TITUS Texts: Rg-Veda: Rg-Veda-Samhita

TITUS
Rg-Veda: Rg-Veda-Samhita
Part No. 749

Hymn: 26_(738)
Verse: 1
Halfverse: a    तम॑मृक्षन्त वा॒जिन॑मु॒पस्थे॒ अदि॑ते॒रधि॑ ।
   तम॑मृक्षन्त वा॒जिन॑म्
   तम् अमृक्षन्त वा॒जिन॑म्
   तम् अमृक्षन्त वा॒जिन॑म्

Halfverse: b    उ॒पस्थे॒ अदि॑ते॒रधि॑ ।
   उ॒पस्थे अदि॑तेः अधि ।
   उ॒पस्थे अदि॑तेर् अधि ।

Halfverse: c    विप्रा॑सो॒ अण्व्या॑ धि॒या ।।
   विप्रा॑सो॒ अण्व्या॑ धि॒या ।।
   विप्रा॑सः अण्व्या धि॒या ।।
   विप्रा॑सो अण्वि॑या धि॒या ।।

Verse: 2
Halfverse: a    तं गावो॑ अ॒भ्य॑नूषत स॒हस्र॑धार॒मक्षि॑तम् ।
   तं गावो॑ अ॒भ्य॑नूषत
   तम् गावः अ॒भि अ॑नूषत
   तं गावो अभ्य् अ॑नूषत

Halfverse: b    स॒हस्र॑धार॒मक्षि॑तम् ।
   स॒हस्र॑धारम् अक्षि॑तम् ।
   स॒हस्र॑धारम् अक्षि॑तम् ।

Halfverse: c    इन्दुं॑ ध॒र्तार॒मा दि॒वः ।।
   इन्दुं॑ ध॒र्तार॒मा दि॒वः ।।
   इन्दु॑म् ध॒र्तार॑म् आ दि॒वः ।।
   इन्दुं ध॒र्तार॑म् आ दि॒वः ।।

Verse: 3
Halfverse: a    तं वे॒धाम्मे॒धया॑ह्य॒न्पव॑मान॒मधि॒ द्यवि॑ ।
   तं वे॒धाम्मे॒धया॑ह्यन्
   तम् वे॒धाम् मे॒धया अह्यन्
   तं वे॒धाम् मे॒धया॑हियन्

Halfverse: b    पव॑मान॒मधि॒ द्यवि॑ ।
   पव॑मानम् अधि द्यवि ।
   पव॑मानम् अधि द्यवि ।

Halfverse: c    ध॑र्ण॒सिम्भूरि॑धायसम् ।।
   ध॑र्ण॒सिम्भूरि॑धायसम् ।।
   ध॑र्ण॒सिम् भूरि॑धायसम् ।।
   ध॑र्ण॒सिम् भूरि॑धायसम् ।।

Verse: 4
Halfverse: a    तम॑ह्यन्भु॒रिजो॑र्धि॒या सं॒वसा॑नं वि॒वस्व॑तः ।
   तम॑ह्यन्भु॒रिजो॑र्धि॒या
   तम् अह्यन् भु॒रिजोः धि॒या
   तम् अह्यन् भु॒रिजो॑र् धि॒या

Halfverse: b    सं॒वसा॑नं वि॒वस्व॑तः ।
   सं॒वसा॑नम् वि॒वस्व॑तः ।
   सं॒वसा॑नं वि॒वस्व॑तः ।

Halfverse: c    पतिं॑ वा॒चो अदा॑भ्यम् ।।
   पतिं॑ वा॒चो अदा॑भ्यम् ।।
   पति॑म् वा॒चः अदा॑भ्यम् ।।
   पतिं वा॒चो अदा॑भियम् ।।

Verse: 5
Halfverse: a    तं साना॒वधि॑ जा॒मयो॒ हरिं॑ हिन्व॒न्त्यद्रि॑भिः ।
   तं साना॒वधि॑ जा॒मयो
   तम् सानौ अधि जा॒मयः
   तं साना॑व् अधि जा॒मयो

Halfverse: b    हरिं॑ हिन्व॒न्त्यद्रि॑भिः ।
   हरि॑म् हिन्वन्ति अद्रि॑भिः ।
   हरिं हिन्वन्ति अद्रि॑भिः ।

Halfverse: c    ह॑र्य॒तम्भूरि॑चक्षसम् ।।
   ह॑र्य॒तम्भूरि॑चक्षसम् ।।
   ह॑र्य॒तम् भूरि॑चक्षसम् ।।
   ह॑र्य॒तम् भूरि॑चक्षसम् ।।

Verse: 6
Halfverse: a    तं त्वा॑ हिन्वन्ति वे॒धसः॒ पव॑मान गिरा॒वृध॑म् ।
   तं त्वा॑ हिन्वन्ति वे॒धसः
   तम् त्वा हिन्वन्ति वे॒धसः
   तं त्वा हिन्वन्ति वे॒धसः

Halfverse: b    पव॑मान गिरा॒वृध॑म् ।
   पव॑मान गिरा॒वृध॑म् ।
   पव॑मान गिरा॒वृध॑म् ।

Halfverse: c    इन्द॒विन्द्रा॑य मत्स॒रम् ।।
   इन्द॒विन्द्रा॑य मत्स॒रम् ।।
   इन्दो इन्द्रा॑य मत्स॒रम् ।।
   इन्द॑व् इन्द्रा॑य मत्स॒रम् ।।

This text is part of the TITUS edition of Rg-Veda: Rg-Veda-Samhita.

Copyright TITUS Project, Frankfurt a/M, 10.12.2008. No parts of this document may be republished in any form without prior permission by the copyright holder.