TITUS
Flavius Iosephus, Antiquitates Iudaicae I-II
Part No. 136
Previous part

Section: 6  
Line: 1   თ. 6


Paragraph: 1  
Line: 2        1. ხოლო აწღა მეოთხე რაჲ წელი მეფობისაჲ აქუნდა მას, ვავჳლონელ\თა
Line: 3     მთავრობაჲ მიიღო ვინმე ნავუხოდონოსოროს სახელით, რომელი მასვე
Line: 4     ჟამსა დიდისა თანა შემზადებისა აღმოვიდა და კარხამისსა ქალაქად, ხოლო
Line: 5     არს ესე მახლობელად ევფრატისა, ბრძოლად მნებებელი ნეხაოჲს, ეგჳპტელ\თა
Line: 6     მეფისაჲ. ხოლო ამას ქუეშე იყო ყოველი სჳრიაჲ. ხოლო ისწავა რაჲ ვავ\ჳლოვნელისა
Line: 7     წინააღრჩევაჲ და მის ზედა აღმჴედრებაჲ ნეხაოს, არცა იგი
Line: 8     უდებ-იქმნა და ბრძოლად მიიმართა ევფრატსა ზედა. ხოლო იქნნა რაჲ წყო\ბაჲ,
Line: 9     იძლია და მრავალთა ბევრეულთა დამტევებელ იქმნა ბრძოლასა შინა. და
Line: 10     ვავილოვნელმან უკუე, განსრულმან ევფრატსა ვიდრე პილუსიოდმდე, მიიღო
Line: 11     სჳრიაჲ გარეშე იუდაჲსა. ხოლო აწღა მეოთხეთა წელთა ნავუხოდონოსოროჲს
Line: 12     მეფობისათა, მერვე იყო იოაკიმოჲსა, ევრაელთა მთავრობასა მქონებელისა,
Line: 13     და აღიმჴედრა მრავლისა ძალისა თანა იუდელთა ზედა ვავჳლოვნელმან, ხარკ\თა
Line: 14     მთხოველმან იოაკიმოჲსაგან, ანუ თუ ბრძოლასა მაქადებელმან. ხოლო
Line: 15     მან, შეშინებულმან ქადებისაგან და მშჳდობასა ნაცვალმცვალებელმან საჴმარ\თაგან,
Line: 16     მოართუნა მას ხარკნი, რომელნიცა განუწესნა სამთა შინა წელთა.

Paragraph: 2  
Line: 17        2. ხოლო მესამესა შინა, აღმჴედრებასა მსმენელი ეგჳპტელთასა ვავი\ლოვნელსა
Line: 18     ზედა და ხარკთა არა მიმცემელი მისდა, ცრუ-იქმნა სასოებისაგან,
Line: 19     ხოლო ეგჳპტელნი მჴედრობისა ქმნად არა მკადრე იქმნნეს. ხოლო ამათ იე\რემია
Line: 20     წინაწარმეტყუელი ყოველსა დღესა წინაწარ-ეტყოდა, ვითარმედ ამაოდ
Line: 21     მინდობილობენ ეგჳპტელისა მიმართ სასოებათა ზედა და ვითარმედ გან\საზღვრებულ
Line: 22     არს ქალაქისა ვავილოვნელისა მიერ დამჴობაჲ და იოაკიმოს
Line: 23     მეფისაჲ მის მიერ ჴელთგდებულობაჲ. არამედ ესენი არცა ერთისა საჴმარე\ბისა
Line: 24     მიმართ ითქუმოდეს, ვინაჲთგან არა იყვნეს მგულებელნი ცხოვნებად. და
Line: 25     რამეთუ სიმრავლე და მთავარნი, მსმენელნი, უდებ-ჰყოფდეს და რისხვასა
Line: 26     მიიღებდეს თქუმულთა ზედა და ვითარ მზმნელსა მეფისათჳს, აბრალებდეს
Line: 27     წინაწარმეტყუელსა იერემიას და სამსჯავროდ წარმადგინებელნი განჩინება\სა
Line: 28     [ Page of ms.: 175რ  ] დასჯისასა ევედრებოდეს. და სხუათა ვიდრემე ყოველთა მოიღეს განჩი\ნებაჲ
Line: 29     მას ზედა და მოხუცებულთა განწირეს. ხოლო რომელნი იყვნეს ბრძნისა
Line: 30     გონებისანი, განუტევეს წინაწარმეტყუელი ეზოჲთ და სხუათაცა განაზრახეს,
Line: 31     რაჲთა არარაჲ ბოროტი უყონ იერემიას, რამეთუ იტყოდეს, ვითარმედ არა
Line: 32     ესე მხოლოდ იტყჳს გულვებადთა ქალაქისათჳს, არამედ და მიქეაცა წინა\წარვე
Line: 33     ამისსა ესენივე თქუნა და სხუათა მრავალთა, რომელთაგანი არცა ერთი
Line: 34     მოკუდა მაშინ მყოფთა მეფეთაგან, არამედ ვითარცა წინაწარმეტყუელი
Line: 35     ღმრთისაჲ პატივსა მიემთხჳა. ამათ სიტყუათა მიერ დამამშჳდებელთა სიმრავ\ლისათა
Line: 36     იჴსნეს განჩინებულისა დასჯისაგან იერემია, რომელმანცა, ყოველთა
Line: 37     წინაწარმეტყუელებათა მისთა აღმწერელმან, იმარხვიდა რაჲ ერი და შეკრე\ბულ
Line: 38     იყო ტაძარსა შინა თუესა მეცხრესა, მეხუთესა წელსა იოაკიმოჲს მე\ფობისასა,
Line: 39     წარიკითხა წიგნი, რომლისა შემაწყობელ იყო შემთხუევად გულ\ვებადთათჳს
Line: 40     ქალაქისა და ტაძრისა და ერთა. და ესმნეს რაჲ მთავართა, მი\იღეს
Line: 41     მისგან წიგნი და უბრძანეს მას და მწიგნობარსა ვარუხოსს შორს ქმნაჲ
Page: II-108   Line: 1     თავთა თჳსთაჲ, რაჲთა არა ცხად-იქმნენ ვიეთდამე. ხოლო მათ, წიგნისა მიმ\ღებელთა,
Line: 2     მეფესა მისცეს. და ვინაჲთგან მდგომარე იყვნეს მუნ მდგომარენი
Line: 3     მისნი, უბრძანა მწიგნობრსა თჳსსა, მიმღებელსა, წარკითხვაჲ. ხოლო მეფე\მან,
Line: 4     მსმენელმან წიგნის შინათამან და განრისხებულმან, განხეთქა თანად და
Line: 5     ცეცხლსა შთამაგდებელმან, უჩინო-ყო და ძიებაჲ ბრძანა იერემიაჲსი და
Line: 6     მწიგნობრისა ვარუხოჲსი და მიყვანებაჲ მისა მიმართ დასასჯელად. ესენი ვიდ\რემე
Line: 7     უკუე განელტვნეს რისხვასა მისსა.

Paragraph: 3  
Line: 8        3. ხოლო შემდგომად არა მრავლისა ჟამისა აღმჴედრებული მის ზედა
Line: 9     მეფე ვავჳლონელთაჲ შეიწყნარა შიშისა ძლით წინაწარმეტყუელისა მიერ
Line: 10     თქუმულთაჲსა, არა რომელსა ბოროტსა მეჭუელმან ვნებად მათდა, არცა დამჴ\შველთა
Line: 11     და არცა მბრძოლთა. გარნა არა დაიმარხნა აღთქუმანი წარსრულმან
Line: 12     მისა მიმართ, არამედ უჭაბუკესნი და შუენიერებითა უმჯობესნი იეროსოლ\ჳმელთაგან
Line: 13     მოაკუდინნა მეფისა თანა იოაკიმოჲსა, რომლისაჲ დაუფლველად
Line: 14     ბრძანა განგდებაჲ წინაშე ზღუდეთა, ხოლო ძე მისი იონაქიმოს დაადგინა
Line: 15     მეფედ სოფლისა და ქალაქისა. და ღირსებისა შინანი, სამ ათასნი მყოფნი
Line: 16     რიცხჳთ, ესენი, მიმყვანებელმან, წარიყვანნა ვავჳლონად. ხოლო ამათ შო\რის
Line: 17     იყო და წინაწარმეტყუელი იეზეკილოსცა, ყრმად მყოფი. დასასრული
Line: 18     ვიდრემე ესევითარი ეწია მეფესა იოაკიმოს, ცხორებულსა წელთა ექუსთა
Line: 19     და ოცადაათთა, ხოლო ამათგან მმეფობსა ათერთმეტთა. ხოლო იონაქიმოს,
Line: 20     მომთუალველი მეფობისა მისისაჲ, დედისაგან ეიდრე ნოოსტის სახელით,
Line: 21     მოქალაქისაგან, მეფობდა თუეთა სამთა და დღეთა ათთა.




Next part


This text is part of the TITUS edition of Flavius Iosephus, Antiquitates Iudaicae I-II.

Copyright TITUS Project, Frankfurt a/M, 21.11.2023. No parts of this document may be republished in any form without prior permission by the copyright holder.