TITUS Texts: Rg-Veda: Rg-Veda-Samhita

TITUS
Rg-Veda: Rg-Veda-Samhita
Part No. 742

Hymn: 19_(731)
Verse: 1
Halfverse: a    यत्सो॑म चि॒त्रमु॒क्थ्यं॑ दि॒व्यम्पार्थि॑वं॒ वसु॑ ।
   यत्सो॑म चि॒त्रमु॒क्थ्यं
   यत् सोम चि॒त्रम् उ॒क्थ्य॑म्
   यत् सोम चि॒त्रम् उ॒क्थियं

Halfverse: b    दि॒व्यम्पार्थि॑वं॒ वसु॑ ।
   दि॒व्यम् पार्थि॑वम् वसु ।
   दि॑वि॒यम् पार्थि॑वं वसु ।

Halfverse: c    तन्नः॑ पुना॒न आ भ॑र ।।
   तन्नः॑ पुना॒न आ भ॑र ।।
   तत् नः पुना॒नः आ भ॑र ।।
   तन् नः पुना॒न आ भ॑र ।।

Verse: 2
Halfverse: a    यु॒वं हि स्थः स्व॑र्पती॒ इन्द्र॑श्च सोम॒ गोप॑ती ।
   यु॒वं हि स्थः स्व॑र्पती
   यु॒वम् हि स्थः स्व॑र्पती
   यु॒वं हि स्थः सुव॑र्पती

Halfverse: b    इन्द्र॑श्च सोम॒ गोप॑ती ।
   इन्द्रः च सोम गोप॑ती ।
   इन्द्र॑श् च सोम गोप॑ती ।

Halfverse: c    ई॑शा॒ना पि॑प्यतं॒ धियः॑ ।।
   ई॑शा॒ना पि॑प्यतं॒ धियः॑ ।।
   ई॑शा॒ना पि॑प्यतम् धियः ।।
   ई॑शा॒ना पि॑प्यतं धियः ।।

Verse: 3
Halfverse: a    वृषा॑ पुना॒न आ॒युषु॑ स्त॒नय॒न्नधि॑ ब॒र्हिषि॑ ।
   वृषा॑ पुना॒न आ॒युषु
   वृषा पुना॒नः आ॒युषु
   वृषा पुना॒न आ॒युषु

Halfverse: b    स्त॒नय॒न्नधि॑ ब॒र्हिषि॑ ।
   स्त॒नय॑न् अधि ब॒र्हिषि ।
   स्त॒नय॑न्न् अधि ब॒र्हिषि ।

Halfverse: c    हरिः॒ सन्योनि॒मास॑दत् ।।
   हरिः॒ सन्योनि॒मास॑दत् ।।
   हरिः सन् योनि॑म् आ अ॑सदत् ।।
   हरिः सन् योनि॑म् आस॑दत् ।।

Verse: 4
Halfverse: a    अवा॑वशन्त धी॒तयो॑ वृष॒भस्याधि॒ रेत॑सि ।
   अवा॑वशन्त धी॒तयो
   अवा॑वशन्त धी॒तयः
   अवा॑वशन्त धी॒तयो

Halfverse: b    वृष॒भस्याधि॒ रेत॑सि ।
   वृ॑ष॒भस्य अधि रेत॑सि ।
   वृ॑ष॒भस्याधि रेत॑सि ।

Halfverse: c    सू॒नोर्व॒त्सस्य॑ मा॒तरः॑ ।।
   सू॒नोर्व॒त्सस्य॑ मा॒तरः॑ ।।
   सू॒नोः व॒त्सस्य मा॒तरः ।।
   सू॒नोर् व॒त्सस्य मा॒तरः ।।

Verse: 5
Halfverse: a    कु॒विद्वृ॑ष॒ण्यन्ती॑भ्यः पुना॒नो गर्भ॑मा॒दध॑त् ।
   कु॒विद्वृ॑ष॒ण्यन्ती॑भ्यः
   कु॒वित् वृष॒ण्यन्ती॑भ्यः
   कु॒विद् वृष॒ण्यन्ती॑भियः

Halfverse: b    पुना॒नो गर्भ॑मा॒दध॑त् ।
   पु॑ना॒नः गर्भ॑म् आ॒दध॑त् ।
   पु॑ना॒नो गर्भ॑म् आ॒दध॑त् ।

Halfverse: c    याः शु॒क्रं दु॑ह॒ते पयः॑ ।।
   याः शु॒क्रं दु॑ह॒ते पयः॑ ।।
   याः शु॒क्रम् दुह॒ते पयः ।।
   याः शु॒क्रं दु॑ह॒ते पयः ।।

Verse: 6
Halfverse: a    उप॑ शिक्षापत॒स्थुषो॑ भि॒यस॒मा धे॑हि॒ शत्रु॑षु ।
   उप॑ शिक्षापत॒स्थुषो
   उप शिक्ष अपत॒स्थुषः
   उप शिक्षापत॒स्थुषो

Halfverse: b    भि॒यस॒मा धे॑हि॒ शत्रु॑षु ।
   भि॒यस॑म् आ धे॑हि शत्रु॑षु ।
   भि॒यस॑म् आ धे॑हि शत्रु॑षु ।

Halfverse: c    पव॑मान वि॒दा र॒यिम् ।।
   पव॑मान वि॒दा र॒यिम् ।।
   पव॑मान वि॒दाः र॒यिम् ।।
   पव॑मान वि॒दा र॒यिम् ।।

Verse: 7
Halfverse: a    नि शत्रोः॑ सोम॒ वृष्ण्यं॒ नि शुष्मं॒ नि वय॑स्तिर ।
   नि शत्रोः॑ सोम॒ वृष्ण्यं
   नि शत्रोः सोम वृष्ण्य॑म्
   नि शत्रोः सोम वृष्णि॑यं

Halfverse: b    नि शुष्मं॒ नि वय॑स्तिर ।
   नि शुष्म॑म् नि वयः तिर ।
   नि शुष्मं नि वय॑स् तिर ।

Halfverse: c    दू॒रे वा॑ स॒तो अन्ति॑ वा ।।
   दू॒रे वा॑ स॒तो अन्ति॑ वा ।।
   दू॒रे वा स॒तः अन्ति वा ।।
   दू॒रे वा स॒तो अन्ति वा ।।

This text is part of the TITUS edition of Rg-Veda: Rg-Veda-Samhita.

Copyright TITUS Project, Frankfurt a/M, 10.12.2008. No parts of this document may be republished in any form without prior permission by the copyright holder.