, 10.12.2008. No parts of this document may be republished in any form without prior permission by the copyright holder.