TITUS Texts: Rg-Veda: Rg-Veda-Samhita

TITUS
Rg-Veda: Rg-Veda-Samhita
Part No. 750

Hymn: 27_(739)
Verse: 1
Halfverse: a    ए॒ष क॒विर॒भिष्टु॑तः प॒वित्रे॒ अधि॑ तोशते ।
   ए॒ष क॒विर॒भिष्टु॑तः
   ए॒ष क॒विः अ॒भिष्टु॑तः
   ए॒ष क॒विर् अ॒भिष्टु॑तः

Halfverse: b    प॒वित्रे॒ अधि॑ तोशते ।
   प॒वित्रे अधि तोशते ।
   प॒वित्रे अधि तोशते ।

Halfverse: c    पु॑ना॒नो घ्नन्नप॒ स्रिधः॑ ।।
   पु॑ना॒नो घ्नन्नप॒ स्रिधः॑ ।।
   पु॑ना॒नः घ्नन् अप स्रिधः ।।
   पु॑ना॒नो घ्नन्न् अप स्रिधः ।।

Verse: 2
Halfverse: a    ए॒ष इन्द्रा॑य वा॒यवे॑ स्व॒र्जित्परि॑ षिच्यते ।
   ए॒ष इन्द्रा॑य वा॒यवे
   ए॒षः ।!। इन्द्रा॑य वा॒यवे
   ए॒ष इन्द्रा॑य वा॒यवे

Halfverse: b    स्व॒र्जित्परि॑ षिच्यते ।
   स्व॒र्जित् परि सिच्यते ।
   सु॑व॒र्जित् परि षिच्यते ।

Halfverse: c    प॒वित्रे॑ दक्ष॒साध॑नः ।।
   प॒वित्रे॑ दक्ष॒साध॑नः ।।
   प॒वित्रे दक्ष॒साध॑नः ।।
   प॒वित्रे दक्ष॒साध॑नः ।।

Verse: 3
Halfverse: a    ए॒ष नृभि॒र्वि नी॑यते दि॒वो मू॒र्धा वृषा॑ सु॒तः ।
   ए॒ष नृभि॒र्वि नी॑यते
   ए॒ष नृभिः वि नी॑यते
   ए॒ष नृभि॑र् वि नी॑यते

Halfverse: b    दि॒वो मू॒र्धा वृषा॑ सु॒तः ।
   दि॒वः मू॒र्धा वृषा सु॒तः ।
   दि॒वो मू॒र्धा वृषा सु॒तः ।

Halfverse: c    सोमो॒ वने॑षु विश्व॒वित् ।।
   सोमो॒ वने॑षु विश्व॒वित् ।।
   सोमः वने॑षु विश्व॒वित् ।।
   सोमो वने॑षु विश्व॒वित् ।।

Verse: 4
Halfverse: a    ए॒ष ग॒व्युर॑चिक्रद॒त्पव॑मानो हिरण्य॒युः ।
   ए॒ष ग॒व्युर॑चिक्रदत्
   ए॒ष ग॒व्युः अ॑चिक्रदत्
   ए॒ष ग॒व्युर् अचिक्रदत्

Halfverse: b    पव॑मानो हिरण्य॒युः ।
   पव॑मानः हिरण्य॒युः ।
   पव॑मानो हिरण्य॒युः ।

Halfverse: c    इन्दुः॑ सत्रा॒जिदस्तृ॑तः ।।
   इन्दुः॑ सत्रा॒जिदस्तृ॑तः ।।
   इन्दुः सत्रा॒जित् अस्तृ॑तः ।।
   इन्दुः सत्रा॒जिद् अस्तृ॑तः ।।

Verse: 5
Halfverse: a    ए॒ष सूर्ये॑ण हासते॒ पव॑मानो॒ अधि॒ द्यवि॑ ।
   ए॒ष सूर्ये॑ण हासते
   ए॒ष सूर्ये॑ण हासते
   ए॒ष सूर्ये॑ण हासते

Halfverse: b    पव॑मानो॒ अधि॒ द्यवि॑ ।
   पव॑मानः अधि द्यवि ।
   पव॑मानो अधि द्यवि ।

Halfverse: c    प॒वित्रे॑ मत्स॒रो मदः॑ ।।
   प॒वित्रे॑ मत्स॒रो मदः॑ ।।
   प॒वित्रे मत्स॒रः मदः ।।
   प॒वित्रे मत्स॒रो मदः ।।

Verse: 6
Halfverse: a    ए॒ष शु॒ष्म्य॑सिष्यदद॒न्तरि॑क्षे॒ वृषा॒ हरिः॑ ।
   ए॒ष शु॒ष्म्य॑सिष्यदद्
   ए॒ष शु॒ष्मी अ॑सिष्यदत्
   ए॒ष शु॒ष्मी अ॑सिष्यदद्

Halfverse: b    अ॒न्तरि॑क्षे॒ वृषा॒ हरिः॑ ।
   अ॒न्तरि॑क्षे वृषा हरिः ।
   अ॒न्तरि॑क्षे वृषा हरिः ।

Halfverse: c    पु॑ना॒न इन्दु॒रिन्द्र॒मा ।।
   पु॑ना॒न इन्दु॒रिन्द्र॒मा ।।
   पु॑ना॒नः इन्दुः इन्द्र॑म् आ ।।
   पु॑ना॒न इन्दु॑र् इन्द्र॑म् आ ।।

This text is part of the TITUS edition of Rg-Veda: Rg-Veda-Samhita.

Copyright TITUS Project, Frankfurt a/M, 10.12.2008. No parts of this document may be republished in any form without prior permission by the copyright holder.