TITUS Texts: Rg-Veda: Rg-Veda-Samhita

TITUS
Rg-Veda: Rg-Veda-Samhita
Part No. 739

Hymn: 16_(728)
Verse: 1
Halfverse: a    प्र ते॑ सो॒तार॑ ओ॒ण्यो॒ रस॒म्मदा॑य॒ घृष्व॑ये ।
   प्र ते॑ सो॒तार॑ ओ॒ण्यो
   प्र ते सो॒तारः ओ॒ण्योः
   प्र ते सो॒तार ओ॒णियो

Halfverse: b    रस॒म्मदा॑य॒ घृष्व॑ये ।
   रस॑म् मदा॑य घृष्व॑ये ।
   रस॑म् मदा॑य घृष्व॑ये ।

Halfverse: c    सर्गो॒ न त॒क्त्येत॑शः ।।
   सर्गो॒ न त॒क्त्येत॑शः ।।
   सर्गः न त॑क्ति एत॑शः ।।
   सर्गो न त॑क्ति एत॑शः ।।

Verse: 2
Halfverse: a    क्रत्वा॒ दक्ष॑स्य र॒थ्य॑म॒पो वसा॑न॒मन्ध॑सा ।
   क्रत्वा॒ दक्ष॑स्य र॒थ्य॑म्
   क्रत्वा दक्ष॑स्य र॒थ्य॑म्
   क्रत्वा दक्ष॑स्य र॒थिय॑म्

Halfverse: b    अ॒पो वसा॑न॒मन्ध॑सा ।
   अ॒पः वसा॑नम् अन्ध॑सा ।
   अ॒पो वसा॑नम् अन्ध॑सा ।

Halfverse: c    गो॒षामण्वे॑षु सश्चिम ।।
   गो॒षामण्वे॑षु सश्चिम ।।
   गो॒षाम् अण्वे॑षु सश्चिम ।।
   गो॒षाम् अण्वे॑षु सश्चिम ।।

Verse: 3
Halfverse: a    अन॑प्तम॒प्सु दु॒ष्टरं॒ सोम॑म्प॒वित्र॒ आ सृ॑ज ।
   अन॑प्तम॒प्सु दु॒ष्टरं
   अन॑प्तम् अ॒प्सु दु॒ष्टर॑म्
   अन॑प्तम् अ॒प्सु दु॒ष्टरं

Halfverse: b    सोम॑म्प॒वित्र॒ आ सृ॑ज ।
   सोम॑म् प॒वित्रे आ सृ॑ज ।
   सोम॑म् प॒वित्र आ सृ॑ज ।

Halfverse: c    पु॑नी॒हीन्द्रा॑य॒ पात॑वे ।।
   पु॑नी॒हीन्द्रा॑य॒ पात॑वे ।।
   पु॑नी॒हि इन्द्रा॑य पात॑वे ।।
   पु॑नी॒हीन्द्रा॑य पात॑वे ।।

Verse: 4
Halfverse: a    प्र पु॑ना॒नस्य॒ चेत॑सा॒ सोमः॑ प॒वित्रे॑ अर्षति ।
   प्र पु॑ना॒नस्य॒ चेत॑सा
   प्र पु॑ना॒नस्य चेत॑सा
   प्र पु॑ना॒नस्य चेत॑सा

Halfverse: b    सोमः॑ प॒वित्रे॑ अर्षति ।
   सोमः प॒वित्रे अर्षति ।
   सोमः प॒वित्रे अर्षति ।

Halfverse: c    क्रत्वा॑ स॒धस्थ॒मास॑दत् ।।
   क्रत्वा॑ स॒धस्थ॒मास॑दत् ।।
   क्रत्वा स॒धस्थ॑म् आ अ॑सदत् ।।
   क्रत्वा स॒धस्थ॑म् आस॑दत् ।।

Verse: 5
Halfverse: a    प्र त्वा॒ नमो॑भि॒रिन्द॑व॒ इन्द्र॒ सोमा॑ असृक्षत ।
   प्र त्वा॒ नमो॑भि॒रिन्द॑व
   प्र त्वा नमो॑भिः इन्द॑वः
   प्र त्वा नमो॑भिर् इन्द॑व

Halfverse: b    इन्द्र॒ सोमा॑ असृक्षत ।
   इन्द्र सोमाः असृक्षत ।
   इन्द्र सोमा असृक्षत ।

Halfverse: c    म॒हे भरा॑य का॒रिणः॑ ।।
   म॒हे भरा॑य का॒रिणः॑ ।।
   म॒हे भरा॑य का॒रिणः ।।
   म॒हे भरा॑य का॒रिणः ।।

Verse: 6
Halfverse: a    पु॑ना॒नो रू॒पे अ॒व्यये॒ विश्वा॒ अर्ष॑न्न॒भि श्रियः॑ ।
   पु॑ना॒नो रू॒पे अ॒व्यये
   पुना॒नः रू॒पे अ॒व्यये
   पुना॒नो रू॒पे अ॒व्यये

Halfverse: b    विश्वा॒ अर्ष॑न्न॒भि श्रियः॑ ।
   विश्वाः अर्ष॑न् अ॒भि श्रियः ।
   विश्वा अर्ष॑न्न् अ॒भि श्रियः ।

Halfverse: c    शूरो॒ न गोषु॑ तिष्ठति ।।
   शूरो॒ न गोषु॑ तिष्ठति ।।
   शूरः न गोषु तिष्ठति ।।
   शूरो न गोषु तिष्ठति ।।

Verse: 7
Halfverse: a    दि॒वो न सानु॑ पि॒प्युषी॒ धारा॑ सु॒तस्य॑ वे॒धसः॑ ।
   दि॒वो न सानु॑ पि॒प्युषी
   दि॒वः न सानु पि॒प्युषी
   दि॒वो न सानु पि॒प्युषी

Halfverse: b    धारा॑ सु॒तस्य॑ वे॒धसः॑ ।
   धारा सु॒तस्य वे॒धसः ।
   धारा सु॒तस्य वे॒धसः ।

Halfverse: c    वृथा॑ प॒वित्रे॑ अर्षति ।।
   वृथा॑ प॒वित्रे॑ अर्षति ।।
   वृथा प॒वित्रे अर्षति ।।
   वृथा प॒वित्रे अर्षति ।।

Verse: 8
Halfverse: a    त्वं सो॑म विप॒श्चितं॒ तना॑ पुना॒न आ॒युषु॑ ।
   त्वं सो॑म विप॒श्चितं
   त्वम् सोम विप॒श्चित॑म्
   तु॒वं सो॑म विप॒श्चितं

Halfverse: b    तना॑ पुना॒न आ॒युषु॑ ।
   तना पुना॒नः आ॒युषु ।
   तना पुना॒न आ॒युषु ।

Halfverse: c    अव्यो॒ वारं॒ वि धा॑वसि ।।
   अव्यो॒ वारं॒ वि धा॑वसि ।।
   अव्यः वार॑म् वि धा॑वसि ।।
   अव्यो वारं वि धा॑वसि ।।

This text is part of the TITUS edition of Rg-Veda: Rg-Veda-Samhita.

Copyright TITUS Project, Frankfurt a/M, 10.12.2008. No parts of this document may be republished in any form without prior permission by the copyright holder.