TITUS Texts: Rg-Veda: Rg-Veda-Samhita

TITUS
Rg-Veda: Rg-Veda-Samhita
Part No. 760

Hymn: 37_(749)
Verse: 1
Halfverse: a    स सु॒तः पी॒तये॒ वृषा॒ सोमः॑ प॒वित्रे॑ अर्षति ।
   स सु॒तः पी॒तये॒ वृषा
   स सु॒तः पी॒तये वृषा
   स सु॒तः पी॒तये वृषा

Halfverse: b    सोमः॑ प॒वित्रे॑ अर्षति ।
   सोमः प॒वित्रे अर्षति ।
   सोमः प॒वित्रे अर्षति ।

Halfverse: c    वि॒घ्नन्रक्षां॑सि देव॒युः ।।
   वि॒घ्नन्रक्षां॑सि देव॒युः ।।
   वि॒घ्नन् रक्षां॑सि देव॒युः ।।
   वि॒घ्नन् रक्षां॑सि देव॒युः ।।

Verse: 2
Halfverse: a    स प॒वित्रे॑ विचक्ष॒णो हरि॑रर्षति धर्ण॒सिः ।
   स प॒वित्रे॑ विचक्ष॒णो
   स प॒वित्रे विचक्ष॒णः
   स प॒वित्रे विचक्ष॒णो

Halfverse: b    हरि॑रर्षति धर्ण॒सिः ।
   हरिः अर्षति धर्ण॒सिः ।
   हरि॑र् अर्षति धर्ण॒सिः ।

Halfverse: c    अ॒भि योनिं॒ कनि॑क्रदत् ।।
   अ॒भि योनिं॒ कनि॑क्रदत् ।।
   अ॒भि योनि॑म् कनि॑क्रदत् ।।
   अ॒भि योनिं कनि॑क्रदत् ।।

Verse: 3
Halfverse: a    स वा॒जी रो॑च॒ना दि॒वः पव॑मानो॒ वि धा॑वति ।
   स वा॒जी रो॑च॒ना दि॒वः
   स वा॒जी रो॑च॒ना दि॒वः
   स वा॒जी रो॑च॒ना दि॒वः

Halfverse: b    पव॑मानो॒ वि धा॑वति ।
   पव॑मानः वि धा॑वति ।
   पव॑मानो वि धा॑वति ।

Halfverse: c    र॑क्षो॒हा वार॑म॒व्यय॑म् ।।
   र॑क्षो॒हा वार॑म॒व्यय॑म् ।।
   र॑क्षो॒हा वार॑म् अ॒व्यय॑म् ।।
   र॑क्षो॒हा वार॑म् अ॒व्यय॑म् ।।

Verse: 4
Halfverse: a    स त्रि॒तस्याधि॒ सान॑वि॒ पव॑मानो अरोचयत् ।
   स त्रि॒तस्याधि॒ सान॑वि
   स त्रि॒तस्य अधि सान॑वि
   स त्रि॒तस्याधि सान॑वि

Halfverse: b    पव॑मानो अरोचयत् ।
   पव॑मानः अरोचयत् ।
   पव॑मानो अरोचयत् ।

Halfverse: c    जा॒मिभिः॒ सूर्यं॑ स॒ह ।।
   जा॒मिभिः॒ सूर्यं॑ स॒ह ।।
   जा॒मिभिः सूर्य॑म् स॒ह ।।
   जा॒मिभिः सूरि॑यं स॒ह ।।

Verse: 5
Halfverse: a    स वृ॑त्र॒हा वृषा॑ सु॒तो व॑रिवो॒विददा॑भ्यः ।
   स वृ॑त्र॒हा वृषा॑ सु॒तो
   स वृ॑त्र॒हा वृषा सु॒तः
   स वृ॑त्र॒हा वृषा सु॒तो

Halfverse: b    व॑रिवो॒विददा॑भ्यः ।
   व॑रिवो॒वित् अदा॑भ्यः ।
   व॑रिवो॒विद् अदा॑भियः ।

Halfverse: c    सोमो॒ वाज॑मिवासरत् ।।
   सोमो॒ वाज॑मिवासरत् ।।
   सोमः वाज॑म् इव असरत् ।।
   सोमो वाज॑म् इवासरत् ।।

Verse: 6
Halfverse: a    स दे॒वः क॒विने॑षि॒तो॒ ऽभि द्रोणा॑नि धावति ।
   स दे॒वः क॒विने॑षि॒तो
   स दे॒वः क॒विना इषि॒तः
   स दे॒वः क॒विने॑षि॒तो

Halfverse: b    ऽभि द्रोणा॑नि धावति ।
   अ॒भि द्रोणा॑नि धावति ।
   अ॒भि द्रोणा॑नि धावति ।

Halfverse: c    इन्दु॒रिन्द्रा॑य मं॒हना॑ ।।
   इन्दु॒रिन्द्रा॑य मं॒हना॑ ।।
   इन्दुः इन्द्रा॑य मं॒हना ।।
   इन्दु॑र् इन्द्रा॑य मं॒हना ।।

This text is part of the TITUS edition of Rg-Veda: Rg-Veda-Samhita.

Copyright TITUS Project, Frankfurt a/M, 10.12.2008. No parts of this document may be republished in any form without prior permission by the copyright holder.