TITUS
White Yajur-Veda: Brhad-Aranyaka-Upanisad
Part No. 6
Previous part

Paragraph: 6    {= ŚBM 14.4.4.1-4}    {= ŚBK 16.3.6.1-3}
Verse: MK1 
Sentence: a    त्र॒यं वा॒ इदं,
   त्र॒यम् वै इद॒म्

Sentence: b          ना॒म रूपं क॒र्म.
         ना॒म रूप॒म् क॒र्म

Sentence: c    ते॒षां ना॒म्नां वागि॒त्येत॒देषामुक्थ॒म्:
   ते॒षाम् ना॒म्नाम् वा॒क् इ॒ति एत॒द् एषाम् उक्थ॒म्

Sentence: d       अ॒तो हि स॒र्वाणि ना॒मान्युत्ति॒ष्ठन्त्य्.
      अ॒तस् हि स॒र्वाणि ना॒मानि उत्ति॒ष्ठन्ति

Sentence: e    एत॒देषाँ सा॒मैतद्धि स॒र्वैर्ना॒मभिः सम॒म्.
   एत॒द् एषा॒म् सा॒म एत॒द् हि स॒र्वैस् ना॒मभिस् सम॒म्

Sentence: f    एत॒देषां ब्र॒ह्मैतद्धि स॒र्वाणि ना॒मानि बिभ॒र्ति.
   एत॒द् एषाम् ब्र॒ह्म एत॒द् हि स॒र्वाणि ना॒मानि बिभ॒र्ति

Verse: MK2 
Sentence: a    अ॒थ रूपा॒णां च॒क्षुरि॒त्येत॒देषामुक्थ॒म्:
   अ॒थ रूपा॒णाम् च॒क्षुस् इ॒ति एत॒द् एषाम् उक्थ॒म्

Sentence: b       अ॒तो हि स॒र्वाणि रूपा॒ण्युत्ति॒ष्ठन्त्य्.
      अ॒तस् हि स॒र्वाणि रूपा॒णि उत्ति॒ष्ठन्ति

Sentence: c    एत॒देषाँ सा॒मैतद्धि स॒र्वै रूपैः॒ सम॒म्.
   एत॒द् एषाम् सा॒म एत॒द् हि स॒र्वैस् रूपै॒स् सम॒म्

Sentence: d    एत॒देषां ब्र॒ह्मैतद्धि स॒र्वाणि रूपा॒णि बिभ॒र्ति.
   एत॒द् एषाम् ब्र॒ह्म एत॒द् हि स॒र्वाणि रूपा॒णि बिभ॒र्ति

Verse: MK3 
Sentence: a    अ॒थ क॒र्मणामात्मे॒त्येत॒देषामुक्थ॒म्:
   अ॒थ क॒र्मणाम् आत्मा इ॒ति एत॒द् एषाम् उक्थ॒म्

Sentence: b       अ॒तो हि स॒र्वाणि क॒र्माण्युत्ति॒ष्ठन्त्य्.
      अ॒तस् हि स॒र्वाणि क॒र्माणि उत्ति॒ष्ठन्ति

Sentence: c    एत॒देषाँ सा॒मैतद्धि स॒र्वैः क॒र्मभिः सम॒म्.
   एत॒द् एषाम् सा॒म एत॒द् हि स॒र्वैस् क॒र्मभिस् सम॒म्

Sentence: d    एत॒देषां ब्र॒ह्मैतद्धि स॒र्वाणि क॒र्माणि बिभ॒र्ति.
   एत॒द् एषाम् ब्र॒ह्म एत॒द् हि स॒र्वाणि क॒र्माणि बिभ॒र्ति

Sentence: e    त॒देत॒त्त्रयँ सदे॒कमय॒मा॒त्मा॒त्मो ए॒कः स॒न्नेत॒त्त्रयं.
   त॒द् एत॒द् त्रय॒म् स॒त् ए॒कम् अय॒म् आत्मा आत्मा उ ए॒कस् स॒न् एत॒द् त्रय॒म्

Sentence: f    त॒देत॒दमृ॒तँ सत्ये॒न छन्नं.
   त॒द् एत॒द् अमृ॒तम् सत्ये॒न छन्न॒म्

Sentence: g    प्राणो वा॒ अमृ॒तं,
   प्राण॒स् वै अमृ॒तम्

Sentence: h          नामरूपे॒ सत्यं;
         नामरूपे सत्य॒म्

Sentence: i       ता॒भ्यामयं॒ प्राण॒श्छन्नः.
      ता॒भ्याम् अय॒म् प्राण॒स् छन्न॒स्

Next part


This text is part of the TITUS edition of White Yajur-Veda: Brhad-Aranyaka-Upanisad.

Copyright TITUS Project, Frankfurt a/M, 10.12.2008. No parts of this document may be republished in any form without prior permission by the copyright holder.