TITUS Texts: Rg-Veda: Rg-Veda-Samhita

TITUS
Rg-Veda: Rg-Veda-Samhita
Part No. 758

Hymn: 35_(747)
Verse: 1
Halfverse: a    आ नः॑ पवस्व॒ धार॑या॒ पव॑मान र॒यिम्पृ॒थुम् ।
   आ नः॑ पवस्व॒ धार॑या
   आ नः पवस्व धार॑या
   आ नः पवस्व धार॑या

Halfverse: b    पव॑मान र॒यिम्पृ॒थुम् ।
   पव॑मान र॒यिम् पृ॒थुम् ।
   पव॑मान र॒यिम् पृ॒थुम् ।

Halfverse: c    यया॒ ज्योति॑र्वि॒दासि॑ नः ।।
   यया॒ ज्योति॑र्वि॒दासि॑ नः ।।
   यया ज्योतिः वि॒दासि नः ।।
   यया ज्योति॑र् वि॒दासि नः ।।

Verse: 2
Halfverse: a    इन्दो॑ समुद्रमीङ्खय॒ पव॑स्व विश्वमेजय ।
   इन्दो॑ समुद्रमीङ्खय
   इन्दो समुद्रमीङ्खय
   इन्दो समुद्रमीङ्खय

Halfverse: b    पव॑स्व विश्वमेजय ।
   पव॑स्व विश्वमेजय ।
   पव॑स्व विश्वमेजय ।

Halfverse: c    रा॒यो ध॒र्ता न॒ ओज॑सा ।।
   रा॒यो ध॒र्ता न॒ ओज॑सा ।।
   रा॒यः ध॒र्ता नः ओज॑सा ।।
   रा॒यो ध॒र्ता न ओज॑सा ।।

Verse: 3
Halfverse: a    त्वया॑ वी॒रेण॑ वीरवो॒ ऽभि ष्या॑म पृतन्य॒तः ।
   त्वया॑ वी॒रेण॑ वीरवो
   त्वया वी॒रेण वीरवः
   त्वया वी॒रेण वीरवो

Halfverse: b    ऽभि ष्या॑म पृतन्य॒तः ।
   अ॒भि स्या॑म पृतन्य॒तः ।
   अ॒भि ष्या॑म पृतन्य॒तः ।

Halfverse: c    क्षरा॑ णो अ॒भि वार्य॑म् ।।
   क्षरा॑ णो अ॒भि वार्य॑म् ।।
   क्षर+ नः अ॒भि वार्य॑म् ।।
   क्षरा णो अ॒भि वारि॑यम् ।।

Verse: 4
Halfverse: a    प्र वाज॒मिन्दु॑रिष्यति॒ सिषा॑सन्वाज॒सा ऋषिः॑ ।
   प्र वाज॒मिन्दु॑रिष्यति
   प्र वाज॑म् इन्दुः इष्यति
   प्र वाज॑म् इन्दु॑र् इष्यति

Halfverse: b    सिषा॑सन्वाज॒सा ऋषिः॑ ।
   सिषा॑सन् वाज॒साः ऋषिः ।
   सिषा॑सन् वाज॒सा ऋषिः ।

Halfverse: c    व्र॒ता वि॑दा॒न आयु॑धा ।।
   व्र॒ता वि॑दा॒न आयु॑धा ।।
   व्र॒ता वि॑दा॒नः आयु॑धा ।।
   व्र॒ता वि॑दा॒न आयु॑धा ।।

Verse: 5
Halfverse: a    तं गी॒र्भिर्वा॑चमीङ्ख॒यम्पु॑ना॒नं वा॑सयामसि ।
   तं गी॒र्भिर्वा॑चमीङ्ख॒यम्
   तम् गी॒र्भिः वा॑चमीङ्ख॒यम्
   तं गी॒र्भिर् वाचमीङ्ख॒यम्

Halfverse: b    पुना॒नं वा॑सयामसि ।
   पु॑ना॒नम् वासयामसि ।
   पु॑ना॒नं वा॑सयामसि ।

Halfverse: c    सोमं॒ जन॑स्य॒ गोप॑तिम् ।।
   सोमं॒ जन॑स्य॒ गोप॑तिम् ।।
   सोम॑म् जन॑स्य गोप॑तिम् ।।
   सोमं जन॑स्य गोप॑तिम् ।।

Verse: 6
Halfverse: a    विश्वो॒ यस्य॑ व्र॒ते जनो॑ दा॒धार॒ धर्म॑ण॒स्पतेः॑ ।
   विश्वो॒ यस्य॑ व्र॒ते जनो
   विश्वः यस्य व्र॒ते जनः
   विश्वो यस्य व्र॒ते जनो

Halfverse: b    दा॒धार॒ धर्म॑ण॒स्पतेः॑ ।
   दा॒धार धर्म॑णः पतेः ।
   दा॒धार धर्म॑णस् पतेः ।

Halfverse: c    पु॑ना॒नस्य॑ प्र॒भूव॑सोः ।।
   पु॑ना॒नस्य॑ प्र॒भूव॑सोः ।।
   पु॑ना॒नस्य प्र॒भूव॑सोः ।।
   पु॑ना॒नस्य प्र॒भूव॑सोः ।।

This text is part of the TITUS edition of Rg-Veda: Rg-Veda-Samhita.

Copyright TITUS Project, Frankfurt a/M, 10.12.2008. No parts of this document may be republished in any form without prior permission by the copyright holder.