TITUS Texts: Rg-Veda: Rg-Veda-Samhita

TITUS
Rg-Veda: Rg-Veda-Samhita
Part No. 759

Hymn: 36_(748)
Verse: 1
Halfverse: a    अस॑र्जि॒ रथ्यो॑ यथा प॒वित्रे॑ च॒म्वोः॑ सु॒तः ।
   अस॑र्जि॒ रथ्यो॑ यथा
   अस॑र्जि रथ्यः यथा
   अस॑र्जि रथि॑यो यथा

Halfverse: b    प॒वित्रे॑ च॒म्वोः॑ सु॒तः ।
   प॒वित्रे च॒म्वोः सु॒तः ।
   प॒वित्रे च॒मुवोः सु॒तः ।

Halfverse: c    कार्ष्म॑न्वा॒जी न्य॑क्रमीत् ।।
   कार्ष्म॑न्वा॒जी न्य॑क्रमीत् ।।
   कार्ष्म॑न् वा॒जी नि अ॑क्रमीत् ।।
   कार्ष्म॑न् वा॒जी नि अ॑क्रमीत् ।।

Verse: 2
Halfverse: a    स वह्निः॑ सोम॒ जागृ॑विः॒ पव॑स्व देव॒वीरति॑ ।
   स वह्निः॑ सोम॒ जागृ॑विः
   स वह्निः सोम जागृ॑विः
   स वह्निः सोम जागृ॑विः

Halfverse: b    पव॑स्व देव॒वीरति॑ ।
   पव॑स्व देव॒वीः अति ।
   पव॑स्व देव॒वीर् अति ।

Halfverse: c    अ॒भि कोश॑म्मधु॒श्चुत॑म् ।।
   अ॒भि कोश॑म्मधु॒श्चुत॑म् ।।
   अ॒भि कोश॑म् मधु॒श्चुत॑म् ।।
   अ॒भि कोश॑म् मधु॒श्चुत॑म् ।।

Verse: 3
Halfverse: a    स नो॒ ज्योतीं॑षि पूर्व्य॒ पव॑मान॒ वि रो॑चय ।
   स नो॒ ज्योतीं॑षि पूर्व्य
   स नः ज्योतीं॑षि पूर्व्य
   स नो ज्योतीं॑षि पूर्विय

Halfverse: b    पव॑मान॒ वि रो॑चय ।
   पव॑मान वि रो॑चय ।
   पव॑मान वि रो॑चय ।

Halfverse: c    क्रत्वे॒ दक्षा॑य नो हिनु ।।
   क्रत्वे॒ दक्षा॑य नो हिनु ।।
   क्रत्वे दक्षा॑य नः हिनु ।।
   क्रत्वे दक्षा॑य नो हिनु ।।

Verse: 4
Halfverse: a    शु॒म्भमा॑न ऋता॒युभि॑र्मृ॒ज्यमा॑नो॒ गभ॑स्त्योः ।
   शु॒म्भमा॑न ऋता॒युभि॑र्
   शु॒म्भमा॑नः ऋता॒युभिः
   शु॒म्भमा॑न ऋता॒युभि॑र्

Halfverse: b    मृ॒ज्यमा॑नो॒ गभ॑स्त्योः ।
   मृ॒ज्यमा॑नः गभ॑स्त्योः ।
   मृ॒ज्यमा॑नो गभ॑स्तियोः ।

Halfverse: c    पव॑ते॒ वारे॑ अ॒व्यये॑ ।।
   पव॑ते॒ वारे॑ अ॒व्यये॑ ।।
   पव॑ते वारे अ॒व्यये ।।
   पव॑ते वारे अ॒व्यये ।।

Verse: 5
Halfverse: a    स विश्वा॑ दा॒शुषे॒ वसु॒ सोमो॑ दि॒व्यानि॒ पार्थि॑वा ।
   स विश्वा॑ दा॒शुषे॒ वसु
   स विश्वा दा॒शुषे वसु
   स विश्वा दा॒शुषे वसु

Halfverse: b    सोमो॑ दि॒व्यानि॒ पार्थि॑वा ।
   सोमः दि॒व्यानि पार्थि॑वा ।
   सोमो दि॒व्यानि पार्थि॑वा ।

Halfverse: c    पव॑ता॒मान्तरि॑क्ष्या ।।
   पव॑ता॒मान्तरि॑क्ष्या ।।
   पव॑ताम् आ अ॒न्तरि॑क्ष्या ।।
   पव॑ताम् आन्तरि॑क्षिया ।।

Verse: 6
Halfverse: a    आ दि॒वस्पृ॒ष्ठम॑श्व॒युर्ग॑व्य॒युः सो॑म रोहसि ।
   आ दि॒वस्पृ॒ष्ठम॑श्व॒युर्
   आ दि॒वः पृ॒ष्ठम् अश्व॒युः
   आ दि॒वस् पृ॒ष्ठम् अश्व॒युर्

Halfverse: b    गव्य॒युः सो॑म रोहसि ।
   ग॑व्य॒युः सो॑म रोहसि ।
   ग॑व्य॒युः सो॑म रोहसि ।

Halfverse: c    वी॑र॒युः श॑वसस्पते ।।
   वी॑र॒युः श॑वसस्पते ।।
   वी॑र॒युः श॑वसः पते ।।
   वी॑र॒युः श॑वसस् पते ।।

This text is part of the TITUS edition of Rg-Veda: Rg-Veda-Samhita.

Copyright TITUS Project, Frankfurt a/M, 10.12.2008. No parts of this document may be republished in any form without prior permission by the copyright holder.