TITUS
Flavius Iosephus, Antiquitates Iudaicae I-II
Part No. 52
Previous part

Section: 14  
Line: 1   თ. 14


Paragraph: 1  
Line: 14        1) ხოლო მიერ მიმყვნებელმან მათმან მოჳსი ჴევად წოდებულისადმი,
Line: 15     მახლობელად მყოფისა ხანანელთა ადგილისა და ბოროტისა მუნ ქცევად, შე\საკრებელად
Line: 16     მიუწოდა სიმრავლესა. და, მდგომარემან, "ორნი, თქუა, კეთილ\თანი
Line: 17     ღმრთისაგან გაქუან, განმსჯელისა ღმრთისაგან მონიჭებად თქუენდა, თა\ვისუფლებაჲ
Line: 18     და ქუეყანისა კეთილბედნიერისა მოგებაჲ. და ერთი ვიდრე აწ
Line: 19     მომცემელისაგან გაქუს, ხოლო სხუაჲ მიიღოთ, რამეთუ მთათ ზედა ხანა\ნელთაჲსა
Line: 20     მსხდომარე Page of ms.: 53  ვართ და დაგუაყენნეს ჩუენ, ამიერითგან მოწევნილ\ნი,
Line: 21     არა მხოლოდ არა მეფემან, გინა ქალაქმან, არამედ არცა ყოველმან ნათე\სავმან
Line: 22     მათმან კრებულმან. განვემზადნეთ უკუე საქმისა მიმართ, რამეთუ არა
Line: 23     უბრძოლელად მოგჳტეონ ჩუენ ქუეყანაჲ, არმედ დიდთა ღუაწლთა მიერ მი\ღებულთა
Line: 24     მისგან. ხოლო წარვავლინნეთ განმხილველნი, რომელთა ქუეყანი\სა
Line: 25     ამის სათნოებაჲ განიხილონ და რაოდენი ძალი მათდა. და პირველ უკუე
Line: 26     ყოველთაჲსა ერთგანზრახვა ვიყვნეთ და ღმერთი, რომელი არს ყოველთა
Line: 27     ზედა შემწე ჩუენი და თანამბრძოლი, პატივით გუაქუნდენ,

Paragraph: 2  
Line: 28        2) ხოლო მოჳსი ესენი რაჲ თქუნა, სიმრავლე პატივთა ნაცვალ-აგებდა
Line: 29     მას. და განმხილველთა გამოარჩიეს ათორმეტთა, ერთს უგამოცდილესსა
Line: 30     თითოეულისა ნათესავისაგან. ხოლო იგინი, გამოსრულნი ეგჳპტისა კერძო\თაჲთ,
Line: 31     ხანანიასა ყოველსა და ამათინ ქალაქსა მიიწევიან და ლივანოსა მთასა.
Line: 32     და ქუეყანისა ბუნებასა და მკჳდრთა კაცთასა გამომკულეველნი, მოიწინეს,
Line: 33     ორმეოცთა დღეთა ყოვლისა საქმისა მიმართ მჴუმეველნი. და ამას თანა
Line: 34     ნაყოფთაგანცა, რომელთა ქუეყანაჲ გამოიღებს, მოიღეს და შუენიერებითა
Line: 35     მათითა და სიმრავლითა კეთილთაჲთა, რომელთა ქონებად იტყოდეს ქუეყანა\სა
Line: 36     ბრძოლად აღსძრვიდეს სიმრავლესა. ხოლო კუალად შემაშინებელნი მათ\ნი
Line: 37     უღონოებისათჳს მოგებისა, მდინარეთა, შეუძლებელთა განსავალად მეტყუ\ელნი
Line: 38     სიდიდისა მიერ და სიღრმისა და მთათა, უღონოთა განმავალთათჳს და
Line: 39     ქალაქთა, მტკიცეთა ზღუდეთა და მოდგმულებათა სიმაგრისათჳს. ხოლო ქევ\რონს
Page: I-205   Line: 1     შინა და ნაშობთაცა გმირთასა იტყოდეს პოვნასა. და განმმსტურობლნი
Line: 2     ვიდრე, მხილველნი ხანანიაჲსა შინათანი უზეშთაესად ყოველთა, რომელთა
Line: 3     შემდგომად ეგჳპტით განსლვისა მიემთხჳნეს, თჳთ იგინი განცჳბრებულ იყ\ვნეს
Line: 4     და სიმრავლისა ესრეთ ქონებად მოსწრაფე იყვნეს.

Paragraph: 3  
Line: 5        3) ხოლო იგინი გულისმსიტყუეველ იყვნეს უღონოდ მოგებასა ქუეყანი\სასა,
Line: 6     რომელთა მიერ ესმოდა, და, განჴსნილნი შესაკრებელისაგან, ცოლთა
Line: 7     თანა და ყრმათა მგლოვარე იყვნეს, ვითარ არა შეწევნასა მათდა ღმრთისაგან
Line: 8     საქმით, არამედ სიტყჳთ მხოლოდ აღმთქუმელობასა. და მოჳსი კუალად აბრა\ლებდეს
Line: 9     და ჴმობდეს ძჳნად მისა და ძმისა აარონისა, მღდელთმთავრისა. და
Line: 10     ბოროტსა ვიდრემე ღამესა მქონებელ არიან გინებათა თანა მამაკაცთა მიმართ\თაჲსა,
Line: 11     ხოლო განთიად შესაკრებელად მიმსრბოლობდეს, გონებასა შინა მქო\ნებელნი
Line: 12     დაქვაებად მოჳსის და აარონის და ეგჳპტედვე უკუნქცევად.

Paragraph: 4  
Line: 13        4) ხოლო განმსტურობელთაგანნი იისუს, ნავიხოჲს ყრმაჲ, თესლისაგან
Line: 14     ეფრემისსა, და ხალევოს, იუდაჲს თესლისაგან, შეშინებულნი შევიდეს შორის
Line: 15     და სირავლესა იპყრობდეს, გამჴნობად მნებებელნი. მვედრებელნი და არა
Line: 16     ცრუსიტყუაობასა დასჯად ღმრთისა, არცა რწმუნებად განცჳბრებულთა. არა
Line: 17     ჭეშმარიტთა მეტყუელისათჳს ხანანელთა ძლით, არამედ კეთილბედნიერო\ბისა
Line: 18     მიმართ და მოგებისა კეთილთაჲსა განმამჴნობელთა მათ, რამეთუ არცა
Line: 19     მთათა სიდიდე, არცა მდინარეთა სიღრმე შემაბრკოლებელ ექმნეს საქმეთა
Line: 20     მიმართ მოქმედთა სათნოებისათა და ამას ღმრთისა თანმოურნეობასა და ნა\ცვალმბრძოლობასა
Line: 21     მათთჳს. "წარვიდეთ უკუე, იტყოდეს მბრძოლთა მიმართ
Line: 22     ზედაო, არარას მეჭუელობასა მქონებელნი, მთავრისა და ღმრთისა რწმუნე\ბულნი
Line: 23     და წინამძღუართა ჩუენთა შედგომილნი". და იგინი ვიდრმე, ამათნი
Line: 24     მეტყუელნი, ჴელ-ჰყოფდეს დამშჳდებად რისხვასა სიმრავლისასა. ხოლო მო\ჳსი
Line: 25     და აარონ, ქუეყანად დავრდომილნი, Page of ms.: 54r  ევედრებოდეს ღმერთსა არა მათი\სა
Line: 26     ცხორებისათჳს, არამედ რაჲთა დააცხრვოს სიმრავლე უგუნურებისაგან და
Line: 27     განჰმართოს გონებაჲ მათი, შეშფოთებული უღონოებისაგან მათდა წარმოდ\გომილისა
Line: 28     ვნებისა. ხოლო მოიწია ღრუბელი და, დადგრომილი კარავისა ზედა.
Line: 29     აუწყებდა ზედგამოჩინებასა ღმრთისასა.



Next part


This text is part of the TITUS edition of Flavius Iosephus, Antiquitates Iudaicae I-II.

Copyright TITUS Project, Frankfurt a/M, 21.11.2023. No parts of this document may be republished in any form without prior permission by the copyright holder.