TITUS Texts: Rg-Veda: Rg-Veda-Samhita

TITUS
Rg-Veda: Rg-Veda-Samhita
Part No. 755

Hymn: 32_(744)
Verse: 1
Halfverse: a    प्र सोमा॑सो मद॒च्युतः॒ श्रव॑से नो म॒घोनः॑ ।
   प्र सोमा॑सो मद॒च्युतः
   प्र सोमा॑सः मद॒च्युतः
   प्र सोमा॑सो मद॒च्युतः

Halfverse: b    श्रव॑से नो म॒घोनः॑ ।
   श्रव॑से नः म॒घोनः ।
   श्रव॑से नो म॒घोओनः ।

Halfverse: c    सु॒ता वि॒दथे॑ अक्रमुः ।।
   सु॒ता वि॒दथे॑ अक्रमुः ।।
   सु॒ताः वि॒दथे अक्रमुः ।।
   सु॒ता वि॒दथे अक्रमुः ।।

Verse: 2
Halfverse: a    आदीं॑ त्रि॒तस्य॒ योष॑णो॒ हरिं॑ हिन्व॒न्त्यद्रि॑भिः ।
   आदीं॑ त्रि॒तस्य॒ योष॑णो
   आत् ईम् त्रि॒तस्य योष॑णः
   आद् ईं त्रि॒तस्य योष॑णो

Halfverse: b    हरिं॑ हिन्व॒न्त्यद्रि॑भिः ।
   हरि॑म् हिन्वन्ति अद्रि॑भिः ।
   हरिं हिन्वन्ति अद्रि॑भिः ।

Halfverse: c    इन्दु॒मिन्द्रा॑य पी॒तये॑ ।।
   इन्दु॒मिन्द्रा॑य पी॒तये॑ ।।
   इन्दु॑म् इन्द्रा॑य पी॒तये ।।
   इन्दु॑म् इन्द्रा॑य पी॒तये ।।

Verse: 3
Halfverse: a    आदीं॑ हं॒सो यथा॑ ग॒णं विश्व॑स्यावीवशन्म॒तिम् ।
   आदीं॑ हं॒सो यथा॑ ग॒णं
   आत् ईम् हं॒सः यथा ग॒णम्
   आद् ईं हं॒सो यथा ग॒णं

Halfverse: b    विश्व॑स्यावीवशन्म॒तिम् ।
   विश्व॑स्य अवीवशत् म॒तिम् ।
   विश्व॑स्यावीवशन् म॒तिम् ।

Halfverse: c    अत्यो॒ न गोभि॑रज्यते ।।
   अत्यो॒ न गोभि॑रज्यते ।।
   अत्यः न गोभिः अज्यते ।।
   अत्यो न गोभि॑र् अज्यते ।।

Verse: 4
Halfverse: a    उ॒भे सो॑माव॒चाक॑शन्मृ॒गो न त॒क्तो अ॑र्षसि ।
   उ॒भे सो॑माव॒चाक॑शन्
   उ॒भे सो॑म अव॒चाक॑शत्
   उ॒भे सो॑माव॒चाक॑शन्

Halfverse: b    मृ॒गो न त॒क्तो अ॑र्षसि ।
   मृ॒गः न त॒क्तः अ॑र्षसि ।
   मृ॒गो न त॒क्तो अ॑र्षसि ।

Halfverse: c    सीद॑न्नृ॒तस्य॒ योनि॒मा ।।
   सीद॑न्नृ॒तस्य॒ योनि॒मा ।।
   सीद॑न् ऋ॒तस्य योनि॑म् आ ।।
   सीद॑न्न् ऋ॒तस्य योनि॑म् आ ।।

Verse: 5
Halfverse: a    अ॒भि गावो॑ अनूषत॒ योषा॑ जा॒रमि॑व प्रि॒यम् ।
   अ॒भि गावो॑ अनूषत
   अ॒भि गावः अनूषत
   अ॒भि गावो अनूषत

Halfverse: b    योषा॑ जा॒रमि॑व प्रि॒यम् ।
   योषा जा॒रम् इव प्रि॒यम् ।
   योषा जा॒रम् इव प्रि॒यम् ।

Halfverse: c    अग॑न्ना॒जिं यथा॑ हि॒तम् ।।
   अग॑न्ना॒जिं यथा॑ हि॒तम् ।।
   अग॑न् आ॒जिम् यथा हि॒तम् ।।
   अग॑न्न् आ॒जिं यथा हि॒तम् ।।

Verse: 6
Halfverse: a    अ॒स्मे धे॑हि द्यु॒मद्यशो॑ म॒घव॑द्भ्यश्च॒ मह्यं॑ च ।
   अ॒स्मे धे॑हि द्यु॒मद्यशो
   अ॒स्मे धे॑हि द्यु॒मत् यशः
   अ॒स्मे धे॑हि द्यु॒मद् यशो

Halfverse: b    म॒घव॑द्भ्यश्च॒ मह्यं॑ च ।
   म॒घव॑द्भ्यः च मह्य॑म् च ।
   म॒घव॑द्भ्यश् च मह्य % च ।

Halfverse: c    स॒निम्मे॒धामु॒त श्रवः॑ ।।
   स॒निम्मे॒धामु॒त श्रवः॑ ।।
   स॒निम् मे॒धाम् उ॒त श्रवः ।।
   स॒निम् मे॒धाम् उ॒त श्रवः ।।

This text is part of the TITUS edition of Rg-Veda: Rg-Veda-Samhita.

Copyright TITUS Project, Frankfurt a/M, 10.12.2008. No parts of this document may be republished in any form without prior permission by the copyright holder.