TITUS Texts: Rg-Veda: Rg-Veda-Samhita

TITUS
Rg-Veda: Rg-Veda-Samhita
Part No. 746

Hymn: 23_(735)
Verse: 1
Halfverse: a    सोमा॑ असृग्रमा॒शवो॒ मधो॒र्मद॑स्य॒ धार॑या ।
   सोमा॑ असृग्रमा॒शवो
   सोमाः असृग्रम् आ॒शवः
   सोमा असृग्रम् आ॒शवो

Halfverse: b    मधो॒र्मद॑स्य॒ धार॑या ।
   मधोः मद॑स्य धार॑या ।
   मधो॑र् मद॑स्य धार॑या ।

Halfverse: c    अ॒भि विश्वा॑नि॒ काव्या॑ ।।
   अ॒भि विश्वा॑नि॒ काव्या॑ ।।
   अ॒भि विश्वा॑नि काव्या ।।
   अ॒भि विश्वा॑नि कावि॑या ।।

Verse: 2
Halfverse: a    अनु॑ प्र॒त्नास॑ आ॒यवः॑ प॒दं नवी॑यो अक्रमुः ।
   अनु॑ प्र॒त्नास॑ आ॒यवः
   अनु प्र॒त्नासः आ॒यवः
   अनु प्र॒त्नास आ॒यवः

Halfverse: b    प॒दं नवी॑यो अक्रमुः ।
   प॒दम् नवी॑यः अक्रमुः ।
   प॒दं नवी॑यो अक्रमुः ।

Halfverse: c    रु॒चे ज॑नन्त॒ सूर्य॑म् ।।
   रु॒चे ज॑नन्त॒ सूर्य॑म् ।।
   रु॒चे ज॑नन्त सूर्य॑म् ।।
   रु॒चे ज॑नन्त सूरि॑यम् ।।

Verse: 3
Halfverse: a    आ प॑वमान नो भरा॒र्यो अदा॑शुषो॒ गय॑म् ।
   आ प॑वमान नो भर
   आ प॑वमान नः भर
   आ प॑वमान नो भर

Halfverse: b     अ॒र्यो अदा॑शुषो॒ गय॑म् ।
   अ॒र्यः अदा॑शुषः गय॑म् ।
   अ॒र्यो अदा॑शुषो गय॑म् ।

Halfverse: c    कृ॒धि प्र॒जाव॑ती॒रिषः॑ ।।
   कृ॒धि प्र॒जाव॑ती॒रिषः॑ ।।
   कृ॒धि प्र॒जाव॑तीः इषः ।।
   कृ॒धि प्र॒जाव॑तीर् इषः ।।

Verse: 4
Halfverse: a    अ॒भि सोमा॑स आ॒यवः॒ पव॑न्ते॒ मद्य॒म्मद॑म् ।
   अ॒भि सोमा॑स आ॒यवः
   अ॒भि सोमा॑सः आ॒यवः
   अ॒भि सोमा॑स आ॒यवः

Halfverse: b    पव॑न्ते॒ मद्य॒म्मद॑म् ।
   पव॑न्ते मद्य॑म् मद॑म् ।
   पव॑न्ते मदि॑यम् मद॑म् ।

Halfverse: c    अ॒भि कोश॑म्मधु॒श्चुत॑म् ।।
   अ॒भि कोश॑म्मधु॒श्चुत॑म् ।।
   अ॒भि कोश॑म् मधु॒श्चुत॑म् ।।
   अ॒भि कोश॑म् मधु॒श्चुत॑म् ।।

Verse: 5
Halfverse: a    सोमो॑ अर्षति धर्ण॒सिर्दधा॑न इन्द्रि॒यं रस॑म् ।
   सोमो॑ अर्षति धर्ण॒सिर्
   सोमः अर्षति धर्ण॒सिः
   सोमो अर्षति धर्ण॒सिर्

Halfverse: b    दधा॑न इन्द्रि॒यं रस॑म् ।
   दधा॑नः इन्द्रि॒यम् रस॑म् ।
   दधा॑न इन्द्रि॒यं रस॑म् ।

Halfverse: c    सु॒वीरो॑ अभिशस्ति॒पाः ।।
   सु॒वीरो॑ अभिशस्ति॒पाः ।।
   सु॒वीरः अभिशस्ति॒पाः ।।
   सु॒वीरो अभिशस्ति॒पाः ।।

Verse: 6
Halfverse: a    इन्द्रा॑य सोम पवसे दे॒वेभ्यः॑ सध॒माद्यः॑ ।
   इन्द्रा॑य सोम पवसे
   इन्द्रा॑य सोम पवसे
   इन्द्रा॑य सोम पवसे

Halfverse: b    दे॒वेभ्यः॑ सध॒माद्यः॑ ।
   दे॒वेभ्यः सध॒माद्यः ।
   दे॒वेभ्यः सध॒मादि॑यः ।

Halfverse: c    इन्दो॒ वाजं॑ सिषाससि ।।
   इन्दो॒ वाजं॑ सिषाससि ।।
   इन्दो वाज॑म् सिषाससि ।।
   इन्दो वाजं सिषाससि ।।

Verse: 7
Halfverse: a    अ॒स्य पी॒त्वा मदा॑ना॒मिन्द्रो॑ वृ॒त्राण्य॑प्र॒ति ।
   अ॒स्य पी॒त्वा मदा॑नाम्
   अ॒स्य पी॒त्वा मदा॑नाम्
   अ॒स्य पी॒त्वा मदा॑नाअम्

Halfverse: b    इन्द्रो॑ वृ॒त्राण्य॑प्र॒ति ।
   इन्द्रः वृ॒त्राणि अप्र॒ति ।
   इन्द्रो वृ॒त्राणि अप्र॒ति ।

Halfverse: c    ज॒घान॑ ज॒घन॑च्च॒ नु ।।
   ज॒घान॑ ज॒घन॑च्च॒ नु ।।
   ज॒घान ज॒घन॑त् च नु ।।
   ज॒घान ज॒घन॑च् च नु ।।

This text is part of the TITUS edition of Rg-Veda: Rg-Veda-Samhita.

Copyright TITUS Project, Frankfurt a/M, 10.12.2008. No parts of this document may be republished in any form without prior permission by the copyright holder.