TITUS Texts: Rg-Veda: Rg-Veda-Samhita

TITUS
Rg-Veda: Rg-Veda-Samhita
Part No. 744

Hymn: 21_(733)
Verse: 1
Halfverse: a    ए॒ते धा॑व॒न्तीन्द॑वः॒ सोमा॒ इन्द्रा॑य॒ घृष्व॑यः ।
   ए॒ते धा॑व॒न्तीन्द॑वः
   ए॒ते धा॑वन्ति इन्द॑वः
   ए॒ते धा॑वन्ति इन्द॑वः

Halfverse: b    सोमा॒ इन्द्रा॑य॒ घृष्व॑यः ।
   सोमाः इन्द्रा॑य घृष्व॑यः ।
   सोमा इन्द्रा॑य घृष्व॑यः ।

Halfverse: c    म॑त्स॒रासः॑ स्व॒र्विदः॑ ।।
   म॑त्स॒रासः॑ स्व॒र्विदः॑ ।।
   म॑त्स॒रासः स्व॒र्विदः ।।
   म॑त्स॒रासः सुव॒र्विदः ।।

Verse: 2
Halfverse: a    प्र॑वृ॒ण्वन्तो॑ अभि॒युजः॒ सुष्व॑ये वरिवो॒विदः॑ ।
   प्र॑वृ॒ण्वन्तो॑ अभि॒युजः
   प्रवृ॒ण्वन्तः अभि॒युजः
   प्रवृ॒ण्वन्तो अभि॒युजः

Halfverse: b    सुष्व॑ये वरिवो॒विदः॑ ।
   सुष्व॑ये वरिवो॒विदः ।
   सुष्व॑ये वरिवो॒विदः ।

Halfverse: c    स्व॒यं स्तो॒त्रे व॑य॒स्कृतः॑ ।।
   स्व॒यं स्तो॒त्रे व॑य॒स्कृतः॑ ।।
   स्व॒यम् स्तो॒त्रे व॑य॒स्कृतः ।।
   स्व॒यं स्तो॒त्रे व॑य॒स्कृतः ।।

Verse: 3
Halfverse: a    वृथा॒ क्रीळ॑न्त॒ इन्द॑वः स॒धस्थ॑म॒भ्येक॒मित् ।
   वृथा॒ क्रीळ॑न्त॒ इन्द॑वः
   वृथा क्रीळ॑न्तः इन्द॑वः
   वृथा क्रीळ॑न्त इन्द॑वः

Halfverse: b    स॒धस्थ॑म॒भ्येक॒मित् ।
   स॒धस्थ॑म् अ॒भि एक॑म् इत् ।
   स॒धस्थ॑म् अ॒भि एक॑म् इत् ।

Halfverse: c    सिन्धो॑रू॒र्मा व्य॑क्षरन् ।।
   सिन्धो॑रू॒र्मा व्य॑क्षरन् ।।
   सिन्धोः ऊ॒र्मा वि अ॑क्षरन् ।।
   सिन्धो॑र् ऊ॒र्मा वि अ॑क्षरन् ।।

Verse: 4
Halfverse: a    ए॒ते विश्वा॑नि॒ वार्या॒ पव॑मानास आशत ।
   ए॒ते विश्वा॑नि॒ वार्या
   ए॒ते विश्वा॑नि वार्या
   ए॒ते विश्वा॑नि वारि॑या

Halfverse: b    पव॑मानास आशत ।
   पव॑मानासः आशत ।
   पव॑मानास आशत ।

Halfverse: c    हि॒ता न सप्त॑यो॒ रथे॑ ।।
   हि॒ता न सप्त॑यो॒ रथे॑ ।।
   हि॒ताः न सप्त॑यः रथे ।।
   हि॒ता न सप्त॑यो रथे ।।

Verse: 5
Halfverse: a    आस्मि॑न्पि॒शङ्ग॑मिन्दवो॒ दधा॑ता वे॒नमा॒दिशे॑ ।
   आस्मि॑न्पि॒शङ्ग॑मिन्दवो
   आ अ॑स्मिन् पि॒शङ्ग॑म् इन्दवः
   आस्मि॑न् पि॒शङ्ग॑म् इन्दवो

Halfverse: b    दधा॑ता वे॒नमा॒दिशे॑ ।
   दधा॑त+ वे॒नम् आ॒दिशे ।
   दधा॑ता वे॒नम् आ॒दिशे ।

Halfverse: c    यो अ॒स्मभ्य॒मरा॑वा ।।
   यो अ॒स्मभ्य॒मरा॑वा ।।
   यः अ॒स्मभ्य॑म् अरा॑वा ।।
   यो अ॒स्मभ्य॑म् अरा॑वा ।।

Verse: 6
Halfverse: a    ऋ॒भुर्न रथ्यं॒ नवं॒ दधा॑ता॒ केत॑मा॒दिशे॑ ।
   ऋ॒भुर्न रथ्यं॒ नवं
   ऋ॒भुः न रथ्य॑म् नव॑म्
   ऋ॒भुर् न रथि॑यं नवं

Halfverse: b    दधा॑ता॒ केत॑मा॒दिशे॑ ।
   दधा॑त+ केत॑म् आ॒दिशे ।
   दधा॑ता केत॑म् आ॒दिशे ।

Halfverse: c    शु॒क्राः प॑वध्व॒मर्ण॑सा ।।
   शु॒क्राः प॑वध्व॒मर्ण॑सा ।।
   शु॒क्राः प॑वध्वम् अर्ण॑सा ।।
   शु॒क्राः प॑वध्वम् अर्ण॑सा ।।

Verse: 7
Halfverse: a    ए॒त उ॒ त्ये अ॑वीवश॒न्काष्ठां॑ वा॒जिनो॑ अक्रत ।
   ए॒त उ॒ त्ये अ॑वीवशन्
   ए॒ते उ त्ये अ॑वीवशन्
   ए॒त उ त्ये अ॑वीवशन्

Halfverse: b    काष्ठां॑ वा॒जिनो॑ अक्रत ।
   काष्ठा॑म् वा॒जिनः अक्रत ।
   काष्ठां वा॒जिनो अक्रत ।

Halfverse: c    स॒तः प्रासा॑विषुर्म॒तिम् ।।
   स॒तः प्रासा॑विषुर्म॒तिम् ।।
   स॒तः प्र अ॑साविषुः म॒तिम् ।।
   स॒तः प्रासा॑विषुर् म॒तिम् ।।

This text is part of the TITUS edition of Rg-Veda: Rg-Veda-Samhita.

Copyright TITUS Project, Frankfurt a/M, 10.12.2008. No parts of this document may be republished in any form without prior permission by the copyright holder.