TITUS Texts: Rg-Veda: Rg-Veda-Samhita

TITUS
Rg-Veda: Rg-Veda-Samhita
Part No. 753

Hymn: 30_(742)
Verse: 1
Halfverse: a    प्र धारा॑ अस्य शु॒ष्मिणो॒ वृथा॑ प॒वित्रे॑ अक्षरन् ।
   प्र धारा॑ अस्य शु॒ष्मिणो
   प्र धाराः अस्य शु॒ष्मिणः
   प्र धारा अस्य शु॒ष्मिणो

Halfverse: b    वृथा॑ प॒वित्रे॑ अक्षरन् ।
   वृथा प॒वित्रे अक्षरन् ।
   वृथा प॒वित्रे अक्षरन् ।

Halfverse: c    पु॑ना॒नो वाच॑मिष्यति ।।
   पु॑ना॒नो वाच॑मिष्यति ।।
   पु॑ना॒नः वाच॑म् इष्यति ।।
   पु॑ना॒नो वाच॑म् इष्यति ।।

Verse: 2
Halfverse: a    इन्दु॑र्हिया॒नः सो॒तृभि॑र्मृ॒ज्यमा॑नः॒ कनि॑क्रदत् ।
   इन्दु॑र्हिया॒नः सो॒तृभि॑र्
   इन्दुः हिया॒नः सो॒तृभिः
   इन्दु॑र् हिया॒नः सो॒तृभि॑र्

Halfverse: b    मृ॒ज्यमा॑नः॒ कनि॑क्रदत् ।
   मृ॒ज्यमा॑नः कनि॑क्रदत् ।
   मृ॒ज्यमा॑नः कनि॑क्रदत् ।

Halfverse: c    इय॑र्ति व॒ग्नुमि॑न्द्रि॒यम् ।।
   इय॑र्ति व॒ग्नुमि॑न्द्रि॒यम् ।।
   इय॑र्ति व॒ग्नुम् इन्द्रि॒यम् ।।
   इय॑र्ति व॒ग्नुम् इन्द्रि॒यम् ।।

Verse: 3
Halfverse: a    आ नः॒ शुष्मं॑ नृ॒षाह्यं॑ वी॒रव॑न्तम्पुरु॒स्पृह॑म् ।
   आ नः॒ शुष्मं॑ नृ॒षाह्यं
   आ नः शुष्म॑म् नृ॒षाह्य॑म्
   आ नः शुष्मं नृ॒षाहि॑यं

Halfverse: b    वी॒रव॑न्तम्पुरु॒स्पृह॑म् ।
   वी॒रव॑न्तम् पुरु॒स्पृह॑म् ।
   वी॒रव॑न्तम् पुरु॒स्पृह॑म् ।

Halfverse: c    पव॑स्व सोम॒ धार॑या ।।
   पव॑स्व सोम॒ धार॑या ।।
   पव॑स्व सोम धार॑या ।।
   पव॑स्व सोम धार॑या ।।

Verse: 4
Halfverse: a    प्र सोमो॒ अति॒ धार॑या॒ पव॑मानो असिष्यदत् ।
   प्र सोमो॒ अति॒ धार॑या
   प्र सोमः अति धार॑या
   प्र सोमो अति धार॑या

Halfverse: b    पव॑मानो असिष्यदत् ।
   पव॑मानः असिष्यदत् ।
   पव॑मानो असिष्यदत् ।

Halfverse: c    अ॒भि द्रोणा॑न्या॒सद॑म् ।।
   अ॒भि द्रोणा॑न्या॒सद॑म् ।।
   अ॒भि द्रोणा॑नि आ॒सद॑म् ।।
   अ॒भि द्रोणा॑नि आ॒सद॑म् ।।

Verse: 5
Halfverse: a    अ॒प्सु त्वा॒ मधु॑मत्तमं॒ हरिं॑ हिन्व॒न्त्यद्रि॑भिः ।
   अ॒प्सु त्वा॒ मधु॑मत्तमं
   अ॒प्सु त्वा मधु॑मत्तमम्
   अ॒प्सु त्वा मधु॑मत्तमं

Halfverse: b    हरिं॑ हिन्व॒न्त्यद्रि॑भिः ।
   हरि॑म् हिन्वन्ति अद्रि॑भिः ।
   हरिं हिन्वन्ति अद्रि॑भिः ।

Halfverse: c    इन्द॒विन्द्रा॑य पी॒तये॑ ।।
   इन्द॒विन्द्रा॑य पी॒तये॑ ।।
   इन्दो इन्द्रा॑य पी॒तये ।।
   इन्द॑व् इन्द्रा॑य पी॒तये ।।

Verse: 6
Halfverse: a    सु॒नोता॒ मधु॑मत्तमं॒ सोम॒मिन्द्रा॑य व॒ज्रिणे॑ ।
   सु॒नोता॒ मधु॑मत्तमं
   सु॒नोत+ मधु॑मत्तमम्
   सु॒नोता मधु॑मत्तमं

Halfverse: b    सोम॒मिन्द्रा॑य व॒ज्रिणे॑ ।
   सोम॑म् इन्द्रा॑य व॒ज्रिणे ।
   सोम॑म् इन्द्रा॑य व॒ज्रिणे ।

Halfverse: c    चारुं॒ शर्धा॑य मत्स॒रम् ।।
   चारुं॒ शर्धा॑य मत्स॒रम् ।।
   चारु॑म् शर्धा॑य मत्स॒रम् ।।
   चारुं शर्धा॑य मत्स॒रम् ।।

This text is part of the TITUS edition of Rg-Veda: Rg-Veda-Samhita.

Copyright TITUS Project, Frankfurt a/M, 10.12.2008. No parts of this document may be republished in any form without prior permission by the copyright holder.