TITUS
Keimena I
Part No. 16
Previous part

Text: XV_Mich.Laur.  
Page of edition: 165  
Line of edition: 16  თუესა მარტსა: ია: წამებაჲ: წმიდისა: მიქაელისი: რომელი: იყო:
Line of edition: 17  ლავრასა: დიდსა: წმიდისა: მამისა: ჩუენისა: ნეტარისა:


Chapter: 1  
Line of edition: 18       1. გჳთხრობდა ამბა ბასილი მღდელი: საბაწმიდელი: კაცი საკჳრველი და
Line of edition: 19    სასწაულთა მხილველი. ვითარმედ დღესა ხარებასა განვედით ლიტანიასა ქუემო-კერძო
Line of edition: 20    ლავრასა: ორსა ოდენ უტევანსა: ადგილსა ჩინებულსა. სალიტანიესა ღმრთის-მშობ\ლისასა:.
Line of edition: 21    ამას ადგილსა იტყჳან ჩუენებით-ხილვასა მამისა ჩუენისა საბაჲსსა წმიდისა
Line of edition: 22    დედოფლისასა გუნდთა თანა ანგელოზთასა და კრებულსა თანა წმიდათასა: მაშინ\დელსა
Line of edition: 23    იტყჳან შეიწრვასა ლავრისასა წმიდისა დედოფლისასა და შჱნებასა დიდისა
Line of edition: 24    ეკლესიისასა:. ხოლო ჩუენ მივედით ადგილსა მას. მსგავსად ჩუელებისა. ჯუარე\ბითა
Line of edition: 25    და ხატებითა და სახარებითა. ქებითა და გალობითა წმიდისა ღმრთის-მშობე\ლისაჲთა.
Line of edition: 26    და აღვასრულეთ ფსალმუნებაჲ და ყოველი განგებაჲ. და ვიკითხეთ სა\ხარებაჲ.
Line of edition: 27    და უკმოვიქეცით ლავრასა და მოვეახლენით სენაკსა ამბა თევდორჱსა
Line of edition: 28    განთქუმულისა აბუკურაჲსსა:. მაშინ აღუქციეთ მოკითხვად და მოღებად ლოცვასა
Line of edition: 29    წმიდასა მისსა. რამეთუ იყო იგი სენაკი მისი კიდესა ლავრისასა. ფიქალსა ზედა კლდი\სასა.
Line of edition: 30    გზასა იორდანისასა. და ზღუა-მკუდარისასა:. ხოლო მან მიხილნა ჩუენ მიმა\ვალნი.
Line of edition: 31    მოწრაფედ მოგუეგება და მოწლედ მოგჳკითხნა და სიხარულით შეგჳწ\ყნარნა
Page of edition: 166   Line of edition: 1    და თქუა: ღმერთმან კეთილად მოგიყვანნა: და შემიყვანნა და სენაკად აღმი\ყვანნა:
Line of edition: 2    და ვყავთ ლოცვაჲ. და დაგუსხნა. და ვითარ მცირედჟამ ვსხედით და ვზრა\ხევდით
Line of edition: 3    და ვისმენდით და ფრიად ვირგებდით. მაშინ აღვდეგით რაჲთამცა წარვედით:.
Line of edition: 4    მომიგო ჩუენ აბუკურა: არა ჯერ-არს მამანო წმიდანო. უფალნო ჩემნო და მონანო
Line of edition: 5    მაღლისანო. რამეთუ დღჱ არს სახარებისაჲ და სიხარულისაჲ. ჟამი არს სერობისაჲ და
Line of edition: 6    სიყუარულისაჲ. რამეთუ მიც ჩუენ ნუგეშინის-საცემელი პური ჴმელი და სეფის-კუერი
Line of edition: 7    ლბილი და სასუმელი ტკბილი. და მიბრძანა ჩუენ წირვაჲ ჟამისაჲ. და აღვასრუ\ლეთ
Line of edition: 8    შეწირვაჲ მსხუერპლისაჲ. და მოვიღეთ ჴორცი და სისხლი უფლისაჲ: ხო\ლო
Line of edition: 9    მან ისწრაფა დაგებაჲ ტაბლისაჲ. ხოლო ჩუენ ვარქუთ: მამაო. მეც ჩუენ პი\რველად
Line of edition: 10    საზრდელი სულიერი. სიტყუაჲ სულისა სულისა სარგებელი. და მერმეღა ჴორ\ციელი:.
Line of edition: 11    მომიგო და მრქუა ჩუენ რეცა განცხრომით: შემიწყალეთ მამანო. რამეთუ
Line of edition: 12    ვერ ძალ-მიც. მეცით მე საზრდელი ჴორციელი და მერმეცა ჯერ-არს სულიერი:
Line of edition: 13    და მრქუა: მოუწოდეთ მოწაფესა ჩემსა. რამეთუ აღებით არარაჲსა გემოჲ უხილავს:
Line of edition: 14    ხოლო ჩუენ ვაბრალეთ ფიცხლისა მარხვისა-თჳს:. მაშინ მოუწოდეთ მოწაფესაცა და
Line of edition: 15    დავსხდეთ ყოველნი ერთობით და ვაკურთხეთ უფალი და მოვიღეთ საზრდელი და
Line of edition: 16    ვსუთ სასუმელი: და განვძლიერდით და განვიხარეთ სიხარულითა და სიყუარული\თა
Line of edition: 17    სულიერითა:.

Chapter: 2  
Line of edition: 18       2. მაშინ გჳთხრობდა აბუკურა ვითარმედ დღეთა აბდალ-მელქისთა მურვანის ძისა
Line of edition: 19    ამირ-მუმლისათა. იყო დიდი მშჳდობაჲ და დაწყნარებაჲ. არა იყო მტერობაჲ
Line of edition: 20    არცა ბრძოლაჲ. ხოლო ყოველსა ნათესავსა კაცთასა მორწმუნესა და ურწმუნოსა.
Line of edition: 21    ყოველსა წარმართსა ჰურიასა და სარკინოზსა გული უთქუამს ხილვასა იერუსალჱლმისა\სა:.
Line of edition: 22    მაშინ აბდალ-მელიქ ამირ-მუმლი აღმოვიდა ბაბილოვნით იერუსალჱმად ცოლით-\შვილით
Line of edition: 23    მისით. ერითა მრავლითა. მჴედრებითა რჩეულებითა. ეტლებითა შემკუ\ლებითა:
Line of edition: 24    ჰუნებითა: ტაიჭებითა: პილოებითა და აქლემებითა: მრავალფერითა
Line of edition: 25    საუცრებითა. მრავალსახითა სახიობითა წარმავალითა და დავიწყებადითა:. ხოლო
Line of edition: 26    აბდალ-მელიქ ამირ-მუმლი არავის ავნებდა და არცა აჭირვებდა. არამედ იკითხვიდა
Line of edition: 27    და ეძიებდა კაცსა ქრისტეანესა შჯულისა-მეცნიერსა:.

Chapter: 3  
Line of edition: 28       3. ხოლო ყოფასა მისსა წმიდასა ქალაქსა იერუსალჱმსა იყო ვინმე ტიბერიელი
Line of edition: 29    მონაზონი საბა-წმიდას. და ესუა მას მოწაფჱ მორჩილი და გამოცდილი. კეთი\ლი.
Line of edition: 30    სრული და შემკული. და იქმოდა იგი მოთხეებსა და მარჯუეებსა მალაკებსა.
Line of edition: 31    და მრავალსა ჴელთ-საქმარსა: კეთილად ნაქმარსა: და მოიყიდდა საჴმარსა და
Line of edition: 32    მოართუმიდა მოძღუარსა. და ჰრქჳს: მამაო მევნების მისლვაჲ ქალაქისაჲ. მისყი\დაჲ
Line of edition: 33    და მოსყიდაჲ. მიცემაჲ და მოღებაჲ:. ხოლო ბერმან უწყოდა სულითა წი\ნაჲსწარითა
Line of edition: 34    ცნობითა ვითარმედ არა ჰრცხუენოდა მისისთა. არამედ იღუწიდა ლოცვითა და
Line of edition: 35    წარავლინა იძულებით და ჰრქუა: წარვედ შვილო მშვიდობით:. და ვითარცა შევიდო\და
Line of edition: 36    ქალაქად მივიდა წმიდად ადგომად და მყოარჟამ დადგა ლოცვად. და მოიქცა
Line of edition: 37    ქსენადოქად ჴელთა-საქმრისა აღებად. და შთავიდა ქულბაგად და იწყო ვაჭრობად:
Line of edition: 38    მაშინ უწყო ზავებად მონამან საჭურისმან ამირ-მუმლისა ცოლისამან სეიდასმან
Line of edition: 39    და ჰრქუა: წარმოგუალე ჭაპუკო ყოველი გაგიყიდო და რაჲცა გინდეს მოგიყიდო.
Page of edition: 167   Line of edition: 1    მაშინ მიჰყვებოდა და არა უწყოდა ვიდრე მიიყვანებოდა: ხოლო საჭურისმან მიიყვა\ნა
Line of edition: 2    კარსა ამირა-მუმლისა ცოლისასა და შევიდა და ჰრქუა სეიდას: ჭაპუკი ვინმე
Line of edition: 3    მონაზონი ჰგავს ბრძენსა და გონიერსა და ჰყიდის ჴელით-საქმარსა შუენიერსა: ხო\ლო
Line of edition: 4    მე მოვიყვანე კარსა შენსა:. და მან ჰრქუა: შემოიყვანე წინაშე ჩემსა:.

Chapter: 4  
Line of edition: 5       4. და ვითარცა შევიდა კარსა ტაძრისასა კრავი იგი. შევიდა-გულსა დედაკაცი\სასა
Line of edition: 6    მგელი იგი რომელი არა დასცხრების ბრძოლასა მონაზონთასა: აღძრა ცოლი
Line of edition: 7    ამირა-მუმლისაჲ და შთაუგდო ტრფიალებაჲ მონაზონისაჲ. რამეთუ იყო იგი გრძელ
Line of edition: 8    ჰასაკითა და ჭაპუკ ჟამითა და შუენიერ ხატითა. ხოლო ყჳთელ პირითა მძაფრი\თა
Line of edition: 9    მარხვითა. შრომითა და მღჳძარებითა:. მიუგო სეიდა და ჰრქუა მონაზონსა:
Line of edition: 10    ჵ ჭაპუკო ჭირვეულო. ტყუე თუ ხარ გამოგიყიდო. სნეულ თუ ხარ განგკურნო.
Line of edition: 11    გლახაკ თუ ხარ განგამდიდრო:. მიუგო მონაზონმან და ჰრქუა: ტყუჱ ვიყავ სო\ფლისაჲ
Line of edition: 12    და აწ ჴსნილ ვარ უფლისაჲ. მონაჲ ვიყავ ცოდვისაჲ ხოლო აწ მონაჲ
Line of edition: 13    ვარ მაღლისაჲ. არა ვარ სნეულ გუამითა. არცა გლახაკ საფასითა. არამედ სნეულ
Line of edition: 14    ვარ სულითა და ნაკლულ სინანულითა და წყლულ ქრისტჱს სიყუარულითა:. მიუგო
Line of edition: 15    სეიდა და ჰრქუა: ჵ ჭაპუკო უბადრუკო. უკუეთუ მეგობარ ჩემდა იყო. მე შენ
Line of edition: 16    კეთილი გიყო და ცხოვრება შენდა ვიყო. და შენ უფროჲს მრავალთასა იყო:.
Line of edition: 17    მიუგო მონაზონმან და ჰრქუა: ჵ დედაკაცო რაჲსა გნებავს ცხოვრებისა ჩემისა
Line of edition: 18    აწყუედაჲ. და მოყუასთა ჩემთა მოწყუედაჲ. და სულისა ჩემისა წარწყმედაჲ:. მიუ\გო
Line of edition: 19    სეიდა და ჰრქუა: უკუეთუ არა მერჩდე გონებითა. განვკაფო გუამი შენი გუე\მითა.
Line of edition: 20    განსაცდელთა სიმძაფრითა. გარდარეულითა ტანჯვითა:. მიუგო მონაზონმან
Line of edition: 21    და ჰრქუა: მორჩილებაჲ შენი ურჩებაა ღმრთისა ჩემისა. და ნებაჲ შენი ვნება თა\ვისა
Line of edition: 22    ჩემისა. ხოლო გუემაჲ განსუენებაა გუამისა ჩემისა და სატანჯველი
Line of edition: 23    საშუებელ სულისა ჩემისა:. მიუგო სეიდა და ჰრქუა: ანუ არა ვარ მეა საქებელ.
Line of edition: 24    საშუებელ და საწადელ:. მიუგო მონაზონმან და ჰრქუა: არა ხარ შენ საქებელ
Line of edition: 25    არამედ საქიქელ. არა საშუებელ არამედ სავნებელ. არა საწადელ არამედ საძაგელ:.

Chapter: 5  
Line of edition: 26       5. მაშინ აღიძრა-ასპიდი იგი გულითა და აღივსო ტირილითა. მრავლითა
Line of edition: 27    გულის-წყრომითა და უბრძანა შეკრჳაჲ მისი მშჳლდის საბლითა და ტანჯვაჲ მი\სი
Line of edition: 28    ტაჯგანაგითა: მაშინ მოითხოა ფიცარი აბანოსისაჲ და დაწერა შესმენაჲ წმი\დისაჲ
Line of edition: 29    მის. და ესე იყო დაწყებაჲ სიტყჳსაჲ: ანუ მიყავ სამართალი კადნიერები\სა
Line of edition: 30    ჩემისაჲ ამის მონაზონისა. კიცხევად ჩემდა შემოსულისაჲ. ანუ მომეც ჴელმ\წიფებაჲ
Line of edition: 31    თავისა მაგისისაჲ რაჲთა ვისაჯო ნებისა-ებრ ჩემისა:. მაშინ მისცა იგი
Line of edition: 32    ჴელსა საჭურისისასა და წარსცა იგი ტაძარსა ამირ-მუმლისასა. მისცა მოწერილი
Line of edition: 33    ცოლისა მისისაჲ. ხოლო მან გულის-ხმა ყო ცილი იგი დაწამებული ვითარცა ტყუ\ვილი
Line of edition: 34    და არაყოფილი. და არავინ უწყოდა მიზეზი მონაზონისა კრულისაჲ და
Line of edition: 35    წარმოდგინებულისაჲ წინაშე ამირ-მუმლისა. გარნა ამირა-მუმლმან და მონაზონმან:.

Chapter: 6  
Line of edition: 36       6. მაშინ მიუგო მრისხანითა პირითა და მკსინვარითა თუალითა. გულის-წყრომითა
Line of edition: 37    დიდითა და ჰრქუა: ჵ მონაზონო. რაჲ უკუე-მოიგონო რამეთუ ხარ შენ
Line of edition: 38    პასუხთა-გან უღონო. აწ რაჲ სიტყუაჲ მოგუაწონო. მითხარ ჩუენ უკუეთუ იწონო:.
Line of edition: 39    მიუგო მონაზონმან და ჰრქუა: შეჰგავს მეფეთა და ჴელმწიფეთა შეკრძალვაჲ სამ\თა
Page of edition: 168   Line of edition: 1    საქმეთაჲ:. მიუგო ამირა-მუმლმან და ჰრქუა: მითხარ პირველი და მეორე და
Line of edition: 2    მესამე:. მიუგო მონაზონმან და ჰრქუა: პირველი და ღმრთის-მოშიშებაჲ. მეორჱ მო\წყალებაჲ.
Line of edition: 3    მესამჱ სულგრძელებაჲ:. მაშინ შეუყვარდა ამირ-მუმლსა სიტყჳს-გებაჲ
Line of edition: 4    მისი და შეეწყალა სიჭაპუკჱ მისი და ბრძანა განჴსნაჲ მისი:. მიუგო და ჰრქუა
Line of edition: 5    მონაზონსა: მსგავს არს საქმჱ ესე კაცსა მეუფესა ჴელმწიფესა სამართლის-მყო\ფელსა.
Line of edition: 6    რომელმან პოვა მპარავი და მეძავი განსაპატიჟავი:. აწ გულის-ხმა ყავ ესე იგა\ვი:.
Line of edition: 7    მიუგო მონაზონმან მან და ჰრქუა: მსგავს არს საქმჱ ესე კაცისა მეზობ\ლისა.
Line of edition: 8    ბასილიკონისა გუელისა. მიხედვითა მაკუდინებელისა: და მეოტი მის-გან
Line of edition: 9    მეზობელ იქმნა მჴეცისა საშინელისა ლომისა ლაღისა და საზარელისა: აწ სჯობს
Line of edition: 10    მეზობლობაჲ ლომისაჲ ვიდრე გუელისა გესლიანისაჲ ბოროტისა თესლისა და წარ\მწყმედელისაჲ:.
Line of edition: 11    მიუგო ამირ-მუმლმან და ჰრქუა: გჳცნობიეს იგავისა შენისაჲ.
Line of edition: 12    ნუ გეშინინ ლომისაჲ მის-გან საშინელისა. რამეთუ ვერ პოვის საზრდელი თჳნიერ
Line of edition: 13    ბრძანებისა და ეშინის მას ღმრთისა მაღლისა. უკუეთუ მოსავ იყო მისა:. მიუგო
Line of edition: 14    მონაზონმან და ჰრქუა: მე მოსავ ვარ მამისა და ძისა და წმიდისა სულისაჲ: მიუ\გო
Line of edition: 15    ამირა-მუმლმან და ჰრქუა: ვინაჲ ხარ შენ მითხარ პირველი და მაუწყე უკუა\ნაჲსკნელი:.
Line of edition: 16    მიუგო მონაზონმან და ჰრქუა: პირველ გალილეველი. ქალაქით ტი\ბერიელი.
Line of edition: 17    ხოლო აწ ფილისტიმელი. ქალაქით იერუსალჱმით და ლავრით საბაწმი\დელი:.
Line of edition: 18    მიუგო ამირ-მუმლმან და ჰრქუა: არა მიტყუვის გონებაჲ ვითარმედ არს შენ
Line of edition: 19    თანა ცნობაჲ. სიბრძნჱ სრული და სიტყჳს-გებაჲ:. მიუგო მონაზონმან და ჰრქუა:
Line of edition: 20    ჯერ-არს წინაშე მეფეთასა მეტყუელებაჲ სამართალსა და არა ტყუვილისა სიტყჳსა:

Chapter: 7  
Line of edition: 21       7. ხოლო ამირა-მუმლი იყო ბრძენ სოფლისა და სულელ წინაშე ღმრთისა. და
Line of edition: 22    ეკითხნეს მას წიგნნი ძუელნი და ახალნი: დაბადებაჲ. გამოსლვათაჲ. და მეფე\თაჲ:
Line of edition: 23    ხოლო ახალსა: პავლესა და მოციქულთასა:. მაშინ ამირა-მუმლმან მოუწოდა
Line of edition: 24    კაცსა ჰურიასა. შჯულთა-მეცნიერსა. რაჲთა სძლონ მონაზონსა და მიაქციონ შჯულსა
Line of edition: 25    მისსა:. მაშინ ამირა-მუმლმან ჰრქუა მონაზონსა: წერილ სადა არს დაბადებასა გინა
Line of edition: 26    სახარებასა. გიბრძანებსა ჭამასა ჴორცისასა და ქორწილისასა:. მიუგო მონაზონ\მან
Line of edition: 27    და ჰრქუა: წერილ არს ნაშობნი ამის სოფლისანი იქორწინებოდიან:. მიუგო
Line of edition: 28    ამირა-მუმლმან და ჰრქუა: შენ არა ხარ ნაშობი ამის სოფლისაჲ: აწ მოეც პასუ\ხი
Line of edition: 29    ამის სიტყჳსაჲ. ანუ დაიჯერე ჩემისა საშჯელისაჲ:. და მიხედნა ამირა-მუმლ\მან
Line of edition: 30    ჰურიასა და ჰგონებდა ძლევასა მონაზონისასა:. მიუგო მონაზონმან და ჰრქუა:
Line of edition: 31    კაცთა. მეძიებელთა ამის სოფლისა წარმავალისათა. არა აყენებს ჭამასა ჴორცი\სასა
Line of edition: 32    და ქორწინებასა წიგნი დაბადებისაჲ. არცა მოციქულისაჲ: ხოლო მონაზონ\თა.
Line of edition: 33    მეძიებელთა საუკუნოჲსათა. არა უბრძანებს ქორწინებასა. არცა განსუენებასა
Line of edition: 34    ამის სოფლისა წარმავალისასა. ხოლო სასუფეველი არა არს საჭმელი არცა სასუ\მელი
Line of edition: 35    არამედ მოუგონებელ:. მიუგო ამირა-მუმლმან და ჰრქუა: ჵ საწყალო. უცხო-\ქმნულო.
Line of edition: 36    ორთა-განვე ცხოვრებათა დაკლებულო. მაშა რაჲ უკუე სასოებაჲ გაქუს:.
Line of edition: 37    მიუგო მონაზონმან მან და ჰრქუა: ნიჭნი ქრისტჱსნი თუალთ-უხილავნი და
Line of edition: 38    ყურსა უსმენელნი და გულსა მოუვალნი უკუნისამდე წარრუვალნი:. მიუგო ამირა-მუმლმან
Page of edition: 169   Line of edition: 1    და ჰრქუა: პავლე გაცთუნნა:. მიუგო მონაზონმან და ჰრქუა: პავლე გუაცხოვნნა
Line of edition: 2    წარმართნი. ხოლო ჰუმედ აცთუნნა სარკინოზნი:. მიუგო ჰურიამან და ჰრქუა:
Line of edition: 3    პავლჱ არა ჰურიაჲ იყოა პირველად:. მიუგო მონაზონმან და ჰრქუა: ჰე ჰურიაჲ
Line of edition: 4    იყო:. მიუგო ჰურიამან: დაისწავე ჩემ-გან. ვითარცა ისწავე მის-გან:. მიუგო მონაზონ\მან
Line of edition: 5    და ჰრქუა: უკუეთუ მსგავს მისა იყო შენ. სანატრელ იყო და მე მოწაფჱ
Line of edition: 6    შენი ვიყო:. მიუგო ამირა-მუმლმან და ჰრქუა: ჩუენ ორნი ვართ და ორთა ერთსა
Line of edition: 7    გძლიოთ:. მიუგო მონაზონმან და ჰრქუა: თქუენ სამნი ხართ და სამნივე იძლინეთ
Line of edition: 8    ძალითა ქრისტჱსითა:. ჰრქუა ამირა-მუმლმან: ვინ არს მესამჱ აწ მითხარმე:.
Line of edition: 9    მიუგო მონაზონმან და ჰრქუა: მტერი ჩემი არს მეგობარი თქუენი არს. და მკი\თხავთ
Line of edition: 10    ვინ არს:.

Chapter: 8  
Line of edition: 11       8. მიუგო ამირა-მუმლმან და ჰრქუა: ისმინე ჩემი ჭაპუკო. მოიქეც და ძედ.
Line of edition: 12    ჩემდა იყო და მე მამად შენდა ვიყო: და ყოველთა ზედა სპასალრად გყო: ესოდენ
Line of edition: 13    წამე ვითარმედ ჰუმედ მოციქულ არს:. მიუგო წმიდამან და ჰრქუა: ჵ ამირ-მუმლო.
Line of edition: 14    მეწამებია ვითარმედ ქრისტჱ სიტყუაჲ ღმრთისაჲ არს:. მიუგო მაირ-მუმლმან: ჰე გეწამები:.
Line of edition: 15    და ჰრქუა ჰურიასა მონაზონმან მან: ჵ ჰურიაო. მეწამებია ქრისტჱს მოსლვასა.
Line of edition: 16    რამეთუ სიტყჳთა ღმრთისაჲთა ცანი დაემტკიცნეს:. ჰრქუა ჰურიამან: ჰე გეწამები: მა\შინ
Line of edition: 17    წმიდაჲ იგი აღივსო სულითა წმიდითა და ჰრქუა: თქუენ სამე მეწამებით
Line of edition: 18    სამართალსა. ხოლო მე არა გეწამები უსამართლოსა:. ჵ ჰურიაო ქრისტჱ შობილ
Line of edition: 19    არს და არღარა იშვების: ჵ ამირ-მუმლო: არა არს ჰუმედ არცა მოციქულ. არ\ცა
Line of edition: 20    წინასწარმეტყუელ. არამედ მაცთუნებელი:. მაშინ აღივსნეს სარკინოზნი სირცხჳლითა.
Line of edition: 21    და რისხვითა. და გულის-წყრომითა: ხოლო მწიგნობარნი და მკურნალნი ქრისტეანენი
Line of edition: 22    აღივსნეს სიხარულითა. რამეთუ მონაზონმან სძლო ძალითა ქრისტჱსითა ამირ-მუმლ\სა
Line of edition: 23    და ჰურიასა:. მაშინ ჰრქუა ამირ-მუმლმან ჰურიასა: ვჰგონებდ შენ თანა სარგე\ბელსა
Line of edition: 24    და მივემთხჳე სავნებელსა. და ბრძანა ჰური[აჲ]საჲ ყრჳმალის-ცემაჲ [დ]ამცი\რებაჲ
Line of edition: 25    და გარე განძებაჲ:. და ჰრქუა მონაზონსა. მე მარტომან გძლო და მოგაქ\ციო:
Line of edition: 26    მიუგო წმიდამან და ჰრქუა: ერთი მეოტ იქმნა და ორნი დარჩომილ ხართ:
Line of edition: 27    და ჰრქუა ამირ-მუმლმან: ანუ არა ჰუმედ მოაქცინა სპარსნი და არაბნი. და და\ლეწა
Line of edition: 28    კერპნი მათნი:. მიუგო წმიდამან და ჰრქუა: რაჲთა მოაქცინა. რასა უყოფ\და
Line of edition: 29    ურჩთა. ანუ რასა მიაგებდა მო[რ]ჩილთა:. მიუგო ამირ-მუმ\ლმან და ჰრქუა:
Line of edition: 30    მორჩილთა მოიგებდა კეთილითა და ურჩთა მოსრვიდა მახჳლითა:. მიუგო წმიდა\მან
Line of edition: 31    და ჰრქუა: რასა უქადებდა ამას საწუთროსა. ანუ რასა მას საუკუნესა:. მიუგო
Line of edition: 32    ამირ-მუმლმან და ჰრქუა: აქა ჭამასა კეთილთასა და სამოსელსა ჩჩჳლსა და გე\მოთა
Line of edition: 33    და ქორწილსა: და მუნ სამოთხესა ჭამასა და ქორწინებასა:. მიუგო მონა\ზონმან
Line of edition: 34    და ჰრქუა: პავლეს არა აქუნდეს მახჳლნი. არცა საფასენი: ჴელითა შურე\ბოდა
Line of edition: 35    და მით იზარდებოდა და ყოველგან ვიდოდა: ამცნებდა მარხვასა და სიწმიდესა
Line of edition: 36    არა სიძვასა საძაგელსა: ხოლო მას საუკუნესა არა აღუთქუმიდა ჭამასა არცა ქორ\წინებასა.
Line of edition: 37    არამედ სასუფეველსა:. აქ იხილენ ვისი მოწაფენი უმრავლჱსნი არიან
Line of edition: 38    პავლჱსნი ანუ ჰუმედისნი:.

Page of edition: 170  
Chapter: 9  
Line of edition: 1       9. მიუგო ამირ-მუმლმან და ჰრქუა: პავლჱ ხოლო არსა მოციქული: არა
Line of edition: 2    ათორმეტნი იყვნესა მოციქულნი:. მიუგო წმიდამან და ჰრქუა: ჵ ესოდენსა სი\ბრძნესა
Line of edition: 3    და გარდარეულსა სიბრმესა მეცნიერსა ათორმეტთა მოციქულთასა. და
Line of edition: 4    ურწმუნოსა საქმეთა მათთასა: ჰე [ა]თორმეტნი იყვნეს. რომელთა ათორმეტნი საზ\ღვარნი
Line of edition: 5    კიდენი სოფლისანი შევლნეს. და გარეშე წერნეს და წარმართნი მოაქცი\ნეს
Line of edition: 6    და დაამტკიცნეს და დაჰბეჭდეს უკუნისამდე. მიუგო ამირ-მუმლმან: რომელნი
Line of edition: 7    ათორმეტნი ვიცნი კიდენი ქუეყანისანი:. მიუგო მონაზონმან და ჰრქუა: ოთხნი
Line of edition: 8    კიდენი ოთხთა სახარებათანი. და ათორმეტნი ნაწილნი ათორმეტთა მოციქულ\თანი.
Line of edition: 9    რომელ არიან ესენი: სინდეთი და ჰინდოეთი: ნუბეთი და აფრიკეთი: გუ\თეთი
Line of edition: 10    და საბერძნეთი: ბურღანეთი და ქერსონეთი: აფხაზეთი და ხაზარეთი:
Line of edition: 11    დელამეთი და ფარღანეთი:. ესე არიან ზღჳს კიდენი. ხოლო თქუენ სარკინოზნი
Line of edition: 12    მპყრობელნი ხართ ერთისა ხერთვისისანი. და უმრავლჱსნი ერნი ქუეყანისა თქუე\ნისანი
Line of edition: 13    მორწმუნენი არიან უფლისა ჩემისა: და შენნიცა მსახურნი წარჩინებულნი
Line of edition: 14    მწიგნობარნი და მკურნალნი მოსავნი მჴსნელისა ჩემისანი. ხოლო ამირ-მუმლი
Line of edition: 15    მყოვარჟამ ჯდა. იგონებდა და ვერარას მოიგონებდა პასუხისა მიცემასა
Line of edition: 16    მონაზო/ნისასა:.

Chapter: 10  
Line of edition: 17       10. მაშინ მიუგო ამირ-მუმლმან მონაზონსა და ჰრქუა: ერთი ორთაგანი
Line of edition: 18    წინაგიც:. მიუგო მონაზონმან და ჰრქუა: ერთისა მათგანისა ყოფად გიც:. ჰრქუა
Line of edition: 19    ამირ-მუმლმან: ანუ მოგაქციო ანუ მოგაკუდინო:. ჰრქუა მონაზონმან მან: ანუ გან\მიტყო
Line of edition: 20    ბერისა ჩემისა თანა ანუ წარმავლინო ქრისტჱს ჩემისა თანა ანუ ქრისტეანე
Line of edition: 21    იქმნე ჩემ თანა:. მაშინ ბრძანა ამირ-მუმლმან მოღებაჲ ღუელფისაჲ აბანოჲსაჲ
Line of edition: 22    მჴურვალისაჲ და წარჴდაჲ ცანდალთა მისთაჲ: და მას ზედა დადგინებაჲ: ხოლო
Line of edition: 23    იგი ილოცვიდა დგა და მოითმენდა: და იტყოდა: სჯობს დაწუაჲ გუამისა ჩე\მისაჲ
Line of edition: 24    ვიდრე წარწყმედაჲ სულისა ჩემისაჲ:. და ცეცხლი იგი მოლენდებოდა. და
Line of edition: 25    წმიდასა მას არაჲ ევნებოდა:. მაშინ ბრძანა ამირ-მუმლმან მოღებაჲ მოთხისა რკი\ნისაჲ
Line of edition: 26    დაკლიტულისაჲ. და დასწავლულისაჲ. და ბრძანა განღებაჲ და აღმაღებაჲ
Line of edition: 27    შივშაგისა მცირისაჲ დაბეჭდულისაჲ: რომელსა იყო წერილი წამალი შესასუმელი
Line of edition: 28    წამსა მაკუდინებელი რომლისაჲ არს სახელი სამსალაჲ: მაშინ ეტყოდა ამირ-მუმ\ლი
Line of edition: 29    ანუ იყავ მორჩილ და შეიწყნარე კეთილი ანუ შესუჲ წამალი და თავს-იდევ
Line of edition: 30    სიკუდილი:. მიუგო წმიდამან და ჰრქუა: მირჩევია შესუმაჲ წამლისაჲ და გემოჲ
Line of edition: 31    სიკუდილისაჲ ვიდრე შენისა რჩულისაჲ და წარწყმედაჲ სულისა ჩემისაჲ:. მაშინ
Line of edition: 32    ბრძანა მიღებაჲ ჭურჭელისაჲ. დასხმაჲ თაფლ-წყლისაჲ. და ჩართვაჲ წამლისაჲ
Line of edition: 33    და მიცემაჲ მონაზონისაჲ: და ჰრქუა: უ[რ]ჩებითა შენითა შესუ მწარჱ ტკბილი\თა
Line of edition: 34    და სიკუდილი თაფლითა:. ხოლო მოწამემან ქრისტჱსმან მიიღო ჴელითა თჳსითა
Line of edition: 35    და მრწამსსა იტყოდა და ცრემლოოდა:. მაშინ მწიგნობარნი და მკურნალნი და
Line of edition: 36    წარჩინებულნი ქრისტეანენი ტიროდეს და ვერას იწონდეს რამეთუ იშიშჳოდეს: და მიჰ\ხედნა
Line of edition: 37    ამირ-მუმლმან მსახურთა თჳსთა რამეთუ ტიროდეს. და მასცა ელმოდა ცრემ\ლოოდა:
Line of edition: 38    არამედ ჰრცხუენოდა. დაღაცათუ განტევების უნდა. ვერ ეგებოდა რამეთუ ერი
Page of edition: 171   Line of edition: 1    განუკრთებოდა:. მაშინ მონაზონმან აღიმაღლა ჴმაჲ და თქუა: მრწამს მამაჲ: ძჱ
Line of edition: 2    და სული წმიდაჲ. და დასწერა ჯუარი საუფლოჲ და არა შეეშინა შესუა და ძა\ლითა
Line of edition: 3    ღმრთისა ჩუენისა იესუ ქრისტჱსითა არაჲ ევნო:. მაშინ აღიმაღლეს მწიგნობართა
Line of edition: 4    ჴმაჲ ტირილისაჲ და ჰრქუეს ამირ-მუმლსა: ბრძანე მოღებაჲ მახჳლისაჲ და ჩუენი\ცა
Line of edition: 5    სიკუდილი კაცისა თანა უბრალოჲსა:. მაშინ ბრძანა ამირ-მუმლმან მოყვანებაჲ
Line of edition: 6    კაცისა პყრობილისაჲ. კაცის-მკლველისაჲ: და მოსაკლავისა. და უნდა გამოცდაჲ
Line of edition: 7    წამლისაჲ. და ბრძანა შესუმაჲ. და ვითარცა შესუა ცხჳრსა დასცა და სულნი წარჴდეს.
Line of edition: 8    დაიჴსნა გუამი მისი. და დაჰჴდა თმაჲ და წუერი მისი: ხოლო მონაზონი დგა
Line of edition: 9    და ილოცვიდა. უფალსა ადიდებდა. სულითა იხარებდა:. მაშინ დაღად ყვეს
Line of edition: 10    ყოველთა სარკინოზთა: ადიდებ ქრისტეანეთა და წარსწყმედ სარკინოზთა: ანუ მოკუედინ
Line of edition: 11    მონაზონი ანუ მოვსწყდეთ სარკინოზნი:.

Chapter: 11  
Line of edition: 12       11. მაშინ ბრძანა განჩინებაჲ: ქალაქით განყვანებაჲ და მახჳლითა აღსრუ\ლებაჲ:.
Line of edition: 13    მაშინ ჰრქუა წმიდამან მოწამემან ქრისტჱსმან ამირ-მუმლსა: ვითხოვ ერთსა
Line of edition: 14    სათხოველსა. ვხედავ საშჯელსა მოქალაქეთასა. და მონაზონთასა. აწ გაფუცებ
Line of edition: 15    უფალსა. ნუ აქცევ სამართალსა:. მაშინ გამოიყვანეს კარსა ქალაქისასა. ბორცუსა
Line of edition: 16    გიორგი-წმიდისასა: და ვითარცა ეუწყა. გამოვიდა სიმრავლჱ ერთა მოქალაქეთაჲ. და
Line of edition: 17    უცხოთა მონაზონთაჲ. და მოხუცებულთაჲ. და ჭაპუკთაჲ და ყრმათაჲ. ქალწულ\თა
Line of edition: 18    და ყოველთა მორწმუნეთაჲ:. მაშინ წმიდამან მიქაელ მოღუაწემან. მარტჳლმან
Line of edition: 19    ქრისტჱსმან. განჰფინა ზეწარი თჳსი და თავყუანის სცა სამგზის უფალსა და მშჳდო\ბაჲ
Line of edition: 20    დაუტევა ერსა და ევედრებოდა ყოველსა: შემმოსეთ მე სქემითა ჩემითა და
Line of edition: 21    წარმგრაგნეთ ზეწარსა ჩემსა და მიმეცით მოძღუარსა ჩემსა რაჲთა მან მიმცეს მი\წასა:.
Line of edition: 22    მაშინ დაიწერა ჯუარი და მოუდრიკა თავი მახჳლსა და სიკუდილსა საცხო\რებელსა:.
Line of edition: 23    მაშინ მეჴრმლემან წარჰკუეთა წმიდაჲ იგი თავი მისი და აღიღო ჴე\ლითა
Line of edition: 24    თჳსითა. ტიროდა და ამბორს უყოფდა: და ყოველი ერი ტიროდა: მაშინ იყო
Line of edition: 25    დიდი ცილობაჲ მოქალაქეთაჲ და მონაზონთაჲ:. ეტყოდეს მოქალაქენი: არა მიგ\ცეთ
Line of edition: 26    კეთილი და მარტჳლი ქალაქისა ჩუენისაჲ: მიუგებდეს მონაზონნი: ვერ
Line of edition: 27    მიგჳღოთ შვილი და აღზრდილი უდაბნოჲსა ჩუენისაჲ: და იყო სიტყჳს-გებაჲ და
Line of edition: 28    ამბოხებაჲ ვიდრემდის მიიწია ამირ-მუმლისა და ბრძანა მიცემაჲ მისი მონაზონთა. და
Line of edition: 29    და[დ]ვეს ზედა ცხედარსა და მიიღეს ქსენადოქსა:.

Chapter: 12  
Line of edition: 30       12. და მუნქუესვე ეუწყა ბერსა ჟამსა ოდენ მეცხრესა ყოველი იგი ყოფილი
Line of edition: 31    რამეთუ იყო მის თანა სული წმიდაჲ და იყო სენაკი მისი მახლობელად გოდოლსა
Line of edition: 32    წმიდისა საბაჲსსა: ხოლო ბერმან მოისწრაფა ეკლესიად და უბრძანა რეკაჲ ჟამისა
Line of edition: 33    და ვითარცა ესმა მამათა შემოკრბეს ეკლესიად: ხოლო ბერი ტიროდა და უთხრობდა
Line of edition: 34    და ყოველთა ევედრებოდა. რამეთუ აწღა აღესრულა ძმაჲ თქუენი და შვილი ჩემი: აწ
Line of edition: 35    ვითხოვ ვედრებით თავს-იდევით მოწრაფედ წარვედით და მომართჳთ: ხოლო
Line of edition: 36    ჭაპუკთა მონაზონთა მოძმეთა მისთა მიისწრაფეს ქალაქად და აღიღეს იგი: და\სლვასა
Line of edition: 37    ოდენ მზისასა და შებნელებასა შთამოვიდეს ჴევსა სილოამისასა:. მაშინ
Page of edition: 172   Line of edition: 1    გამოჩნდა ხილვაჲ სასწაულისაჲ. ღრუბელი ცეცხლისაჲ. ვითარცა სუეტი ნათლისაჲ.
Line of edition: 2    და მოგზაურ ექმნა წმიდასა მოწამესა ბნელსა და უკუნსა ვითარცა მთოვარესა ნათელ\სა:.
Line of edition: 3    ხოლო ყოველნი მოქალაქენი ხედვიდეს ზარგანხილნი. და შეძრწუნდეს სარ\კინოზნი.
Line of edition: 4    რამეთუ ხედვიდეს ნათელსა დიდსა შთამავალსა ჴევსა სილოამისასა: მიწევ\ნულსა
Line of edition: 5    ლავრასა წმიდისა საბაჲსსა: და ვითარცა მიიწინეს ლავრად. გამოეგებნეს მა\მანი
Line of edition: 6    კერეონებითა და საცეცხურებითა და დიდითა პატივითა შემოიღეს ეკლესიად
Line of edition: 7    გალობითა:.

Chapter: 13  
Line of edition: 8       13. და იყო ლავრასა შინა ძმაჲ უძლური. სახელით თევდორე. სამისა
Line of edition: 9    წლისა ქუემდებარე. და ვითარცა ესმა მას ამბა მოსეს მოწაფჱ ტიბერიელი მოუღებია
Line of edition: 10    ქალაქით წამებული. ევედრებოდა რაჲთა ჩაიყვანონ ეკლესიად. რაჲთა იხილოს წმიდაჲ იგი
Line of edition: 11    რამეთუ მეგობარი იყო მისი და არავინ უსმინა: მაშინ აღიმაღლა ჴმაჲ ტირილისაჲ
Line of edition: 12    და ეტყოდა: ჵ ძმაო მიქაელ. ნუ დაივიწყებ მეგობარსა. უკუეთუ გაქუს მადლი
Line of edition: 13    წინაშე ქრისტესა ღირს-მყავ მე შენსა ნახვასა და მუნქუესვე აღდგა და განძლიერდა: და
Line of edition: 14    შთავიდოდა ეკლესიად. და დავარდა ფერჴთა მისთა თანა და ტიროდა და იტყო\და:
Line of edition: 15    სამართლად გაქუს კადნიერებაჲ და კეთილად დაჰმარხე მეგობრობაჲ. რამეთუ
Line of edition: 16    ჰყავ ჩემ-თჳს წყალობაჲ და ინებე ჩემი განცოცხლებაჲ:. მაშინ აღასრულეს ფსალ\მუნებაჲ
Line of edition: 17    და ყოველი განწესებაჲ შესუენებულთაჲ და და[დ]ვეს იგი სამარხოსა მარ\ტჳლთასა.
Line of edition: 18    მამათა და მოწამეთა დამწუართასა:. ხოლო მოძღუარი მისი მტირალი
Line of edition: 19    თუალითა. მგლოვარჱ გულითა. და მოხარული სულითა. მოწაფესა თჳსსა და მო\წამესა
Line of edition: 20    ქრისტჱსსა ესრჱთ ეტყოდა: უკუეთუ გაქუს კადნიერებაჲ ქრისტჱს თანა
Line of edition: 21    დღესა მეშჳდესა წარმიყვანე მე შენ თანა: და დღესა მეშჳდესა დავჰმარხეთ მო\ძღუარი
Line of edition: 22    მოწაფისა თანა: და ყოველთა ერთობით მივეცით დიდებაჲ ღმერთსა საკჳ\რველთ-მოქმედსა.
Line of edition: 23    უფლისა ჩუენისა იესუ ქრისტესა. რაომლისაჲ არს დიდებაჲ უკუნითი უკუნისამდე
Line of edition: 24    ამჱნ:.

Chapter: 14  
Line of edition: 25       14. ხოლო მე ბასილი გლახაკმან აღვწერე სარგებელად მწერალთა და მკით\ხველთა
Line of edition: 26    და მსმენელთა: და მამისა ჩუენისა საბაჲს საჴსენებელად. საქებელად და
Line of edition: 27    სადიდებელად რომელმან ყო უდაბნოჲ ურწყული ვითარცა ქალაქი განთქუმული მტერთა-გან
Line of edition: 28    გარემოცული და ფრიად სასტიკად შებმული ხილულთა და უხილავთა-გან ბრძოლით.
Line of edition: 29    და ღმრთისა-გან ზეგარდამო დაცვული: არავისდა მინდობილი არცა კაცთა შევედრე\ბული
Line of edition: 30    არამედ ღმრთისა-გან განგებული. და მის მიერ დაწესებული: ღუაწლთა-თჳს ფრიად
Line of edition: 31    განწირული: ჭირსა უწყალოდ მიცემული: და საუკუნოდ შეწყალებული: და მას
Line of edition: 32    შინა ეკლესიაჲ ღმრთივ-ქმნული მართლაღსარებასა დამტკიცებული. და დამ\ყარებული:
Line of edition: 33    და ვითარცა იერუსალჱმისა საყოფელნი საყუარელ არიან უფლისა: და ნეტარ არს
Line of edition: 34    ყოვლისა მორწმუნისა მას შინა დამკჳდრებულისა: ეგრეთვე ლავრისაჲ საბაჲსი:
Line of edition: 35    ღელეჲ იგი არს გლოვისაჲ: და ნეტარ არს ყოველსა მას შინა და დიდებულისა
Line of edition: 36    კაცისა ნათელღებულისა: და ვითარცა იერუსალჱმი მეუფე არს ყოველთა ქალაქთაჲ ეგრევე
Line of edition: 37    ლავრაჲ საბაჲსი მთავარია ყოველთა უდაბნოთაჲ. და უკუეთუ იერუსალჱმისაჲ რაჲ სწო\რება
Page of edition: 173   Line of edition: 1    არს სხჳსა ქალაქისაჲ: ეგრევე საბაწმიდისაჲ რაჲ მსგავსება არს სხჳსა
Line of edition: 2    მო/ნასტრისაჲ:.

Chapter: 15  
Line of edition: 3       15. ესე საბა საქებელი და სიქადული რჩეული კიდეთა ქუეყანისათაჲთ მოს\რული
Line of edition: 4    მამისა მიერ მოწოდებული და ძისა მიერ შეწყნარებული და სულისა წმი\დისა
Line of edition: 5    მოყვანებული: ამის წმიდისა სამებისა მონამან და დიდისა ევთჳმის მოწაფე\მან
Line of edition: 6    და წმიდისა თევდოსის მეგობარმან და მრავალთა მარტჳლებულთა მამამან.
Line of edition: 7    მოძღუარმან სულიერმან საბა სანატრელმან. ესევითარნი მოწაფენი მოიპოვნა: ვი\თა
Line of edition: 8    სტეფანჱ: და იოვანჱ: და თომა: და თეოდორე აბუკურა:. მამაჲ სტეფანე ზღუა-\მკუდარსა
Line of edition: 9    ზედა ვიდოდა. და მრავალთა საკჳრველებათა იქმოდა: რომელმან უდაბნოს
Line of edition: 10    დასცა თავჴედი:. და იოვანე ეპისკოპოსი სოხასტელი აღმომაცენებელი ხისაჲ და
Line of edition: 11    მომსთულებელი ტკბილისა ნაყოფისაჲ: და თომა რომელი ლავრასა სწავლითა რწყვი\და.
Line of edition: 12    და დაფარულსა მონაზონთასა ჰხედვიდა. და საბაწმიდით იერიქოს მოწაფესა
Line of edition: 13    სცვიდა:. და აბუკურა ახალნერგი საბაწმიდისაჲ. მწყემსი და მღდელთ-მოძღუარი
Line of edition: 14    ასურეთისაჲ: სასწაულთა-მოქმედი ბაბილონისაჲ:. და სხუანი მრავალნი მოღუაწენი
Line of edition: 15    საბაჲს მოწაფენი და ქრისტჱს მოწამენი წმიდანი მამანი ჭაპუკნი და ბერნი სა\მარტჳროსა
Line of edition: 16    მას ლავრასა წამებულნი ცეცხლითა დამწუარნი. და მაჴლითა მომ\წყდარნი:.
Line of edition: 17    ამან წმიდამან ბერმან მამამან ჩუენმან მღდელმან. ნერგმან სამოთხისამან
Line of edition: 18    საბა. ესევითარნი რტონი აღზარდნა. და მრავალფერითა ყუავილითა შეამკვნა. და
Line of edition: 19    სულიერითა ნაყოფითა აღავსნა: და უფლისა ჩუენისა იესუ ქრისტჱსა შეწირნა. რომლი\სა
Line of edition: 20    ჰშუენის დიდებაჲ. პატივი და თავყუანის-ცემაჲ მამისა თანა სულით წმიდით-\ურთ:
Line of edition: 21    აწ და მარადის და უკუნითი უკუნისამდე ამინ:.



Next part


This text is part of the TITUS edition of Keimena I.

Copyright TITUS Project, Frankfurt a/M, 21.11.2023. No parts of this document may be republished in any form without prior permission by the copyright holder.