TITUS Texts: Rg-Veda: Rg-Veda-Samhita

TITUS
Rg-Veda: Rg-Veda-Samhita
Part No. 743

Hymn: 20_(732)
Verse: 1
Halfverse: a    प्र क॒विर्दे॒ववी॑त॒ये ऽव्यो॒ वारे॑भिरर्षति ।
   प्र क॒विर्दे॒ववी॑त॒ये
   प्र क॒विः दे॒ववी॑तये
   प्र क॒विर् दे॒ववी॑तये

Halfverse: b    ऽव्यो॒ वारे॑भिरर्षति ।
   अव्यः वारे॑भिः अर्षति ।
   अव्यो वारे॑भिर् अर्षति ।

Halfverse: c    सा॒ह्वान्विश्वा॑ अ॒भि स्पृधः॑ ।।
   सा॒ह्वान्विश्वा॑ अ॒भि स्पृधः॑ ।।
   सा॒ह्वान् विश्वाः अ॒भि स्पृधः ।।
   सा॒ह्वान् विश्वा अ॒भि स्पृधः ।।

Verse: 2
Halfverse: a    स हि ष्मा॑ जरि॒तृभ्य॒ आ वाजं॒ गोम॑न्त॒मिन्व॑ति ।
   स हि ष्मा॑ जरि॒तृभ्य॒ आ
   स हि स्म+ जरि॒तृभ्यः आ
   स हि ष्मा जरि॒तृभ्य आ

Halfverse: b    वाजं॒ गोम॑न्त॒मिन्व॑ति ।
   वाज॑म् गोम॑न्तम् इन्व॑ति ।
   वाजं गोम॑न्तम् इन्व॑ति ।

Halfverse: c    पव॑मानः सह॒स्रिण॑म् ।।
   पव॑मानः सह॒स्रिण॑म् ।।
   पव॑मानः सह॒स्रिण॑म् ।।
   पव॑मानः सह॒स्रिण॑म् ।।

Verse: 3
Halfverse: a    परि॒ विश्वा॑नि॒ चेत॑सा मृ॒शसे॒ पव॑से म॒ती ।
   परि॒ विश्वा॑नि॒ चेत॑सा
   परि विश्वा॑नि चेत॑सा
   परि विश्वा॑नि चेत॑सा

Halfverse: b    मृ॒शसे॒ पव॑से म॒ती ।
   मृ॒शसे पव॑से म॒ती ।
   मृ॒शसे पव॑से म॒ती ।

Halfverse: c    स नः॑ सोम॒ श्रवो॑ विदः ।।
   स नः॑ सोम॒ श्रवो॑ विदः ।।
   स नः सोम श्रवः विदः ।।
   स नः सोम श्रवो विदः ।।

Verse: 4
Halfverse: a    अ॒भ्य॑र्ष बृ॒हद्यशो॑ म॒घव॑द्भ्यो ध्रु॒वं र॒यिम् ।
   अ॒भ्य॑र्ष बृ॒हद्यशो
   अ॒भि अ॑र्ष बृ॒हत् यशः
   अ॒भि अ॑र्ष बृ॒हद् यशो

Halfverse: b    म॒घव॑द्भ्यो ध्रु॒वं र॒यिम् ।
   म॒घव॑द्भ्यः ध्रु॒वम् र॒यिम् ।
   म॒घव॑द्भ्यो ध्रु॒वं र॒यिम् ।

Halfverse: c    इषं॑ स्तो॒तृभ्य॒ आ भ॑र ।।
   इषं॑ स्तो॒तृभ्य॒ आ भ॑र ।।
   इष॑म् स्तो॒तृभ्यः आ भ॑र ।।
   इषं स्तो॒तृभ्य आ भ॑र ।।

Verse: 5
Halfverse: a    त्वं राजे॑व सुव्र॒तो गिरः॑ सो॒मा वि॑वेशिथ ।
   त्वं राजे॑व सुव्र॒तो
   त्वम् राजा इव सुव्र॒तः
   तु॒वं राजे॑व सुव्र॒तो

Halfverse: b    गिरः॑ सो॒मा वि॑वेशिथ ।
   गिरः सोम आ वि॑वेशिथ ।
   गिरः सो॒मा वि॑वेशिथ ।

Halfverse: c    पु॑ना॒नो व॑ह्ने अद्भुत ।।
   पु॑ना॒नो व॑ह्ने अद्भुत ।।
   पु॑ना॒नः व॑ह्ने अद्भुत ।।
   पु॑ना॒नो व॑ह्ने अद्भुत ।।

Verse: 6
Halfverse: a    स वह्नि॑र॒प्सु दु॒ष्टरो॑ मृ॒ज्यमा॑नो॒ गभ॑स्त्योः ।
   स वह्नि॑र॒प्सु दु॒ष्टरो
   स वह्निः अ॒प्सु दु॒ष्टरः
   स वह्नि॑र् अ॒प्सु दु॒ष्टरो

Halfverse: b    मृ॒ज्यमा॑नो॒ गभ॑स्त्योः ।
   मृ॒ज्यमा॑नः गभ॑स्त्योः ।
   मृ॒ज्यमा॑नो गभ॑स्तियोः ।

Halfverse: c    सोम॑श्च॒मूषु॑ सीदति ।।
   सोम॑श्च॒मूषु॑ सीदति ।।
   सोमः च॒मूषु सीदति ।।
   सोम॑श् च॒मूषु सीदति ।।

Verse: 7
Halfverse: a    क्री॒ळुर्म॒खो न मं॑ह॒युः प॒वित्रं॑ सोम गछसि ।
   क्री॒ळुर्म॒खो न मं॑ह॒युः
   क्री॒ळुः म॒खः न मं॑ह॒युः
   क्री॒ळुर् म॒खो न मं॑ह॒युः

Halfverse: b    प॒वित्रं॑ सोम गछसि ।
   प॒वित्र॑म् सोम गछसि ।
   प॒वित्रं सोम गछसि ।

Halfverse: c    दध॑त्स्तो॒त्रे सु॒वीर्य॑म् ।।
   दध॑त्स्तो॒त्रे सु॒वीर्य॑म् ।।
   दध॑त् स्तो॒त्रे सु॒वीर्य॑म् ।।
   दध॑त् स्तो॒त्रे सु॒वीरि॑यम् ।।

This text is part of the TITUS edition of Rg-Veda: Rg-Veda-Samhita.

Copyright TITUS Project, Frankfurt a/M, 10.12.2008. No parts of this document may be republished in any form without prior permission by the copyright holder.