TITUS
Mikael Modrekili, Hymnography
Part No. 7
Previous part

Part: VII  
Line of ed.: 11    ძლისპირნი და ღ̃თისმშობლისანი

Type: ghagh.  
         ო̃ო ღღ̃ტყვსა ჴ̃ჲ ბ̃ -:- ქრისტე წრლ̃მრთჱ -:-

Line of ed.: 12    Ⴐომელი იშვა მამისაგან წინაჲსწარ : საუკუნეთა სიტყუაჲ საღმრთოჲ : და კუალად
Line of ed.: 13    მარიამ შვა : მოვედით თავყუანის ვსცეთ : რომელიცა განკაცნა : და ჴორცითა გამო\ბრწყინდა :
Line of ed.: 14    ცხოვრებად მომწყუდართათჳს : სიმდაბლით და აცხოვნა : კაცი წარწყმე\დული
Line of ed.: 15    მტერისა მიერ -:- ცოდვაჲ რომელი აღმოაცენა ევა : მტერისა მიერ ცთუ\ნებითა
Line of ed.: 16    და კუალად : მარიამ შვა : დამჴსნელი წყევისაჲ მის : რომელმანცა ჯუა\რსაცუა :
Line of ed.: 17    ცოდვაჲ და მოკლა მტერი განგჳღო ჩუენ სამოთხეჲ : ოხითა უბიწოჲსა
Line of ed.: 18    მშობელისა თჳსისა ქალწულისაჲთა -:- +

Line of ed.: 19    * Ⴘენ სიტყუაო გამოუთქუმელო : უხილავისა მამისაო : ჴორცითა გამოშჩნდი ჩუენ\თჳს :
Line of ed.: 20    ქალწულისაგან და მაცხოვნენ ჩუენ კაცთ მოყუარჱ -:-

Line of ed.: 21    Ⴘენ ყოლად წმიდაო ქალწულო : ღმრთის მშობელო ქრისტეს დედაო : შეწირე ვე\დრებაჲ
Line of ed.: 22    ჩუენი : წინაშე ძისა შენისა და ღმრთისა ჩუენისა -:-

Line of ed.: 23    * Ⴋამისაგან შობილმან პირველად : თანა განმგებელმან აღსასრულსა ჟამთასა : სათნო +
Line of ed.: 24    იყო პირველ შექმნულისა ადამისთჳს : ჯერ იჩინა გარდამოსლვაჲ ზეცით : და ქალწ\ულისა
Line of ed.: 25    მუცელსა ვითარცა ცუარი : ღრუბელთა სიმდაბლით შევიდა : და იშვა მი\სგან
Line of ed.: 26    უხილავი : ქრისტეჲ ღმერთი ჩუენი : მოვედით თავყუანის ვსცეთ -:-

Line of ed.: 27    Ⴂიხაროდენ ქალწულო მარიამ : შეუწეველო მაყუალო რომელი გიხილა მოსეჲ :
Line of ed.: 28    გიხაროდენ შენ კიდობანო სიწმიდისაო : რომელსა გიწოდა მამათ მთავარმან და\ვით :
Line of ed.: 29    გიხაროდენ მთაო გამოუკუეთელო : რომელი გქადაგა დანიელ : გიხარ\ოდენ
Line of ed.: 30    ღმრთისა დედაო : მეოხო მარადის : მაქებელთა შენთაო -:-

Line of ed.: 31    * Ⴐომელი იქები : ძალთაგან ზეცისათა : მეუფეჲ დიდებისაჲ : ქერობინნი გაქებენ : სერო\ბინთაგან
Line of ed.: 32    იდიდები : ჩუენ მიერცა შეიწირე : სამწუხროჲ ლოცვაჲ და გუაცხოვნენ ჩ̃ნ
Line of ed.: 33    საღმრთოჲთა გალობითა : შევამკობდეთ ერნო უბიწოსა ქალწულსა : დედასა
Page of ed.: 12   Line of ed.: 1    მჴსნელისასა სასოსა და მფარველსა ჩუენ̃სა : და მისგან შობილსა ღმერთსა
Line of ed.: 2    სარწმუნოვებით თავყუანის ვსცემდეთ -:-

[გუნდი მა
Line of ed.: 3    + .:. Ⴆეცით ქუეყანად მოხუედ ცხოვრებისათჳს კაცთაჲსა რაჲთა ბუნებაჲ ჩუენი გან\ხრწნილი
Line of ed.: 4    განაახლო : და შეაერთო დიდებასა ღმრთეებისასა : ამისთჳს ჩუენ ყოვე\ლნი
Line of ed.: 5    მადლობით გადიდებთ -:- ქრისტეს დედაო და ყოლად სანატრელო სძალო
Line of ed.: 6    მარიამ : შენ ხარ სასოჲ და სიქადული ჩუენ მორწმუნეთაჲ : მეოხ გუეყავ ძისა
Line of ed.: 7    შენისა მიმართ : რაჲთა მოანიჭოს სულთა ჩუენთა დიდი წყალობაჲ -:-

მიხილეს რ
Line of ed.: 8    + * Ⴑიტყუაჲ თანა_არსი დაუსაბამოჲსა მამისაჲ : თანა მოსაყდრე პირველ ჟამთა შობილი :
Line of ed.: 9    ზეცას უდედოდ : აღსასრულსა ჟამთასა ქუეყანად : მოხუედ და ქალწულისაგან
Line of ed.: 10    იშევ : ვითარცა კაცი : ყოველთა დამბადებელი : პირველ საუკუნეთა ღმერთი : რაჲთა
Line of ed.: 11    იჴსნე წყევისაგან : პირველისა ხატი შენი : და მამასა წარუდგინო : ცხოველი : ვითარცა აღუთქჳ -:-

Line of ed.: 12    + Ⴑაღმრთოჲთა სულითა აღივსნეს ღმრთივ განბრძნობილნი : წინაჲსწარმეტყუელნი და
Line of ed.: 13    განცხადებულად : გჳქადაგებდეს : საიდუმლოსა გამოუთქუმელსა : შობისა შენისასა უს\ძლოო :
Line of ed.: 14    შენ მოგასწავა : დავით წინაჲსწარმეტყუელმან : კიდობნად სიწმიდისა განსასუენე\ბელად :
Line of ed.: 15    შენ გეწოდა ეზეკიელი : ბჭედ საღმრთოდ განუღებელად : რ̃ლისაგან ვიხილეთ ნათელი მსხდომარეთა ბნელთა -:-

-:- თჳთ -:-
Line of ed.: 16    + * Ⴐომელმან მოწყალებით : არაჲ უგულებელს ჰყავ : კაცებაჲ ქრისტე ღმერთო : რომელი\ცა
Line of ed.: 17    შეიმოსე : წყალობით განაახლე : და აღადგინე დაცემისაგან : ქალწულისაგან შო\ბითა :
Line of ed.: 18    + ქრისტეჲ ღმერთო დიდებაჲ შენდა -:- პირველისა დედისა : ცთომისა მწუხა\რებაჲ :
Line of ed.: 19    უხრწნელითა შობითა : შენითა ღმრთისა დედაო : უხრწნელად გარდასცვალეჲ :
Line of ed.: 20    და ცთომისა საცთური განქარდა : შენ მიერ უსძლოო სძალო : სანატრელო მარიამ მეოხ გუეყავ ჩუენ -:-

-:- ანგელოზთა -:- დღეს
Line of ed.: 21    + * Ⴐომელმან სიბრძნით : დაამყარნა სამყარონი : ღმრთისა სიტყუამან : და დაამტკიცა სოფელი :
Line of ed.: 22    საღმრთოჲთა ბრძანებითა : უკუანაჲსკნელ აღსასრულსა : ჟამთასა მითვე წამისყოფითა :
Line of ed.: 23    საღმრთოჲთა მოდრიკნა ცანი : და გარდამოჴდა : ჴორცთა შესხმად : უსძლოჲსაგან ჴსნისათჳს დბდბ̃ლთა -:-

Line of ed.: 24    + Ⴀრაჲ შეიწუა : საშოჲ შენი ღმრთის მშობელო : ცეცხლისა მისგან : ღმრთეებისა მიუწდო\მელად :
Line of ed.: 25    რამეთუ სული წმიდაჲ : მოვიდა შენზედა სძალო : და ძალი მაღლისაჲ
Line of ed.: 26    ზე_გარდამო : გფარვიდა და გაგრილობდა შენ : რომელმან გჳშევ : სიტყუაჲ ღმრთი\საჲ :
Line of ed.: 27    და მან დამაგნა მამასა განდგომილნი -:-

-:- ინებე გამო -:-
Line of ed.: 28    + * Ⴋოძიებად შეცთომილთათჳს მოხუედ ყოველთა მჴსნელო : და განათლებად მსხდომარე\თათჳს
Line of ed.: 29    ბნელსა და ჩრდილთა : ნათლითა მით ღმრთეებისა შენისაჲთა : რაჲჟამს ჴორ\ცთა
Line of ed.: 30    იშევ ქალწულისაგან : და მიჴსნენ ჩუენ ცოდვისაგან და საცთურისა : ამისთჳსცა
Line of ed.: 31    გიღაღადებთ : მჴსნელო ცოდვილთაო ქრისტეჲ : ღმერთო ჩუენო : დიდებაჲ შენდა -:-

Line of ed.: 32    Ⴝეშმარიტად გნატრის ღირსო ყოველი დაბადებული : და ღირსებით შეგამკობს შენ ყო\ველი
Line of ed.: 33    ენაჲ მეტყუელი : ყოველთა დაბადებულთა უაღრესო : ღმრთისა სიტყჳსა უთეს\ლოდ
Line of ed.: 34    დამტევნელო : რომელმან შეიწყნარე ცეცხლი ღმრთეებისაჲ : და გჳშევ ცხოვრებაჲ
Line of ed.: 35    ყოველთაჲ : რომელმან აღჴოცა წყევაჲ : იგი პირველი და : მაცხოვნნა ჩუენ -:-

Page of ed.: 13  
Line of ed.: 1    Ⴀღხუმასა ბაგეთასა : და აღპყრობასა ჴელთა ჩუენთასა : ნუ უგულებელს ჰყოფ ქრისტე ღმერთო :
Line of ed.: 2    რომელი მოხუედ მამისა მიერ ჴორცთა შესხმად : ქალწულისაგან გუაცხოვნენ ჩუენ -:-

+ თჳთ -:-
Line of ed.: 3    Ⴚუარისა მის საღმრთოჲსა : ღრუბელი ხარ შენ და ბჭეჲ ზეცისაჲ : ტაძრისა მის საღმრთოჲსაჲ : ქალ\წულო
Line of ed.: 4    დამტევნელო : სიტყჳსა მის საღმრთოჲსაო მითხოვე ჩუენ დიდი წყალობაჲ -:-

Line of ed.: 5    + Ⴂიხილეთ მჴსნელო ჩუენო : მოსრული ზეცით ქუეყანად : და ქალწულისა : წიაღითა ტჳრთული
Line of ed.: 6    ხატითა კაცობრივითა : უხილავი სიტყუაჲ ღმრთისაჲ : და ვაქებთ შობასა შენსა -:-

+ თჳთ -:-
Line of ed.: 7    Ⴕალწულსა უბიწოსა : სიქადულს დედათასა : მეოხსა ყოველთასა : სასოსა და მფარველსა :
Line of ed.: 8    ზღუდესა მას და ბჭესა : ვევედრნეთ ლმობიერად : რაჲთა მითხოვოს ჩუენ წყალობაჲ -:-

Line of ed.: 9    * Ⴆეცისა უჴორცონი განკჳრდეს : და შიშით ზარ განჴდილი იქმნეს : რაჲჟამს გიხილეს შენ ჴორცითა +
Line of ed.: 10    გამოჩინებული : უჴორცოთა მფლ̃ბელი ღმერთი : ქალწულისა საშოჲსაგან : რაჲთა ცხოველი
Line of ed.: 11    იყო საუკუნითგან : სიკუდილსა მიცემული ხატი შენი ადამ : ვითარცა მოწყალე ხარ -:- + ზარგანჴდილ იქ -:-

Line of ed.: 12    Ⴚათა დაუტევნელი საშოსა : დაიტიე ქალწულო : რამეთუ დაჰჴსნდეს წესნი ბუნებათანი :
Line of ed.: 13    შობითა შენითა უთესლოდ : გიხაროდენ კიბეო : რომელი გიხილა იაკობ : გიხაროდენ ტა\ძარო
Line of ed.: 14    მტჳრთველო მეუფისაო : მითხოვე ჩუენ დიდი წყალობაჲ -:- მეუფეო ქ̃ე მ̃წყლებით გა -:-

Line of ed.: 15    + * Ⴋონისა ხატითა გამოშჩნდი მაცხოვარო : ხატი და ბრწყინვალებაჲ : უხილავისა მამისაჲ და მიი\ღე
Line of ed.: 16    ბუნებაჲ კაცთა არსებისაჲ : ბუნებით გარეშეუწერელმან : რაჲთა აცხოვნო სოფელი კაცთ-მოყუარე -:-

Line of ed.: 17    Ⴋოუძლურდა ყოველი : მეტყუელებაჲ სოფლისა : ბრძენთა და მეცნიერთაჲ : ღირსად ქებასა :
Line of ed.: 18    შენსა ეტლო და საყდარო ღმრთისა მაღლისაო : ხოლო ჩუენ ერი მორწმუნეთაჲ : მსგავსად უძლუ\რებისა
Line of ed.: 19    ჩუენისა გადიდებთ -:- ჟამსა შინა აღსასრულთასა გამოშჩნდი : ქ̃ჱ სიტყუაო ღმრთი\საო :
Line of ed.: 20    და მიიღე ბუნებაჲ კაცობრივი : ბუნებით დაუსაბამომან ღმერთმან : და ყოვლით
Line of ed.: 21    კერძო შეიმოსე მჴსნელო : კაცებაჲ და ღმერთ ჰყავ იგი სახიერებით -:- ჟამნი ჩ̃ნნი ვ̃ა რაჲ

Line of ed.: 22    შეიმოსა ბუნებაჲ კაცობრივი : საშოსა შენსა უთესლოდ : ბუნებათა დამბადებელმან ღმე\რთმან :
Line of ed.: 23    და შენგან იშვა ღმერთი და კაცი სრული : ქალწულო უსძლოო : მას ევედრე
Line of ed.: 24    ჩუენთჳს : რაჲთა აცხოვნნეს სულნი ჩუენნი -:-


Next part


This text is part of the TITUS edition of Mikael Modrekili, Hymnography.

Copyright TITUS Project, Frankfurt a/M, 19.11.2017. No parts of this document may be republished in any form without prior permission by the copyright holder.