TITUS Texts: Rg-Veda: Rg-Veda-Samhita

TITUS
Rg-Veda: Rg-Veda-Samhita
Part No. 752

Hymn: 29_(741)
Verse: 1
Halfverse: a    प्रास्य॒ धारा॑ अक्षर॒न्वृष्णः॑ सु॒तस्यौज॑सा ।
   प्रास्य॒ धारा॑ अक्षरन्
   प्र अ॑स्य धाराः अक्षरन्
   प्र अ॑स्य धारा अक्षरन्

Halfverse: b    वृष्णः॑ सु॒तस्यौज॑सा ।
   वृष्णः सु॒तस्य ओज॑सा ।
   वृष्णः सु॒तस्य ओज॑सा ।

Halfverse: c    दे॒वाँ अनु॑ प्र॒भूष॑तः ।।
   दे॒वाँ अनु॑ प्र॒भूष॑तः ।।
   दे॒वान् अनु प्र॒भूष॑तः ।।
   दे॒वाँ अनु प्र॒भूष॑तः ।।

Verse: 2
Halfverse: a    सप्ति॑म्मृजन्ति वे॒धसो॑ गृ॒णन्तः॑ का॒रवो॑ गि॒रा ।
   सप्ति॑म्मृजन्ति वे॒धसो
   सप्ति॑म् मृजन्ति वे॒धसः
   सप्ति॑म् मृजन्ति वे॒धसो

Halfverse: b    गृ॒णन्तः॑ का॒रवो॑ गि॒रा ।
   गृ॒णन्तः का॒रवः गि॒रा ।
   गृ॒णन्तः का॒रवो गि॒रा ।

Halfverse: c    ज्योति॑र्जज्ञा॒नमु॒क्थ्य॑म् ।।
   ज्योति॑र्जज्ञा॒नमु॒क्थ्य॑म् ।।
   ज्योतिः जज्ञा॒नम् उ॒क्थ्य॑म् ।।
   ज्योति॑र् जज्ञा॒नम् उ॒क्थिय॑म् ।।

Verse: 3
Halfverse: a    सु॒षहा॑ सोम॒ तानि॑ ते पुना॒नाय॑ प्रभूवसो ।
   सु॒षहा॑ सोम॒ तानि॑ ते
   सु॒षहा सोम तानि ते
   सु॒षहा सोम तानि ते

Halfverse: b    पुना॒नाय॑ प्रभूवसो ।
   पु॑ना॒नाय प्रभूवसो ।
   पु॑ना॒नाय प्रभूवसो ।

Halfverse: c    वर्धा॑ समु॒द्रमु॒क्थ्य॑म् ।।
   वर्धा॑ समु॒द्रमु॒क्थ्य॑म् ।।
   वर्ध+ समु॒द्रम् उ॒क्थ्य॑म् ।।
   वर्धा समु॒द्रम् उ॒क्थिय॑म् ।।

Verse: 4
Halfverse: a    विश्वा॒ वसू॑नि सं॒जय॒न्पव॑स्व सोम॒ धार॑या ।
   विश्वा॒ वसू॑नि सं॒जय॑न्
   विश्वा वसू॑नि सं॒जय॑न्
   विश्वा वसू॑नि सं॒जय॑न्

Halfverse: b    पव॑स्व सोम॒ धार॑या ।
   पव॑स्व सोम धार॑या ।
   पव॑स्व सोम धार॑या ।

Halfverse: c    इ॒नु द्वेषां॑सि स॒ध्र्य॑क् ।।
   इ॒नु द्वेषां॑सि स॒ध्र्य॑क् ।।
   इ॒नु द्वेषां॑सि स॒ध्र्य॑क् ।।
   इ॒नु द्वेषां॑सि सध्रिअक् ।।

Verse: 5
Halfverse: a    रक्षा॒ सु नो॒ अर॑रुषः स्व॒नात्स॑मस्य॒ कस्य॑ चित् ।
   रक्षा॒ सु नो॒ अर॑रुषः
   रक्ष+ सु नः अर॑रुषः
   रक्षा सु नो अर॑रुषः

Halfverse: b    स्व॒नात्स॑मस्य॒ कस्य॑ चित् ।
   स्व॒नात् समस्य कस्य चित् ।
   स्व॒नात् समस्य कस्य चित् ।

Halfverse: c    नि॒दो यत्र॑ मुमु॒च्महे॑ ।।
   नि॒दो यत्र॑ मुमु॒च्महे॑ ।।
   नि॒दः यत्र मुमु॒च्महे ।।
   नि॒दो यत्र मुमु॒च्महे ।।

Verse: 6
Halfverse: a    एन्दो॒ पार्थि॑वं र॒यिं दि॒व्यम्प॑वस्व॒ धार॑या ।
   एन्दो॒ पार्थि॑वं र॒यिं
   आ इ॑न्दो पार्थि॑वम् र॒यिम्
   आ इ॑न्दो पार्थि॑वं र॒यिं

Halfverse: b    दि॒व्यम्प॑वस्व॒ धार॑या ।
   दि॒व्यम् पवस्व धार॑या ।
   दि॒व्यम् पवस्व धार॑या ।

Halfverse: c    द्यु॒मन्तं॒ शुष्म॒मा भ॑र ।।
   द्यु॒मन्तं॒ शुष्म॒मा भ॑र ।।
   द्यु॒मन्त॑म् शुष्म॑म् आ भ॑र ।।
   द्यु॒मन्तं शुष्म॑म् आ भ॑र ।।

This text is part of the TITUS edition of Rg-Veda: Rg-Veda-Samhita.

Copyright TITUS Project, Frankfurt a/M, 10.12.2008. No parts of this document may be republished in any form without prior permission by the copyright holder.