TITUS
Keimena I
Part No. 15
Previous part

Text: XIV_Euphem.Alex.  
Page of edition: 161  
Line of edition: 1  [თუესა მარტსა კბ] ცხორებაჲ ევფემიანესი და ძისა
Line of edition: 2  მისისა ალექსისი.


Chapter: 1  
Line of edition: 3       1. იყო ესე ევფემიანე კაცი მოსწრაფჱ და მართალი. და ესე იყო დიდ
Line of edition: 4    ჰრომს შინა. ამას ესხნეს სამათას მონა და სახლეულნი მისნი შემოსილნი სტავ\რაკითა
Line of edition: 5    და ოქროჲსა სარტყლითა შელესულნი იყვნესა:. და ესე იყო უშვილო
Line of edition: 6    და იმარხვიდა იგი დღითი-დღედ ვიდრე მწუხრადმდე და მწუხრი ეზიარის: და დააგებ\დეს
Line of edition: 7    სამსა ტრაპეზსსა სახლსა შინა მისსა ობოლთა-თჳს უცხოთა და გლახაკთა-\თჳს
Line of edition: 8    და ეგრევე მისცემდა გლახაკთა: და თქჳს ევფემიანე: არა ღირს ვარ მისლ\ვად
Line of edition: 9    ამას საწუთროსა ქუეყანასა და ღმრთისასა. რომელთამცა ღირს ვიქმენ მისლვად. და თქჳმად
Line of edition: 10    მადლი ბაგითა ჩემითა: და ეგრევე მეუღლე მისი რომელსა სახელი ერქუა აღნასჱ.
Line of edition: 11    იყო ესეცა მორწმუნე და მოსავი ღმრთისაჲ. მარადის ილოცვიდა და ევედრებოდა ღმერთსა
Line of edition: 12    და იტყოდა: მიბოძე მე უფალო უღირსსა მჴევალსა შენსა შვილიერებაჲ მეუღ\ლისა-გან
Line of edition: 13    ჩემისა რაჲთა იყოს იგი ჩემდა სიხარულ და მხიარულება ცხორებასა
Line of edition: 14    ამას და წინამძღუარ სულისა ჩუენისა და უმეტეს წარჰმატო მოწყალებაჲ გლა\ხაკთაჲ:
Line of edition: 15    და შეისმინა ღმერთმან ლოცვისა მისისაჲ და მისცა მათ ყრმაჲ ერთი წული
Line of edition: 16    და განიხარა ევფემიანე და ცოლმან მისმან ღმრთისა მიერ:.

Chapter: 2  
Line of edition: 17       2. და ოდეს მოიწიფა ყრმაჲ იგი. მისცეს სამოძღუროდ და დაისწავლა ყოველი
Line of edition: 18    წიგნები და ყოველი სწავლაჲ სიბრძნისაჲ. და ოდეს მოიწიფა წესისა-ებრ ჰრქუა
Line of edition: 19    ევფემიანე ცოლსა თჳსსა: მო და ვქმნეთ ქორწილი საყუარელისა ამისა შვილისა
Line of edition: 20    ჩუენისაჲ. და ჰრქუა ცოლმან მისმან: დაამტკიცენ ღმერთმან უფალო ჩემო. სიტყუაჲ ეგე
Line of edition: 21    შენი. და მოითხოვეს სძალი ტომთა-გან მეფეთაჲსა და შექმნეს კუბაჲ და დაად\გნეს
Line of edition: 22    გჳრგჳნნი სამკჳდროსა ეკლესიასა შინა ღონიფა-წმიდას. და პატიოსანთა
Line of edition: 23    მღვდელთა შეიყვანნეს კუბასა მას. და იყო სიხარული დიდი ფრიად დილით-გან ვიდრე
Line of edition: 24    მწუხრადმდე: და ოდეს დაღამნა დღჱ. ჰრქუა ევფემიანე ძესა თჳსსა ალექსის:
Line of edition: 25    აღდეგ შვილო. შევედ და იხილე ცოლი შენი და შეისწავე მეუღლჱ შენი. და
Line of edition: 26    აღდგა და შევიდა და პოვა ცოლი მისი კუბასა შინა მჯდომარჱ და განიჴადა ბე\ჭედი
Line of edition: 27    თჳსი და სამეუფოჲ იგი სარტყელი და შეჰხჳნა შარითა და მისცა ცოლსა
Line of edition: 28    თჳსსა ხუეშიადად და ჰრქუა: ნუ გამოაცხადებ მაგას ვიდრე არა ჩემ შორის და შენ
Line of edition: 29    შორის ღმერთმან გამოაცხადოს: და გამოვიდეს კუბისა მის-გან და შევიდეს სარეცელსა
Line of edition: 30    თჳსსა და იყოს სიხარული დიდი შუაღამემდე კრავთა მათ ღვთისათაჲ:

Chapter: 3  
Line of edition: 31       3. და შუვაღამეს ოდენ ვითარ მიეძინა ცოლსა მისსა განიპარა წმიდაჲ ალექსი.
Line of edition: 32    ქმარი მისი. აღიღო განძი თჳსი და განვიდა ღამჱ ჰრომეთ და შევიდა ქალაქსა
Page of edition: 162   Line of edition: 1    კლავტიოლისასა: და პოვა მუნ ნავი ჴუამალდი და შევიდა მას შინა და ჰრქუა მე\ნავეთა
Line of edition: 2    მათ: წარვემართნენ ასურეთა. სადა იგი არს ხერთვისი და ხატი ღმრთისაჲ
Line of edition: 3    და წარვიდეს მიერ და განვიდეს ლავდიკიად და პოვნეს მოგზაურნი მეკარაუ\ლენი
Line of edition: 4    და შეევედრა მათ და წარვიდა ხერთვისად ასურეთისა სადა იგი არს ხა\ტი
Line of edition: 5    ღმრთისაჲ: და განყიდა ყოველი ფასი მისი და მისცა იგი გლახაკთა და შეიმოსა სა\მოსელი
Line of edition: 6    საგლახაკოჲ და მივიდა ეკლესიასა მარიამ წმიდისასა და შედგა საწუეთე\სა
Line of edition: 7    ქუეშე ვითარცა გლახაკი და ჴელნი თჳსნი ღაწუთა თჳსთა შეიდგნა და სულთ-ითქჳ\მიდა
Line of edition: 8    ღმრთისა მიმართ: და აღიღო მარხვაჲ კჳრიაკითი-კჳრიაკედ და ეზიარებოდა
Line of edition: 9    ჟამსა. ხოლო საჭმლად მისა იყო ორი უნკიაჲ პური და სასჳმლად ორი უნკიაჲ
Line of edition: 10    წყალი. და რომელი შეითხოვის მისცის იგი გლახაკთა:.

Chapter: 4  
Line of edition: 11       4. და იქმნა დიდი ძიებაჲ მისი ჰრომს შინა და არა პოვეს რამეთუ მამამან მისმან
Line of edition: 12    წარავლინნა სამათასნი იგი სახლეული მისნი ძებად მისა ყოველსა ქუეყანასა და არა
Line of edition: 13    პოვეს უფალი იგი მათი: და რომელნი მონათა მისთაგანნი შევიდეს ასურეთა. ნახეს და
Line of edition: 14    ვერ იცნეს უფალი იგი თჳსი. ხოლო ალექსი იცნნა თჳსნი იგი სახლეულნი და
Line of edition: 15    მისცეს მონათა ალექსისთა სათხოელი. ვითარცა გლახაკსა და ვითარცა მოიღო მონათა მის\თა-გან
Line of edition: 16    სათხოელი ჴელნი აღიპყრნა ზეცად და ჰმადლობდა ღმერთსა და თქუა: გმად\ლობ
Line of edition: 17    შენ უფალო რომელმან ღირს მყავს სათხოელისა წარმოღებად სახლეულთა ჩემთა-გან.
Line of edition: 18    უკუნ-იქცეს და წარვიდეს სახლეულნი იგი და ჰრქუეს ევფემიანეს ვითარმედ არა ვპოეთ
Line of edition: 19    ძჱ შენი საყუარელი. და ჰრქუა ევფემიანე: უწყის უფალმან არა მივიქცე სარეცელსა
Line of edition: 20    მეუღლისა ჩემისასა ვიდრე არა ღმერთმან მომიბოძოს ძჱ იგი ჩემი. არამედ ვტიროდი და
Line of edition: 21    ვგოდებდე დღეთა სიბერისა ჩემისათა. ეგრევე დედაჲ და ცოლი მისი შეიმოსნეს
Line of edition: 22    შავითა და შეეყენნეს სუეტსა და დაეცნეს პირდაქცევით. და თქუა დედამან მის\მან:
Line of edition: 23    არა აღვდგე ამიერ ადგილით ვიდრე არა ვცნა თუ რაჲ შეემთხჳა ძესა ჩემსა
Line of edition: 24    საყუარელსა: ეგრევე ძის ცოლმან მისმან თქუა: არა განვეშორო ამიერ ადგილით
Line of edition: 25    ვიდრე არა ვცნა თუ ვიეთ მოინადირეს მეუღლე იგი ჩემი საყუარელი და მივემსგავ\სო
Line of edition: 26    გჳრიტსა მას და არა დავჯდე ხესა ნედლსა არამედ მარტოდ ვღადებდე და ვეტ\ყოდე
Line of edition: 27    თავსა ჩემსა ვიდრემდე გამომიცხდნეს მეუღლე ჩემი:.

Chapter: 5  
Line of edition: 28       5. და ოდენ დაყო ყრმამან მან შჳდი წელი ასურეთს საწუეთესა მას ქუეშე
Line of edition: 29    მარიამ-წმიდისასა. მაშინ ზეცით ანგელოზმან ჴმა ყო და ჰრქუა ეკლესიისა მსახურ\სა
Line of edition: 30    მას: კაცი რომელი დგას ეკლესიისა საწუეთესა ქუეშე შემოიყვანეთ ეკლესიად რამეთუ
Line of edition: 31    ღირს არს მეუფისა წინაშე ზეცათა შინა: მაშინ განუკჳრდა ეკლესიაისა მსახურსა
Line of edition: 32    მას და თქუა: ვინმე არს კაცი ღმრთისაჲ და უპყრა ხელი მისი და შეიყვანა ეკლესიად:
Line of edition: 33    მაშინ გულის-ხმა ყო ალექსი გულსა შინა თჳსსა ვითარმედ განცხადნების კაცთა შორის
Line of edition: 34    საქმჱ მისი მუნით იცვალა და კუალად მოიქცა ლავდიკიაჲთ ასურეთისაჲთ და
Line of edition: 35    მივიდა ზღჳსა-კიდესა. და პოვა ნავი და შევიდა მას და თქუა: წარვიდე პავლე
Line of edition: 36    წმიდისა სახლსა და მუნ ვერვინ მიცნას მე. და ვითარცა წარჰმართეს ნავი იგი ქარმან
Line of edition: 37    ჰბერა და წარიღო და განაგდო თჳსსავე ქალაქსა სადა მამადედანი და ცოლი მისი
Page of edition: 163   Line of edition: 1    იყვნეს და ვითარცა გამოვიდა ჴმელად და ვიდოდა გზასა. მეყსეულად შეემთხჳა მამაჲ
Line of edition: 2    მისი და ვერ იცნა. ხოლო ძემან იცნა მამაჲ თჳსი და თაყუანის-სცა მამასა თჳს\სა
Line of edition: 3    და ჰრქუა: მონაო ღმრთისაო. ყავ ჩემთანა სიყუარული გლახაკისაჲ ამის-თჳს და
Line of edition: 4    მიმიყვანე სახლად შენდა რაითა სახლეულთა შენთა ტრაპეზისა-გან რომელ ნეშტი
Line of edition: 5    დაუშთებოდის მით ვიზარდებოდი და იხარებდეს სული ჩემი: და რაჲთა ღმერთმან აკურ\თნეს
Line of edition: 6    დღენი შენნი და მოგმადლოს მეუფემან ცათამან და რომელი იგი გაუცხებულ
Line of edition: 7    არს შენ-გან შვილი. მისიცა ნაწილი მოგმადლოს შენ ღმერთმან:. ხოლო ოდეს
Line of edition: 8    ესმნეს სიტყუანი ესე ევფემიანეს უცხოჲსა მის-გან გლახაკისაგან განმხიარულდა
Line of edition: 9    გული მისი. წარიყვანა და ჰრქუა სახლეულთა თჳსთა: ვინცა ამას კაცსა ჰმსახუროს
Line of edition: 10    კურთხევაჲ უფლისაჲ მიიღოს და სახლისა ჩემისა-გან ნაწილი აქჳნდეს: მიიყვა\ნეთ
Line of edition: 11    მარიამ წმიდად და აღუგეთ მას სადგური. სადა შევიდოდის და გამოვიდო\დის
Line of edition: 12    და ვხედვიდე მე და ტრაპეზისა ჩემის-გან იყოს საზრდელი მისი:.

Chapter: 6  
Line of edition: 13       6. და ყვეს ეგრე მსახურთა მისთა და დაეყუდა მუნ და დაყო რაჲთგან მი\ვიდა
Line of edition: 14    სახლსა მამისა თჳსისასა ათშჳდმეტი წელი. და აღიღო მარხვაჲ კჳრიაკითი-\კჳრიაკედ
Line of edition: 15    და საჭმლად მისა იყო ორი უნკიაჲ პური და სასუმლად მისა ორი
Line of edition: 16    უნკიაჲ წყალი. ხოლო სახლეულთაგანნი ავნებდეს. ზოგნი წყალსა ამსახურებ\დეს.
Line of edition: 17    ზოგნი ლოდათა არცხიებდეს და თავსა გარდაასხმიდეს. ხოლო იგი ხედ\ვიდა
Line of edition: 18    და გულის-ხმა ყოფდა ვითარმედ ესე ყოველი ეშმაკისა მანქანებითა იქმნებოდა კეთი\ლის-მოძულისა-გან
Line of edition: 19    და ამას ყოველსა სიხარულით მოითმენდა და შეიწყნარებდა: და
Line of edition: 20    იყო ოდეს მოიწია ჟამი მისი ზეცით წოდებისაჲ უფლისა მიერ. ჰრქუა მსახურსა
Line of edition: 21    მას თჳსსა: ძმაო ჩემო. წარვედ და მომართე მე ქარტაჲ და მელანი და კალამი და
Line of edition: 22    მან მოართუა. ხოლო ალექსი დაწერა ყოველი რომელი რაჲ იყო საქმჱ მისი და ნიშანი
Line of edition: 23    ოდეს იგი მისცა ცოლსა სარტყელი და ბეჭედი შარითა წახუეული რომელი საიდუმ\ლოჲ
Line of edition: 24    იყო ყოველთა-გან. და იპყრა იადგარი იგი ჴელსა მარჯუენესა: და ეგრეთ
Line of edition: 25    შეისუენა ნეტარმან ალექსიმ დღესა კჳრიაკესა:.

Chapter: 7  
Line of edition: 26       7. მაშინ ზეცით ანგელოზმან ჴმა ყო ადგილსა მას სადა იყო პატრეაქი
Line of edition: 27    და ყოველი ერი და თქუა: მოიძიეთ კაცი ღმრთისაჲ და ყავთ ლოცვაჲ ჰრომს შინა:
Line of edition: 28    მაშინ ჴმა ყვეს კივრელჱსონითა დიდითა და ჰრქუეს მეფემან და პატრიაქმა ერ\სა
Line of edition: 29    რაჲთამცა დღესა ხუთშაბათსა პეტრე-წმიდას შეკრბეს და ლოცვა ყვეს: და ვითარცა
Line of edition: 30    მოიწია დღჱ ხუთშაბათი შეკრბეს პეტრე-წმიდას და ჴმა ყვეს კივრელეჲსონითა
Line of edition: 31    და ლიტანითა დიდითა და იტყოდეს: უფალო გამოგჳცხადე კაცი იგი ღმრთისაჲ თუ სადა
Line of edition: 32    არს: მაშინ მეორედ ჴმა ყო ანგელოზმან და თქუა: სახლსა შინა ევფემიანესსა
Line of edition: 33    არს: ჰრქუა მეფემან ევფემიანეს: ოჲ ძმაო და მოყუასო ჩემო. ოდეს ესევითარი კაცი
Line of edition: 34    იყო სახლსა შინა შენსა. მე რაჲსა არა მითხრობდი. ჰრქუა მას ევფემიანე: ცხო\ველ
Line of edition: 35    არს უფალი. არა უწყოდე: მაშინ ევფემიანე სწრაფით მოუწუდა მსახურსა მას
Line of edition: 36    რომლისადა გლახაკი იგი მითუალულ იყო და ჰრქუა: ნუ თუ ვინმე არს ჩუენთა სახ\ლეულთაგანი:.
Line of edition: 37    ხოლო მან ჰრქუა: ნუ იყოფინ უფალო ყოველნივე ერთ არიან გარნა
Line of edition: 38    გლახაკი იგი რომელი მომეც მე დიდნი ლოცვანი და მარხვანი მიხილავნ მის თანა. რამეთუ
Page of edition: 164   Line of edition: 1    კჳრიაკითი-კჳრიაკედ იმარხავს და საჭმლად მისა არს ორი უნკიაჲ პური და ორი
Line of edition: 2    უნკიაჲ წყალი სასუმლად:.

Chapter: 8  
Line of edition: 3       8. მაშინ სრბით წარვიდა ევფემიანე და ზედა მიადგა ნეტარსა მას გუამ\სა
Line of edition: 4    და პატიოსანთა ნაწილთა წმიდისა ალექსისთ. ჴმა უყო და მან არარაჲ მიუ\გო
Line of edition: 5    მას სიტყუაჲ. მივიდა და აჰჴადა პირსა მისსა და იხილა ბრწყინვალებაჲ პი\რისა
Line of edition: 6    მისისაჲ ვითარცა მზჱ. და ანდერძი იგი ქარტაჲ წერილი აქუნდა მარჯუენესა
Line of edition: 7    ჴელსა მისსა და მიყო ჴელი ევფემიანე რაჲთამცა გამოუღო ჴელით წერილი იგი.
Line of edition: 8    ხოლო იადგარი იგი შემშჭუალულ იყო ჴელსა მისსა და ვერ გამოუღო. წარვიდა
Line of edition: 9    მწრაფლ მეფისა და უთხრა ვითარმედ კაცსა მას რომელსა მეძიებდით ვპოვეთ. ათშჳდ\მეტი
Line of edition: 10    წელი დაუყოფია სახლსა შინა ჩემსა: და არა იცოდა ევფემიანე ვითარმედ შვილი
Line of edition: 11    მისი არს: მაშინ უბრძანა მეფემან გარდაგებაჲ ტახტისაჲ და დადვეს მას ზედა
Line of edition: 12    ნეტარი იგი გუამი და პატიოსანნი ნაწილნი წმიდისა ალექსისნი და აღდგეს მეფჱ
Line of edition: 13    და პატრეაქი და სიმრავლჱ ერისაჲ და მოვიდეს სანთლებითა და საკუმეველითა
Line of edition: 14    და სულნელებითა დიდითა ადგილსა მას. სადა იგი შეყენებულ იყვნეს დედაჲ და
Line of edition: 15    ცოლი მისი: და ვითარცა ესმა ოხრაჲ ერისაჲ მის დედასა და ცოლსა მისსა განახუ\ნეს
Line of edition: 16    სარკუმელნი სუეტისანი მის. ხედვიდეს და დაუკჳრდებოდა და თქუეს: რაჲმე
Line of edition: 17    არიან გუნდნი ესე ერისანი და მეფენი რომელ მოვლენან ჩუენთა კართა:.

Chapter: 9  
Line of edition: 18       9. მოვიდეს მეფჱ და პატრეაქი და გუნდი ერისაჲ და ზედა მიადგეს სანა\ტრელსა
Line of edition: 19    მას გუამსა და პატიოსანთა ნაწილთა წმიდისა ალექსისთა: და ჰრქუა მე\ფემან
Line of edition: 20    გუამსა. მას ნეტარისასა: დაღაცათუ ვარ მე ცოდვილი არამედ მეფე ვარ და
Line of edition: 21    ესე კუალად პატრეაქი არს და მამაჲ არს ყოვლისა ქუეყნისაჲ. მოგჳბოძე იადგარი
Line of edition: 22    იგი რომელ არს. ჴელსა შენსა რაჲთა ვცნათ თუ ვინ ხარ შენ: და მიყო ჴელი მისი
Line of edition: 23    პატრეაქმან და მისცა იადგარი იგი და პატრეაქმან მისცა დივანდ-ბირსა ეკლესიი\სასა
Line of edition: 24    და აღმოიკითხვიდა მას და ვითარცა ესმა მამასა მისსა ევფემიანეს მირბიოდა და
Line of edition: 25    დაეცა მკერდსა ზედა მისსა გოდებითა და მჴცეთა თჳსთა იფხურიდა და იტყოდა:
Line of edition: 26    ვაჲმე გლახაკი ესე და დავრდომილი. შვილო ჩემო. აწ ვინაჲ მე მოგელოდი შენ:.
Line of edition: 27    და ოდეს ესმა დედასა მისსა ჴმაჲ იგი გოდებისაჲ განხეთქნა სარკუმელნი იგი
Line of edition: 28    სუეტისანი მის და ვითარცა ორბი ზეცით ეგრეთ მიფრვინვიდა და იტყოდა: გზამე\ცით
Line of edition: 29    მე გუნდნო ერისანო რაჲთა ვიხილო მე კრავი ჩემი. მიიწია მწრაფლ და
Line of edition: 30    დაეცა მკერდსა ზედა ნეტარისასა მას ტიროდა: ვაჲმე გლახაკსა ამას და დავრ\დომილსა
Line of edition: 31    ვინაჲ აღვიხილნე ანუ სადაჲთ მოგელოდი კრაო ჩემო და შვილო ჩე\მო:
Line of edition: 32    ეგრეთვე ცოლი მისი მივიდა და დაეცა ფერჴთა თანა მისთა. ტიროდა და
Line of edition: 33    იტყოდა: ვაჲმე ვითარ დაბნელდა გონებაჲ ჩემი და დავადგერ მე მოსალოდებლსა
Line of edition: 34    საწუთროჲსასა. ხოლო შენ სანატრელო მძლე ექმენ ყოველთა ამათ საშუებელთა
Line of edition: 35    ამის სოფლისათა და მანქანებათა მტერისათა და განაყენე ცნობაჲ შენი ყოვლისა\-გან
Line of edition: 36    წარმავალისა ამაოჲსა სამგზის სანატრელო და ყოველთა შემკობილო. ნეტარ
Line of edition: 37    ხარ შენ რამეთუ დაუტევე საჴსენებელი კურთხევისა შენისაჲ საუკუნოჲ და განუქარ\ვებელი
Line of edition: 38    ქუეყანასა ზედა:.

Page of edition: 165  
Chapter: 10  
Line of edition: 1       10. მაშინ აღდგა მეფჱ და პატრეაქი და მღდელთა აღიღეს ტახტითა
Line of edition: 2    მით წმიდაჲ იგი გუამი და პატიოსანნი ნაწილნი წმიდისა ალექსისანი და მოაქუნდეს
Line of edition: 3    ეკლესიად. ხოლო უძლურნი და გუემულნი შეემთხუეოდეს. და ბრმათა თუალნი
Line of edition: 4    აღეხილვოდეს და არაძლებულნი განრთელდებოდეს. და ყოველნი უძლურნი რაჲ\ცა
Line of edition: 5    ვის რაჲ ევნებოდა განიკურნებოდეს და ერი შესტყდებოდა და არა უტევებდეს
Line of edition: 6    პატიოსანსა გუამსა და წმიდათა ნაწილთა მისთა დამარხვად. მაშინ უბრძანა მეფემან
Line of edition: 7    ზედა ერსა მას თესვად ოქროჲ და ვერცხლი და ერი მას მიექცა და წარიყვანეს
Line of edition: 8    გუამი იგი წმიდაჲ და პატიოსანი საფლავად ღონიფა-წმიდათა ეკლესიად და შჳდსა
Line of edition: 9    დღესა კრებაჲ იყო და ვინ რას ითხოვდა მოეცემოდა და განიკურნებოდა ყოველი
Line of edition: 10    უძლურებაჲ ყოველთა კაცთაჲ: და უბრძანა მეფემან და შეაქმნია ლუსკუმაჲ ოქროჲ\საჲ
Line of edition: 11    და ვეცხლისაჲ და მოსხმად მისა მარგალიტითა და თუალითა პატიოსნითა
Line of edition: 12    და შთაუსუენეს პატიოსანი იგი გუამი მას შინა. და მუნქუესვე აღმოჴდა სული
Line of edition: 13    სულნელებისაჲ ლუსკუმისა მის-გან და ვინ რას ითხოვდა მიეცემოდა: ხოლო აღე\სრულა
Line of edition: 14    თთუესა აგჳსტოსსა და მივიდა წინაშე უფლისა ვიდრემცა სუროდა. რომლისაჲ
Line of edition: 15    არს სუფევაჲ ძალი და დიდებაჲ და თაყუანის-ცემაჲ უკუნითი უკუნისამდე ამინ:.



Next part


This text is part of the TITUS edition of Keimena I.

Copyright TITUS Project, Frankfurt a/M, 21.11.2023. No parts of this document may be republished in any form without prior permission by the copyright holder.