TITUS
Mikael Modrekili, Hymnography
Part No. 8
Previous part

Part: VIII  
Type: shob.  
         დღესა მას შობისასა -:-

Line of ed.: 25    * + Ⴃაუსაბამოჲ ღმერთი : გამოუთქუმელი არსებაჲ : ძეჲ და სიტყუაჲ მხოლოჲ : შობილი მა\მისაგან :
Line of ed.: 26    სიმდაბლით გარდამოჴდა : კაცთა ცხოვრებისათჳს : და შეიმოსნა ჴორცნი : კაცობ\რივნი
Line of ed.: 27    უხორცომან ღმერთმან : საშოსა ქალწულისასა : და იშვა ორითა მით ბუნები\თა :
Line of ed.: 28    ღმერთი და კაცი ჭეშმარიტი : ამას უღაღადებთ ყოველნი : დიდებაჲ შენდა ქრისტეჲ -:-

Line of ed.: 29    Ⴕალწულსა და მშობელსა : უბიწოსა დედასა : სიტყჳსა ღმრთისა : სასოსა და მეოხსა : და მფა\რველსა
Line of ed.: 30    ყოველთა : მოსავთა მისთასა : ქებით უღაღადებდეთ : გიხაროდენ საღმრთოჲ\სა
Line of ed.: 31    მის ოქროჲსა ტაკუკო : სავსეო მანანაჲთა : გიხაროდენ საყდარო ღმრთისაო : გი\ხაროდენ
Line of ed.: 32    შემწეო ჩუენო : გიხაროდენ მოღუაწეო : ყოვლისა სოფლისაო -:- იხილეთ ღ̃ა -:-

Line of ed.: 33    * Ⴈხილეს ყოველთა კიდეთა : მაცხოვარებაჲ ღმრთისა ჩუენისაჲ : რამეთუ ღმრთეებაჲ უ\ხილავი :
Line of ed.: 34    გამოჩნდა სახილველად სოფელსა შინა : ჴორცითა ვითარცა კაცი : ზეცისა უ\ჴორცოთა
Line of ed.: 35    შემოქმედი : რაჲთა განაღმრთოს კაცებაჲ : და დასაჯოს ცოდვაჲ ჴორცითა
Page of ed.: 14   Line of ed.: 1    თჳსითა : და მის მიერ დაშჯილნი გამოიჴსნნა : ღმრთეებისა ძალითა : რომელსა აქუს დიდი წყალობაჲ -:-

Line of ed.: 2    Ⴑამოთხესა ქუეყანისასა იერუსალემსა ზეცისასა : ქერობინთა მიმსგავსებულსა : საყდარსა
Line of ed.: 3    ღმრთისა გარდამოსლვისასა : წმისადა მას დედოფალსა : საუნჯესა სულიერსა მადლისასა
Line of ed.: 4    ღმრთისა სიტყჳსა მშობელსა : მისგან განჴორციელებულისასა : ზეცად აღმყვანელებელსა ჩუენ\სა :
Line of ed.: 5    ანგელოზნი ადიდებენ : მათ თანა შემაერთებელსა ჩუენსა -:-

Line of ed.: 6    + * Ⴋთავრობათა ზეცისათა : და უხორცოთა : კრებულსა ქერობინთა და ხერობინთა : დაუკჳრდა
Line of ed.: 7    უცნაური საიდუმლოჲ : რაჲჟამს მათ ზედა მჯდომარეჲ ღმერთი : გარდამოჰჴედ სიმდაბლით
Line of ed.: 8    ქუეყნად : და იშევ ქალწულისაგან ვითარცა კაცი : კაცთ მოყუარებით : და უქცეველად ეგე :
Line of ed.: 9    უხილავსა : არსებასა ღმრთეებისასა -:- მთავარი ზეცისა ძალთაჲ : წამისყოფითა : საღმრთოჲ\სა
Line of ed.: 10    ბრძანებისაჲთა მოივლინა : შენდა მხოლოჲსა ქალწულო უბიწოო : და გეტყოდა გი\ხაროდენ
Line of ed.: 11    სძალო : სასძლოსა ზეცისა სიძისასა : თჳნიერად ქორწინებისა მითხოილო : რამეთუ
Line of ed.: 12    სიტყუაჲ ღ̃ჲ დაუსაბამოჲ : შენგან იშვეს : ცხოვრებად კაცთა ნათესავისა -:-

Line of ed.: 13    + * Ⴘეცთომათათჳს ცხოვართა მოქცევად მოხუედ : ღმრთისა სიტყუაო : მწყემსი ყოლად სა\ხიერი :
Line of ed.: 14    და საშოსა : ქალწულისასა შეიმოსე : კაცებაჲ უცოდველო უფალო : თჳნიერ ხოლო
Line of ed.: 15    ცოდვისა : და ღმერთ ჰყავ იგი სახიერ მოწყალებით : რაჲჟამს ღმრთეებრ მოაკუდინე მჴე\ცი
Line of ed.: 16    წარმწყმედელი : და მის მიერ : მომწყდარნი მჴსნელო განმაცხოველენ -:-

Line of ed.: 17    Ⴘუენიერებაჲ ქალწულებისა შენისაჲ : და ბრწყინვალებაჲ სიკეთისა შენისაჲ : გაბრიელ გი\ღაღადა
Line of ed.: 18    შენ ღმრთის მშობელო : რომელ სიტყუაჲ მოგართუა ქალწულო : ანუ რაჲმე
Line of ed.: 19    სახელგდვა შენ : რამეთუ შეძრწუნებულ და დაკჳრვებულ ვარ : არამედ ვითარცა
Line of ed.: 20    მისწავეს გიღაღადებ : მიმადლებულო უფალო შენ თანა -:-

Line of ed.: 21    + * Ⴋხოლოდ შობილი ძეჲ და სიტყუაჲ მამისაჲ : უხილავი არსებაჲ დაუსაბამოჲ : ცათა დაუტევნე\ლი :
Line of ed.: 22    გამოუთქუმელი ღმერთი : მიუწდომელი და გარეშეუწერელი : მიზეზი ყოველთა მიზეზ\თაჲ
Line of ed.: 23    უსხეულოჲ : აღსასრულსა ჟამთასა : გარდამოჴდა ქუეყანად : სახიერებით : და შეი\მოსნა
Line of ed.: 24    ჴორცნი : ყოლად უცოდველნი : უსძლოჲსა საშოსა : და იშვა ჴორცითა : ვითარცა
Line of ed.: 25    ჩჩჳლი სრულებაჲ ყოველთაჲ : რაჲთა მოჰმადლოს კაცთა დიდი წყალობაჲ -:-

Line of ed.: 26    Ⴕუეყანად დაუთესველად გამოშჩნდი შენ : ადამ გონიერისა უხრწნელო : სძალო ქალწულო უ\ბიწოო :
Line of ed.: 27    და სამოთხედ საშუებლისად : რამეთუ პირველ მამათ მთავარმან იაკობ : გიწოდა შენ
Line of ed.: 28    კიბედ ზეცისა სულიერად : და ღრუბელად სულმცირედ ღმრთისმშობელო მარიამ : მკლავთა ზედა :
Line of ed.: 29    იტჳრთე სიტყუაჲ ღმრთისაჲ : მოსეჲ გიხილა შენ : მაყულად შეუწეველად : კიდობნად და კუერ\თხად :
Line of ed.: 30    ხოლო ჩუენ მორწმუნენი ვიტყჳთ : შენ დიდებულო : აცხოვნენ სულნი ჩუენნი -:-

Line of ed.: 31    + * Ⴐაჲჟამს იგი დასაბამსა : დაუსაბამომან ღმერთმან დაჰბადნა : წამისყოფითა საღმრთოჲთა : ყოველნი
Line of ed.: 32    ესე დაბადებულნი : ზეცისა უხილავნი : უხორცოთა გუნდნი : და კუალად სიბრძნით : გამოხატა
Line of ed.: 33    ჴელითა : თჳსითა უხილავითა ხატად და მსგავსად : გამოუხატველისა ხატისა თჳსისა : ადამ პი\რველ
Line of ed.: 34    შექმნული : და მფლობელ-ყო იგი ყოველთა ზედა ხილულთა : პირველად დაბადებულთა
Line of ed.: 35    და მისცა სამკჳდრებელად : სამოთხეჲ საშუებლისაჲ : ხოლო მტერმან ბოროტმან : უკუდავებისა მის
Page of ed.: 15   Line of ed.: 1    ... დაც.ნა პირმშონი : ყოველთანი და იჴსნნა : ძენი ისრაელისანი : მონებისაგან მათისა -:-

Line of ed.: 2    ნათლითა შეიმოსა : ღრუბელსა მას სულმცირესა ღირსსა მტჳრთველსა ცუარისა ცხოვრებისასა :
Line of ed.: 3    ადამეანთა ჴსნისა მიზეზსა : კიდობანსა მას : ახლისა შჯულისასა : დედასა მეუფისასა : წმიდასა
Line of ed.: 4    მას დედოფალსა : სულიერითა შესხმითა : მორწმუნენო შევამკობდეთ -:-

Line of ed.: 5    Ⴍხრაჲ შესაძრწუნებელი : ოდესმე სინას იხილვებოდა : და განგებულებაჲ : ჴსნისა ჩუენისაჲ : სიბრ\ძნით
Line of ed.: 6    გამოისახვოდა : რამეთუ საღმრთოჲ განხორციელებაჲ : საიდუმლოდ : მოესწავებოდა :
Line of ed.: 7    რაჲ ჟამს დიდებაჲ ღმრთეებისაჲ : სახედ ცეცხლისა მაყუალსა მას ეგზებოდა : და არაჲ შემწუ\ველ
Line of ed.: 8    ექმნებოდა : რომლისათჳსცა შჯულისმდებელი : განკჳრვებით იტყოდა : უფალო ყოვ\ლისა
Line of ed.: 9    მპყრობელო : წმიდა არს და მართალ სახელი შენი -:-

Line of ed.: 10    Ⴈქმნა სახეჲ ქალწულისა : მაყუალი მოტყინარე ცეცხლითა : რომელი იხილა : შჯულის მდებელმან :
Line of ed.: 11    და განჰკრთა გონებითა : რამეთუ საღმრთოჲ განჴორციელებაჲ : პირველადვე : გამოისახ\ვოდა :
Line of ed.: 12    ესე ცეცხლი შეუხებელი : დატევნულ იქმნა : საშოსა ქალწულისასა : და არაჲ შე\მწუველ
Line of ed.: 13    ექმნებოდა : არამედ ძალი : მაღლისაჲ ჰფარვიდა : ამან გჳშვა ჩუენ ღმერთი :
Line of ed.: 14    ღმრთისაგან უდედოდ შობილი : და ესე არს სასოჲ და მეოხ ჩუენი -:-


Next part


This text is part of the TITUS edition of Mikael Modrekili, Hymnography.

Copyright TITUS Project, Frankfurt a/M, 19.11.2017. No parts of this document may be republished in any form without prior permission by the copyright holder.