TITUS Texts: Rg-Veda: Rg-Veda-Samhita

TITUS
Rg-Veda: Rg-Veda-Samhita
Part No. 751

Hymn: 28_(740)
Verse: 1
Halfverse: a    ए॒ष वा॒जी हि॒तो नृभि॑र्विश्व॒विन्मन॑स॒स्पतिः॑ ।
   ए॒ष वा॒जी हि॒तो नृभि॑र्
   ए॒ष वा॒जी हि॒तः नृभिः
   ए॒ष वा॒जी हि॒तो नृभि॑र्

Halfverse: b    विश्व॒विन्मन॑स॒स्पतिः॑ ।
   वि॑श्व॒वित् मन॑सः पतिः ।
   वि॑श्व॒विन् मन॑सस् पतिः ।

Halfverse: c    अव्यो॒ वारं॒ वि धा॑वति ।।
   अव्यो॒ वारं॒ वि धा॑वति ।।
   अव्यः वार॑म् वि धा॑वति ।।
   अव्यो वारं वि धा॑वति ।।

Verse: 2
Halfverse: a    ए॒ष प॒वित्रे॑ अक्षर॒त्सोमो॑ दे॒वेभ्यः॑ सु॒तः ।
   ए॒ष प॒वित्रे॑ अक्षरत्
   ए॒ष प॒वित्रे अक्षरत्
   ए॒ष प॒वित्रे अक्षरत्

Halfverse: b    सोमो॑ दे॒वेभ्यः॑ सु॒तः ।
   सोमः दे॒वेभ्यः सु॒तः ।
   सोमो दे॒वेभि॑यः सु॒तः ।

Halfverse: c    विश्वा॒ धामा॑न्यावि॒शन् ।।
   विश्वा॒ धामा॑न्यावि॒शन् ।।
   विश्वा धामा॑नि आवि॒शन् ।।
   विश्वा धामा॑नि आवि॒शन् ।।

Verse: 3
Halfverse: a    ए॒ष दे॒वः शु॑भाय॒ते ऽधि॒ योना॒वम॑र्त्यः ।
   ए॒ष दे॒वः शु॑भाय॒ते
   ए॒ष दे॒वः शु॑भायते
   ए॒ष दे॒वः शु॑भायते

Halfverse: b    ऽधि॒ योना॒वम॑र्त्यः ।
   अधि योनौ अम॑र्त्यः ।
   अधि योना॑व् अम॑र्तियः ।

Halfverse: c    वृ॑त्र॒हा दे॑व॒वीत॑मः ।।
   वृ॑त्र॒हा दे॑व॒वीत॑मः ।।
   वृ॑त्र॒हा दे॑व॒वीत॑मः ।।
   वृ॑त्र॒हा दे॑व॒वीत॑मः ।।

Verse: 4
Halfverse: a    ए॒ष वृषा॒ कनि॑क्रदद्द॒शभि॑र्जा॒मिभि॑र्य॒तः ।
   ए॒ष वृषा॒ कनि॑क्रदद्
   ए॒ष वृषा कनि॑क्रदत्
   ए॒ष वृषा कनि॑क्रदद्

Halfverse: b    द॒शभि॑र्जा॒मिभि॑र्य॒तः ।
   द॒शभिः जा॒मिभिः य॒तः ।
   द॒शभि॑र् जा॒मिभि॑र् य॒तः ।

Halfverse: c    अ॒भि द्रोणा॑नि धावति ।।
   अ॒भि द्रोणा॑नि धावति ।।
   अ॒भि द्रोणा॑नि धावति ।।
   अ॒भि द्रोणा॑नि धावति ।।

Verse: 5
Halfverse: a    ए॒ष सूर्य॑मरोचय॒त्पव॑मानो॒ विच॑र्षणिः ।
   ए॒ष सूर्य॑मरोचयत्
   ए॒ष सूर्य॑म् अरोचयत्
   ए॒ष सूर्य॑म् अरोचयत्

Halfverse: b    पव॑मानो॒ विच॑र्षणिः ।
   पव॑मानः विच॑र्षणिः ।
   पव॑मानो विच॑र्षणिः ।

Halfverse: c    विश्वा॒ धामा॑नि विश्व॒वित् ।।
   विश्वा॒ धामा॑नि विश्व॒वित् ।।
   विश्वा धामा॑नि विश्व॒वित् ।।
   विश्वा धामा॑नि विश्व॒वित् ।।

Verse: 6
Halfverse: a    ए॒ष शु॒ष्म्यदा॑भ्यः॒ सोमः॑ पुना॒नो अ॑र्षति ।
   ए॒ष शु॒ष्म्यदा॑भ्यः
   ए॒ष शु॒ष्मी अदा॑भ्यः
   ए॒ष शु॒ष्मी अदा॑भियः

Halfverse: b    सोमः॑ पुना॒नो अ॑र्षति ।
   सोमः पुना॒नः अ॑र्षति ।
   सोमः पुना॒नो अ॑र्षति ।

Halfverse: c    दे॑वा॒वीर॑घशंस॒हा ।।
   दे॑वा॒वीर॑घशंस॒हा ।।
   दे॑वा॒वीः अ॑घशंस॒हा ।।
   दे॑वा॒वीर् अघशंस॒हा ।।

This text is part of the TITUS edition of Rg-Veda: Rg-Veda-Samhita.

Copyright TITUS Project, Frankfurt a/M, 10.12.2008. No parts of this document may be republished in any form without prior permission by the copyright holder.