TITUS Texts: Rg-Veda: Rg-Veda-Samhita

TITUS
Rg-Veda: Rg-Veda-Samhita
Part No. 748

Hymn: 25_(737)
Verse: 1
Halfverse: a    पव॑स्व दक्ष॒साध॑नो दे॒वेभ्यः॑ पी॒तये॑ हरे ।
   पव॑स्व दक्ष॒साध॑नो
   पव॑स्व दक्ष॒साध॑नः
   पव॑स्व दक्ष॒साध॑नो

Halfverse: b    दे॒वेभ्यः॑ पी॒तये॑ हरे ।
   दे॒वेभ्यः पी॒तये हरे ।
   दे॒वेभ्यः पी॒तये हरे ।

Halfverse: c    म॒रुद्भ्यो॑ वा॒यवे॒ मदः॑ ।।
   म॒रुद्भ्यो॑ वा॒यवे॒ मदः॑ ।।
   म॒रुद्भ्यः वा॒यवे मदः ।।
   म॒रुद्भ्यो वा॒यवे मदः ।।

Verse: 2
Halfverse: a    पव॑मान धि॒या हि॒तो॒ ऽभि योनिं॒ कनि॑क्रदत् ।
   पव॑मान धि॒या हि॒तो
   पव॑मान धि॒या हि॒तः
   पव॑मान धि॒या हि॒तो

Halfverse: b    ऽभि योनिं॒ कनि॑क्रदत् ।
   अ॒भि योनि॑म् कनि॑क्रदत् ।
   अ॒भि योनिं कनि॑क्रदत् ।

Halfverse: c    धर्म॑णा वा॒युमा वि॑श ।।
   धर्म॑णा वा॒युमा वि॑श ।।
   धर्म॑णा वा॒युम् आ वि॑श ।।
   धर्म॑णा वा॒युम् आ वि॑श ।।

Verse: 3
Halfverse: a    सं दे॒वैः शो॑भते॒ वृषा॑ क॒विर्योना॒वधि॑ प्रि॒यः ।
   सं दे॒वैः शो॑भते॒ वृषा
   सम् दे॒वैः शो॑भते वृषा
   सं दे॒वैः शो॑भते वृषा

Halfverse: b    क॒विर्योना॒वधि॑ प्रि॒यः ।
   क॒विः योनौ अधि प्रि॒यः ।
   क॒विर् योना॑व् अधि प्रि॒यः ।

Halfverse: c    वृ॑त्र॒हा दे॑व॒वीत॑मः ।।
   वृ॑त्र॒हा दे॑व॒वीत॑मः ।।
   वृ॑त्र॒हा दे॑व॒वीत॑मः ।।
   वृ॑त्र॒हा दे॑व॒वीत॑मः ।।

Verse: 4
Halfverse: a    विश्वा॑ रू॒पाण्या॑वि॒शन्पु॑ना॒नो या॑ति हर्य॒तः ।
   विश्वा॑ रू॒पाण्या॑वि॒शन्
   विश्वा रू॒पाणि आवि॒शन्
   विश्वा रू॒पाणि आवि॒शन्

Halfverse: b    पुना॒नो या॑ति हर्य॒तः ।
   पु॑ना॒नः या॑ति हर्य॒तः ।
   पु॑ना॒नो या॑ति हर्य॒तः ।

Halfverse: c    यत्रा॒मृता॑स॒ आस॑ते ।।
   यत्रा॒मृता॑स॒ आस॑ते ।।
   यत्र अ॒मृता॑सः आस॑ते ।।
   यत्रा॒मृता॑स आस॑ते ।।

Verse: 5
Halfverse: a    अ॑रु॒षो ज॒नय॒न्गिरः॒ सोमः॑ पवत आयु॒षक् ।
   अ॑रु॒षो ज॒नय॒न्गिरः
   अरु॒षः ज॒नय॑न् गिरः
   अरु॒षो ज॒नय॑न् गिरः

Halfverse: b    सोमः॑ पवत आयु॒षक् ।
   सोमः पवते आयु॒षक् ।
   सोमः पवत आयु॒षक् ।

Halfverse: c    इन्द्रं॒ गछ॑न्क॒विक्र॑तुः ।।
   इन्द्रं॒ गछ॑न्क॒विक्र॑तुः ।।
   इन्द्र॑म् गछ॑न् क॒विक्र॑तुः ।।
   इन्द्रं गछ॑न् क॒विक्र॑तुः ।।

Verse: 6
Halfverse: a    आ प॑वस्व मदिन्तम प॒वित्रं॒ धार॑या कवे ।
   आ प॑वस्व मदिन्तम
   आ प॑वस्व मदिन्तम
   आ प॑वस्व मदिन्तम

Halfverse: b    प॒वित्रं॒ धार॑या कवे ।
   प॒वित्र॑म् धार॑या कवे ।
   प॒वित्रं धार॑या कवे ।

Halfverse: c    अ॒र्कस्य॒ योनि॑मा॒सद॑म् ।।
   अ॒र्कस्य॒ योनि॑मा॒सद॑म् ।।
   अ॒र्कस्य योनि॑म् आ॒सद॑म् ।।
   अ॒र्कस्य योनि॑म् आ॒सद॑म् ।।

This text is part of the TITUS edition of Rg-Veda: Rg-Veda-Samhita.

Copyright TITUS Project, Frankfurt a/M, 10.12.2008. No parts of this document may be republished in any form without prior permission by the copyright holder.