TITUS Texts: Rg-Veda: Rg-Veda-Samhita

TITUS
Rg-Veda: Rg-Veda-Samhita
Part No. 757

Hymn: 34_(746)
Verse: 1
Halfverse: a    प्र सु॑वा॒नो धार॑या॒ तनेन्दु॑र्हिन्वा॒नो अ॑र्षति ।
   प्र सु॑वा॒नो धार॑या॒ तना
   प्र सु॑वा॒नः धार॑या तना
   प्र स्वा॒नो % धार॑या तना

Halfverse: b     इन्दु॑र्हिन्वा॒नो अ॑र्षति ।
   इन्दुः हिन्वा॒नः अ॑र्षति ।
   इन्दु॑र् हिन्वा॒नो अ॑र्षति ।

Halfverse: c    रु॒जद्दृ॒ऴा व्योज॑सा ।।
   रु॒जद्दृ॒ऴा व्योज॑सा ।।
   रु॒जत् दृ॒ऴा वि ओज॑सा ।।
   रु॒जद् दृ॒ऴा वि ओज॑सा ।।

Verse: 2
Halfverse: a    सु॒त इन्द्रा॑य वा॒यवे॒ वरु॑णाय म॒रुद्भ्यः॑ ।
   सु॒त इन्द्रा॑य वा॒यवे
   सु॒तः इन्द्रा॑य वा॒यवे
   सु॒त इन्द्रा॑य वा॒यवे

Halfverse: b    वरु॑णाय म॒रुद्भ्यः॑ ।
   वरु॑णाय म॒रुद्भ्यः ।
   वरु॑णाय म॒रुद्भि॑यः ।

Halfverse: c    सोमो॑ अर्षति॒ विष्ण॑वे ।।
   सोमो॑ अर्षति॒ विष्ण॑वे ।।
   सोमः अर्षति विष्ण॑वे ।।
   सोमो अर्षति विष्ण॑वे ।।

Verse: 3
Halfverse: a    वृषा॑णं॒ वृष॑भिर्य॒तं सु॒न्वन्ति॒ सोम॒मद्रि॑भिः ।
   वृषा॑णं॒ वृष॑भिर्य॒तं
   वृषा॑णम् वृष॑भिः य॒तम्
   वृषा॑णं वृष॑भिर् य॒तं

Halfverse: b    सु॒न्वन्ति॒ सोम॒मद्रि॑भिः ।
   सु॒न्वन्ति सोम॑म् अद्रि॑भिः ।
   सु॒न्वन्ति सोम॑म् अद्रि॑भिः ।

Halfverse: c    दु॒हन्ति॒ शक्म॑ना॒ पयः॑ ।।
   दु॒हन्ति॒ शक्म॑ना॒ पयः॑ ।।
   दु॒हन्ति शक्म॑ना पयः ।।
   दु॒हन्ति शक्म॑ना पयः ।।

Verse: 4
Halfverse: a    भुव॑त्त्रि॒तस्य॒ मर्ज्यो॒ भुव॒दिन्द्रा॑य मत्स॒रः ।
   भुव॑त्त्रि॒तस्य॒ मर्ज्यो
   भुव॑त् त्रि॒तस्य मर्ज्यः
   भुव॑त् त्रि॒तस्य मर्जि॑यो

Halfverse: b    भुव॒दिन्द्रा॑य मत्स॒रः ।
   भुव॑त् इन्द्रा॑य मत्स॒रः ।
   भुव॑द् इन्द्रा॑य मत्स॒रः ।

Halfverse: c    सं रू॒पैर॑ज्यते॒ हरिः॑ ।।
   सं रू॒पैर॑ज्यते॒ हरिः॑ ।।
   सम् रू॒पैः अ॑ज्यते हरिः ।।
   सं रू॒पैर् अज्यते हरिः ।।

Verse: 5
Halfverse: a    अ॒भीमृ॒तस्य॑ वि॒ष्टपं॑ दुह॒ते पृश्नि॑मातरः ।
   अ॒भीमृ॒तस्य॑ वि॒ष्टपं
   अ॒भि ई॑म् ऋ॒तस्य वि॒ष्टप॑म्
   अ॒भीम् ऋ॒तस्य वि॒ष्टपं

Halfverse: b    दुह॒ते पृश्नि॑मातरः ।
   दु॑ह॒ते पृश्नि॑मातरः ।
   दु॑ह॒ते पृश्नि॑मातरः ।

Halfverse: c    चारु॑ प्रि॒यत॑मं ह॒विः ।।
   चारु॑ प्रि॒यत॑मं ह॒विः ।।
   चारु प्रि॒यत॑मम् ह॒विः ।।
   चारु प्रि॒यत॑मं ह॒विः ।।

Verse: 6
Halfverse: a    समे॑न॒मह्रु॑ता इ॒मा गिरो॑ अर्षन्ति स॒स्रुतः॑ ।
   समे॑न॒मह्रु॑ता इ॒मा
   सम् एनम् अह्रु॑ताः इ॒माः
   सम् एनम् अह्रु॑ता इ॒मा

Halfverse: b    गिरो॑ अर्षन्ति स॒स्रुतः॑ ।
   गिरः अर्षन्ति स॒स्रुतः ।
   गिरो अर्षन्ति स॒स्रुतः ।

Halfverse: c    धे॒नूर्वा॒श्रो अ॑वीवशत् ।।
   धे॒नूर्वा॒श्रो अ॑वीवशत् ।।
   धे॒नूः वा॒श्रः अ॑वीवशत् ।।
   धे॒नूर् वा॒श्रो अ॑वीवशत् ।।

This text is part of the TITUS edition of Rg-Veda: Rg-Veda-Samhita.

Copyright TITUS Project, Frankfurt a/M, 10.12.2008. No parts of this document may be republished in any form without prior permission by the copyright holder.