TITUS
Flavius Iosephus, Antiquitates Iudaicae I-II
Part No. 66
Previous part

Section: 5  
Line: 1   თ. 5


Paragraph: 1  
Line: 35        1) ხოლო ისრაილიტნი კუალად, რამეთუ არარას სწავლია მიმართ უმ\ჯობესთაჲსა
Line: 36     მიიხუმიდეს პირველთა ბედნიერობათა არა მსახურებისათჳს
Line: 37     ღმრთისა, არცა მორჩილებისათჳს სჯულთაჲსა, პირველ ვიდრე მცირედ
Line: 38     აღმოფშუნვადმდე მოავიტელთა მონებისაგან, ავიტოჲს მიერ, ხანანელთა მეფი\სა,
Line: 39     დაიმონნეს, რამეთუ ესე ასოროჲთ მყოფი, ხოლო ესე ზენა კერძო მდება\რე
Line: 40     არს ამახონიტიდოჲს ტბისა, მჴედრობასა ვიდრემე აღჭურვილთა ოცდაათ\თა
Line: 41     ზრდიდა ბევრთასა, ხოლო ბევრთა ცხენოსანთასა და ღონიერ იყო სამ ათას\თა
Page: I-267   Line: 1     ეტლთა. ამის უკუე ძალისა მჴედართმყვანებელმან სისარის, პატივსა პირ\ველსა
Line: 2     მეფისა მიერ მიმთხუეულმან, მისდა მიმართ მისრულნი ისრაილიტნი
Line: 3     განამწარნა ფრიად, ვიდრეღა და ხარკთა მიჴდაჲ ბრძანა მათგან.

Paragraph: 2  
Line: 4        2) ოცნი ვიდრემე წელნი ესრე ძჳრხილულთა აღასრულნეს, ვინაჲთ\გან
Line: 5     არცა იგინი კეთილგონიერ იყვნეს ძნელბედობისა მიერ და ღმერთსაცა უმე\ტეს
Line: 6     ეგულებოდა დამდაბლებაჲ მათი შეურაცხებისათჳს და უგულისჴმოებისა
Line: 7     მისისა მიმართისა. და უკუანაჲსკნელღა, გონიერქმნილნი და მსწავლელნი გან\საცდელთა
Line: 8     მათთანი სჯულთა შეურაცხებისათჳს ქმნილთანი, დევორას ვისმე
Line: 9     წინაწარმეტყუელსა, ხოლო ფუტკარსა მოასწავებს სახელი ერაელთა ენისა\ებრ,
Line: 10     ევედრნეს ვედრებად ღმრთისა და მოღებად მათთჳს წყალობასა და არა
Line: 11     გარემიქცევად მათ, წარწყმედულთა ხანანელთა მიერ. ხოლო ღმერთმან მოიხი\ლა
Line: 12     ცხორებისა მათისათჳს და მჴედართმყვანებელად გამოირჩია ვარაკოს,
Line: 13     ნეფთალიბრდოჲს ნათესვით მყოფი. ხოლო ვარაკოს არს ელვაჲ ებრაელთა
Line: 14     ენისაებრ.

Paragraph: 3  
Line: 15        3) მომწოდებელმან უკუე დევორა ვარაკოჲს, ბევრთა ჭაბუკთა აღმრჩე\ველისამან
Line: 16     უბრძანა მიმართებაჲ მბრძოლთა ზედა, რამეთუ ესოდენ ჯერ-არს,
Line: 17     ვინაჲთგან ღმერთმან წინაწარ-აღუთქუა და ძლევაჲ აუწყა. ხოლო ვარაკოს ვი\ნაჲთგან
Line: 18     თქუა არა მჴედართმყვანებლობაჲ, უკუეთუ არა იგიცა მის თანა მჴე\დართმყვანებელ
Line: 19     იქმნეს, მან, განრისხებულმან, "შენ ვიდრემე, ჰრქუა, დედა\კაცსა
Line: 20     მიუტეეებ პატივსა შენსა, რომელი შენ მოგცა ღმერთმან, ხოლო მე არა
Line: 21     ვიჯმნი". და, შემკრებელნი ბევრეულთანი, განეწყვნეს მახლობელად იტავჳრი\ოჲს
Line: 22     მთისა. და შეემთხჳა მათ სისარის, ბრძანებითა მეფისაჲთა, და განეწყვნეს
Line: 23     იგინიცა არა შორს Page of ms.: 82v  მბრძოლთაგან. ხოლო ისრაილიტნი და ვარაკოს, განკრთო\მილნი
Line: 24     სიმრავლესა მბრძოლთასა და უკუნქცევად მეცადინნი, დევორა დააყენ\ნა
Line: 25     და ბრძოლისა ქმნაჲ უბრძანა მას დღესა შინა, ვინაჲთგან სძლონ მათ
Line: 26     ღმრთისა თანაშეწევნითა.

Paragraph: 4  
Line: 27        4) მივიდეს უკუე და იწყვნეს რაჲ, ვიეთნიმე წჳმაჲ იქმნა დიდი და წყალი
Line: 28     ფრიადი და სეტყუაჲ. და წჳმასა ვიდრემე პირისა მიმართ ხანანელთაჲსა მიი\ყვანებდა
Line: 29     ქარი და დაუბნელებდა თუალთა მათთა, ვიდრეღა და მშჳლდნიცა
Line: 30     მათნი უჴმარ იქმნნეს და შურდულნი. და აღჭურვილნი უკუე ყინელისა მიერ
Line: 31     ჴუმევასა მახჳლთასა არა შემძლებლ იყვნეს. ხოლო ისრაილიტთა უმცირეს
Line: 32     ავნებდა უკუანაჲთ კერძო ქმნილი ზამთარი. და განზრახვისაებრ ღმრთისა შე\წევნისა
Line: 33     სიმჴნესა მიიღებდეს, ვიდრეღა საშუალ შემაშინებელნი მბრძოლთანი
Line: 34     მრავალთა მათგანთა მოსრვიდეს. და რომელნი ვიდრემე ისრაილიტთაგან, ხო\ლო
Line: 35     სხუანი თჳსთა ცხენთგან შემრღუეულნი დაეცნეს და მრავალნი ეტლთა
Line: 36     მათთაგან მოკუდეს. ხოლო სისარის, შთავრდომილი ეტლისაგან, ვითარ იხილა
Line: 37     ქმნილი ძლევაჲ, მლტოლველი მიიწია დედაკაცისა ვის მიმართ კენელიდთაჲსა.
Line: 38     იაილის სახელით, რომელმანცა, დამალვად მვედრებელი, შეიწყნარა და სასუ\მლისა
Line: 39     მთხოველსა სძე, აწვე განხრწნილი, მისცა. და იგი, უმეტეს საზომისა
Line: 40     მსუმელი, ძილად მიდრკა, ხოლო იაილი, რკინისა სამსჭუალსა განმაწონელმან,
Line: 41     მძინარე დამსჭუალა იატაკსა ზედა და შემდგომად მცირედისა ვარაკოჲს თანა\თა
Line: 42     მოსრულთა უჩუენებდა ქუეყანასა ზედა დამსჭუალულსა. ესრეთ უკუე
Line: 43     ძლევაჲ ესე დედაკაცისა იქმნა, დევორაჲს მიერ თქუმულთაებრ, ხოლო ვარაკოს
Page: I-268   Line: 1     განიმჴედრა ასოროს ზედა და იავინოს, წინააღმდგომელი მისდა, მოაკუდინა.
Line: 2     ხოლო მჴედართმყვანებელი რაჲ დაეცა, იატაკად დაამჴუა ქალაქი და მჴედართ\მყვანებელი
Line: 3     იყო ისრაილიტთა წელთა ორმეოცთა.



Next part


This text is part of the TITUS edition of Flavius Iosephus, Antiquitates Iudaicae I-II.

Copyright TITUS Project, Frankfurt a/M, 21.11.2023. No parts of this document may be republished in any form without prior permission by the copyright holder.