TITUS
Flavius Iosephus, Antiquitates Iudaicae I-II
Part No. 65
Previous part

Section: 4  
Line: 1   თ. 4


Paragraph: 1  
Line: 21        1) ხოლო ვინაჲთგან მიიცვალა ესე, კუალად ისრაილიტთა საქმენი Page of ms.: 81v  მთავ-რობისა მიერ სნეულებდეს და არცა პატივით ყვანებისათჳს ღმრთისა, არცა
Line: 22     სჯულთა მორჩილებისა, მერმეცა უმეტეს ძჳრ-ხილულობდეს. და ვითარ შეუ\რაცხისმყოფელთა
Line: 23     მოქალაქობისა მათისა განწესებათასა, ეღლონ, მოავიტელ\თა
Line: 24     მეფე, მბრძოლად აღუდგინა მათ. მრავალთა ბრძოლათა მიერ მძლეველი მა\თი
Line: 25     და სხუათა გონიერებითა გარდამატებულთა დამმორჩილებელი, ვიდრეღა
Line: 26     და ძალსაცა მათსა ყოვლითურთ დამდაბლებად და ბრძანებად ხარკსა მიჴდად
Line: 27     მათგან. ხოლო ქმნა და სამეუფოჲცა მისი იერიხუნტოს შინა. და ამისი განმა\ჩინებელი
Line: 28     არა რომელსა სიბოროტისასა მოაკლებდა სრავლისა მიმართ თანად
Line: 29     და სიგლახაკესა შინა დაადგინნა იგინი რვა ათთა წელთა, ხოლო მიიღო ღმერ\თმან
Line: 30     წყალობაჲ, რომელთა ზედა ივნებდეს და, ვედრებათა მათთა ზედა მოდ\რეკილმან,
Line: 31     იჴსნნა იგინი მოავიტელთა გინებისგან და განათავისუფლნა სახი\თა
Line: 32     ესევითარითა:

Paragraph: 2  
Line: 33        2) ვენიმიტიდოჲს ნათესვისგან ჭაბუკი, იუდის ვიდრემე სახელით, ხო\ლო
Line: 34     გიროჲსი მამით, შეკადრებად ვიდრემე ახოვანი და სხეულსა საქმეთა მი\მართ
Line: 35     ჴუმევად შემძლებელი, ჴელთაგან მარცხენითა უმჯობესი და მათ მიერ
Line: 36     ყოველსა ძალსა მქონებელი, დამკჳდრებულ იყო ვიდრემე და ესეცა იერიხუნ\ტოს
Line: 37     შინა. ხოლო საყურელ იქმნების ეღლონისა, ძღუენთა მიერ მმსახური მი\სი
Line: 38     და შედგომილი, ვიდრეღა ამის ძლით და მეფის ქუეშეთაცა საყვარელ იქმნა
Page: I-266   Line: 1     იგი. და ოდესმე, ორთა თანა მონათა ძღუენთა მომღებელი მეფისა და მახჳლსა
Line: 2     მალულად მარჯუენესა კართსა ქუეშე შემკრველი, შევიდა მისა მიმართ. ხოლო
Line: 3     ჟამი იყო მკისაჲ და აწღა განშუვლებასა დღისასა დაჴსნილ იყვნეს მცველნი
Line: 4     სიცხისა მიერ თანად და სერობად მიდრეკილ. და ჭაბუკმან უკუე მისცნა ძღუ\ენნი
Line: 5     ეღლონს, რომელი იქცეოდა სახლსა რომელსამე შინა, მარჯუედ მქონე\ბელსა
Line: 6     მკისა მიმართ, და ზრახვად მიდრკა, ხოლო მარტონი იყვნეს, ვინაჲთგან
Line: 7     მეფემან განსლვაჲ უბრძანა შემავალთა იუდის მიმართ ზრახვისა ძლით, და
Line: 8     მჯდომარე იყო საყდარსა ზედა, ხოლო შიში შევიდა იუდისსა, ნუსადა არა შე\ემთხჳოს
Line: 9     და არცა სცეს სრულიადი წყლულებაჲ. აღადგინაუკუე იგი, მეტყუელ\მან
Line: 10     ჩუენებასა ქონებად ბრძანებისაგან ღმრთისა და ცხად-ყოფად მისდა. და
Line: 11     იგი ვიდრე სიხარულისაგან ჩუენებათაჲსა აღვლდნა საყდრისაგან. ხოლო იუ\დის,
Line: 12     გულსა ზედა მწყლველი მისი და მახჳლსა დამტევებელი, განვიდა, დამ\კრძალველი
Line: 13     კარისაჲ. და მსახურნი უკუე დაწყნარებულ იყვნეს, ძილად მეჭუ\ელნი
Line: 14     მეფისანი მიდრეკად.

Paragraph: 3  
Line: 15        3) ხოლო იუდის, იერიხუნტელთა მაუწყებელი ფარულად, ევედრებოდა
Line: 16     თავისუფლებასა მიღებად. და იგინი, სიხარულით მსმენელნი, თჳთ საჭურველ\თა
Line: 17     მიმართ ვიდოდეს და თანად წარავლენდეს სოფლითი-სოფლად მაუწყებელ\თა
Line: 18     რქითა ცხოვართაჲთა, რამეთუ ამათ მიერ იყო მამული სიმრავლე წოდები\საჲ.
Line: 19     ხოლო ეღლონის ქუეშენი მრავალსა ვიდრემე ჟამსა უმეცრებდეს შეთხუ\ეულსა
Line: 20     მისდა ვნებასა. და ვინაჲთგან უკუე მწუხრი იყო, შეშინებულნი, ნუსადა
Line: 21     უახლესსი რაჲმე იყოს მის ზედა ქმნილი, შევიდეს სახლად და, მკუდრად
Line: 22     მპოვნელნი, უღონოებასა შინა იყვნეს. და პირველ სამცველოჲსა განკრძალ\ვადმდე
Line: 23     ისრაილიტთა სიმრავლე მივიდა Page of ms.: 82r  მათ ზედა და რომელნიმე მეყუსეულად
Line: 24     მოისრნეს, ხოლო სხუანი ლტოლვად მიდრკებიან მოავიტიდ, ვითარ ცხოვნებად
Line: 25     მეჭუელნი. ხოლო იყვნეს უმრავლეს ბევრთასა. და ისრაილიტნი უკუე, წინა\დამპყრობელნი
Line: 26     იორდანისა განსავალსა, მდევნელნი მოსრვიდეს და წიაღ სა\ვალსა
Line: 27     ზედა მრავალნი მათგანნი მოისრნეს და არცა ერთი ვინ განევლტო
Line: 28     ჴელთა მათთა.

Line: 29        ევრაელნი ვიდრემე უკუე ამით სახითა იცვალნეს მოავიტელთა მონებისა\გან.
Line: 30     ხოლო იუდის, ამის მიზეზისათჳს პატივცემული მთავრობითა ყოვლისა
Line: 31     სიმრავლისაჲთა, აღსრულდა წელთა ორმეოცთა დამპყრობელი მთავრობისაჲ,
Line: 32     მამაკაცი და გარეშე პირველთქუმულისაცა საქმისა ქებასა სამართლად მისამ\თხუეველი.
Line: 33     და შემდგომად ამისა სანაღაროს, ანათოჲს ყრმამან, მპყრობელმან
Line: 34     მთავრობისამან, პირველსა წელსა შინა მთავრობისასა დააქცია ცხორებაჲ.



Next part


This text is part of the TITUS edition of Flavius Iosephus, Antiquitates Iudaicae I-II.

Copyright TITUS Project, Frankfurt a/M, 21.11.2023. No parts of this document may be republished in any form without prior permission by the copyright holder.