TITUS Texts: Rg-Veda: Rg-Veda-Samhita

TITUS
Rg-Veda: Rg-Veda-Samhita
Part No. 756

Hymn: 33_(745)
Verse: 1
Halfverse: a    प्र सोमा॑सो विप॒श्चितो॒ ऽपां न य॑न्त्यू॒र्मयः॑ ।
   प्र सोमा॑सो विप॒श्चितो
   प्र सोमा॑सः विप॒श्चितः
   प्र सोमा॑सो विप॒श्चितो

Halfverse: b    ऽपां न य॑न्त्यू॒र्मयः॑ ।
   अ॒पाम् न य॑न्ति ऊ॒र्मयः ।
   अ॒पां न य॑न्ति ऊ॒र्मयः ।

Halfverse: c    वना॑नि महि॒षा इ॑व ।।
   वना॑नि महि॒षा इ॑व ।।
   वना॑नि महि॒षाः इ॑व ।।
   वना॑नि महि॒षा इ॑व ।।

Verse: 2
Halfverse: a    अ॒भि द्रोणा॑नि ब॒भ्रवः॑ शु॒क्रा ऋ॒तस्य॒ धार॑या ।
   अ॒भि द्रोणा॑नि ब॒भ्रवः
   अ॒भि द्रोणा॑नि ब॒भ्रवः
   अ॒भि द्रोणा॑नि ब॒भ्रवः

Halfverse: b    शु॒क्रा ऋ॒तस्य॒ धार॑या ।
   शु॒क्राः ऋ॒तस्य धार॑या ।
   शु॒क्रा ऋ॒तस्य धार॑या ।

Halfverse: c    वाजं॒ गोम॑न्तमक्षरन् ।।
   वाजं॒ गोम॑न्तमक्षरन् ।।
   वाज॑म् गोम॑न्तम् अक्षरन् ।।
   वाजं गोम॑न्तम् अक्षरन् ।।

Verse: 3
Halfverse: a    सु॒ता इन्द्रा॑य वा॒यवे॒ वरु॑णाय म॒रुद्भ्यः॑ ।
   सु॒ता इन्द्रा॑य वा॒यवे
   सु॒ताः इन्द्रा॑य वा॒यवे
   सु॒ता इन्द्रा॑य वा॒यवे

Halfverse: b    वरु॑णाय म॒रुद्भ्यः॑ ।
   वरु॑णाय म॒रुद्भ्यः ।
   वरु॑णाय म॒रुद्भि॑यः ।

Halfverse: c    सोमा॑ अर्षन्ति॒ विष्ण॑वे ।।
   सोमा॑ अर्षन्ति॒ विष्ण॑वे ।।
   सोमाः अर्षन्ति विष्ण॑वे ।।
   सोमा अर्षन्ति विष्ण॑वे ।।

Verse: 4
Halfverse: a    ति॒स्रो वाच॒ उदी॑रते॒ गावो॑ मिमन्ति धे॒नवः॑ ।
   ति॒स्रो वाच॒ उदी॑रते
   ति॒स्रः वाचः उत् ईरते
   ति॒स्रो वाच उद् ईरते

Halfverse: b    गावो॑ मिमन्ति धे॒नवः॑ ।
   गावः मिमन्ति धे॒नवः ।
   गावो मिमन्ति धे॒नवः ।

Halfverse: c    हरि॑रेति॒ कनि॑क्रदत् ।।
   हरि॑रेति॒ कनि॑क्रदत् ।।
   हरिः एति कनि॑क्रदत् ।।
   हरि॑र् एति कनि॑क्रदत् ।।

Verse: 5
Halfverse: a    अ॒भि ब्रह्मी॑रनूषत य॒ह्वीरृ॒तस्य॑ मा॒तरः॑ ।
   अ॒भि ब्रह्मी॑रनूषत
   अ॒भि ब्रह्मीः अनूषत
   अ॒भि ब्रह्मी॑र् अनूषत

Halfverse: b    य॒ह्वीरृ॒तस्य॑ मा॒तरः॑ ।
   य॒ह्वीः ऋ॒तस्य मा॒तरः ।
   य॒ह्वीर् ऋ॒तस्य मा॒तरः ।

Halfverse: c    म॑र्मृ॒ज्यन्ते॑ दि॒वः शिशु॑म् ।।
   म॑र्मृ॒ज्यन्ते॑ दि॒वः शिशु॑म् ।।
   म॑र्मृ॒ज्यन्ते दि॒वः शिशु॑म् ।।
   म॑र्मृ॒ज्यन्ते दि॒वः शिशु॑म् ।।

Verse: 6
Halfverse: a    रा॒यः स॑मु॒द्रांश्च॒तुरो॒ ऽस्मभ्यं॑ सोम वि॒श्वतः॑ ।
   रा॒यः स॑मु॒द्रांश्च॒तुरो
   रा॒यः स॑मु॒द्रान् च॒तुरः
   रा॒यः स॑मु॒द्रांश् च॒तुरो

Halfverse: b    ऽस्मभ्यं॑ सोम वि॒श्वतः॑ ।
   अ॒स्मभ्य॑म् सोम वि॒श्वतः ।
   अ॒स्मभ्यं सोम वि॒श्वतः ।

Halfverse: c    आ प॑वस्व सह॒स्रिणः॑ ।।
   आ प॑वस्व सह॒स्रिणः॑ ।।
   आ प॑वस्व सह॒स्रिणः ।।
   आ प॑वस्व सह॒स्रिणः ।।

This text is part of the TITUS edition of Rg-Veda: Rg-Veda-Samhita.

Copyright TITUS Project, Frankfurt a/M, 10.12.2008. No parts of this document may be republished in any form without prior permission by the copyright holder.