TITUS Texts: Rg-Veda: Rg-Veda-Samhita

TITUS
Rg-Veda: Rg-Veda-Samhita
Part No. 747

Hymn: 24_(736)
Verse: 1
Halfverse: a    प्र सोमा॑सो अधन्विषुः॒ पव॑मानास॒ इन्द॑वः ।
   प्र सोमा॑सो अधन्विषुः
   प्र सोमा॑सः अधन्विषुः
   प्र सोमा॑सो अधन्विषुः

Halfverse: b    पव॑मानास॒ इन्द॑वः ।
   पव॑मानासः इन्द॑वः ।
   पव॑मानास इन्द॑वः ।

Halfverse: c    श्री॑णा॒ना अ॒प्सु मृ॑ञ्जत ।।
   श्री॑णा॒ना अ॒प्सु मृ॑ञ्जत ।।
   श्री॑णा॒नाः अ॒प्सु मृ॑ञ्जत ।।
   श्री॑णा॒ना अ॒प्सु मृ॑ञ्जत ।।

Verse: 2
Halfverse: a    अ॒भि गावो॑ अधन्विषु॒रापो॒ न प्र॒वता॑ य॒तीः ।
   अ॒भि गावो॑ अधन्विषुर्
   अ॒भि गावः अधन्विषुः
   अ॒भि गावो अधन्विषुर्

Halfverse: b    आपो॒ न प्र॒वता॑ य॒तीः ।
   आपः न प्र॒वता य॒तीः ।
   आपो न प्र॒वता य॒तीः ।

Halfverse: c    पु॑ना॒ना इन्द्र॑माशत ।।
   पु॑ना॒ना इन्द्र॑माशत ।।
   पु॑ना॒नाः इन्द्र॑म् आशत ।।
   पु॑ना॒ना इन्द्र॑म् आशत ।।

Verse: 3
Halfverse: a    प्र प॑वमान धन्वसि॒ सोमेन्द्रा॑य॒ पात॑वे ।
   प्र प॑वमान धन्वसि
   प्र प॑वमान धन्वसि
   प्र प॑वमान धन्वसि

Halfverse: b    सोमेन्द्रा॑य॒ पात॑वे ।
   सोम इन्द्रा॑य पात॑वे ।
   सोम इन्द्रा॑य पात॑वे ।

Halfverse: c    नृभि॑र्य॒तो वि नी॑यसे ।।
   नृभि॑र्य॒तो वि नी॑यसे ।।
   नृभिः य॒तः वि नी॑यसे ।।
   नृभि॑र् य॒तो वि नी॑यसे ।।

Verse: 4
Halfverse: a    त्वं सो॑म नृ॒माद॑नः॒ पव॑स्व चर्षणी॒सहे॑ ।
   त्वं सो॑म नृ॒माद॑नः
   त्वम् सोम नृ॒माद॑नः
   तु॒वं सो॑म नृ॒माद॑नः

Halfverse: b    पव॑स्व चर्षणी॒सहे॑ ।!। ।
   पव॑स्व चर्षणी॒सहे ।
   पव॑स्व चर्षणी॒सहे ।

Halfverse: c    सस्नि॒र्यो अ॑नु॒माद्यः॑ ।।
   सस्नि॒र्यो अ॑नु॒माद्यः॑ ।।
   सस्निः यः अ॑नु॒माद्यः ।।
   सस्नि॑र् यो अ॑नु॒मादि॑यः ।।

Verse: 5
Halfverse: a    इन्दो॒ यदद्रि॑भिः सु॒तः प॒वित्र॑म्परि॒धाव॑सि ।
   इन्दो॒ यदद्रि॑भिः सु॒तः
   इन्दो यत् अद्रि॑भिः सु॒तः
   इन्दो यद् अद्रि॑भिः सु॒तः

Halfverse: b    प॒वित्र॑म्परि॒धाव॑सि ।
   प॒वित्र॑म् परि॒धाव॑सि ।
   प॒वित्र॑म् परि॒धाव॑सि ।

Halfverse: c    अर॒मिन्द्र॑स्य॒ धाम्ने॑ ।।
   अर॒मिन्द्र॑स्य॒ धाम्ने॑ ।।
   अर॑म् इन्द्र॑स्य धाम्ने ।।
   अर॑म् इन्द्र॑स्य धाम॑ने ।।

Verse: 6
Halfverse: a    पव॑स्व वृत्रहन्तमो॒क्थेभि॑रनु॒माद्यः॑ ।
   पव॑स्व वृत्रहन्तम
   पव॑स्व वृत्रहन्तम
   पव॑स्व वृत्रहन्तम

Halfverse: b     उ॒क्थेभि॑रनु॒माद्यः॑ ।
   उ॒क्थेभिः अनु॒माद्यः ।
   उ॒क्थेभि॑र् अनु॒मादि॑यः ।

Halfverse: c    शुचिः॑ पाव॒को अद्भु॑तः ।।
   शुचिः॑ पाव॒को अद्भु॑तः ।।
   शुचिः पाव॒कः अद्भु॑तः ।।
   शुचिः पवा॒को अद्भु॑तः ।।

Verse: 7
Halfverse: a    शुचिः॑ पाव॒क उ॑च्यते॒ सोमः॑ सु॒तस्य॒ मध्वः॑ ।
   शुचिः॑ पाव॒क उ॑च्यते
   शुचिः पाव॒कः उ॑च्यते
   शुचिः पवा॒क उ॑च्यते

Halfverse: b    सोमः॑ सु॒तस्य॒ मध्वः॑ ।
   सोमः सु॒तस्य मध्वः ।
   सोमः सु॒तस्य मधु॑वः ।

Halfverse: c    दे॑वा॒वीर॑घशंस॒हा ।।
   दे॑वा॒वीर॑घशंस॒हा ।।
   दे॑वा॒वीः अ॑घशंस॒हा ।।
   दे॑वा॒वीर् अघशंस॒हा ।।

This text is part of the TITUS edition of Rg-Veda: Rg-Veda-Samhita.

Copyright TITUS Project, Frankfurt a/M, 10.12.2008. No parts of this document may be republished in any form without prior permission by the copyright holder.