TITUS
Movses Xorenaci, Patmowtiwn Hayoc
Part No. 18
Previous part

Chapter: 17  
Ժ՜Է
Page: 55  
Line: 2 
Յաղագս Շամիրամայ, թէ էր աղագաւ կոտորեաց զորդիս իւր, եւ թէ որպէս
Line: 3 
փախստական լինի ի Զրադաշտէ մոգէ ի Հայս եւ մեռանի ի Նինուասայ
Line: 4 
որդւոյ իւրմէ։


Line: 5    Sentence: 1   Սա հանապազ յամառնայինսն ի խաղալն իւրում ի կողմանս հիսւիսոյ
Line: 6    ի քաղաքն ամարաստանի զոր շինեաց ի Հայս՝ կողմնապետ եւ
Line: 7    վերակացու Ասորեստանի եւ Նինուէի թողու զԶրադաշտ մոգ եւ նահապետ
Line: 8    Մարաց։ Sentence: 2   Եւ զայս այսպէս բազում ժամանակս կարգեալ Շամիրամայ՝
Line: 9    ամենեւին հաւատայ նմա յարդարել զիր իշխանութիւնն։

Line: 10    Sentence: 3   Եւ բազում անգամ յանդիմանեալ յորդւոց իւրոց վասն սաստիկ
Line: 11    եւ վաւաշ պոռնկական բարուց իւրոց՝ կոտորէ զամենեսեան, եւ ապրի
Line: 12    կրտսերագոյնն միայն, որ է Նինուաս։ Sentence: 4   Բարեկամաց եւ հոմանեաց իւրոց
Line: 13    պարգեւելով զամենայն իշխանութիւն եւ զգանձս՝ ոչ ինչ վասն որդւոց
Line: 14    իւրոց փոյթ յանձին ունէր։ Sentence: 5   Քանզի եւ այրն նորա Նինոս ոչ, որպէս ասի,
Line: 15    մեռեալ թաղեցաւ ի նմանէ ի Նինուէ յարքունիսն, այլ իմացեալ զախտասէր
Line: 16    բարս նորա եւ զչարասէր, թողեալ զթագաւորութիւնն փախստական
Line: 17    անկանէր ի Կրետէ։ Sentence: 6   Իսկ ի հասակ եւ ի միտս հասեալ որդւոց նորա՝
Line: 18    յիշեցուցանեն նմա զայս ամենայն, կարծելով ցածուցեալ զնա ի դիւական
Line: 19    պակշոտութենէն, եւ աւանդել զիշխանութիւնն եւ զգանձս՝ որդւոց
Line: 20    իւրոց։ Sentence: 7   Ընդ որ առաւել զայրագնեալ՝ սատակէ զամենեսեան. Sentence: 8   եւ մնայ
Line: 21    միայն, որպէս վերագոյնն ասացաք, Նինուաս։

Page: 56   Line: 1    Իսկ ի լինել սխալանաց ինչ Զրադաշտի առ տիկինն, եւ հակառակութեան
Line: 2    ի ներքս անկանել, պատերազմ ի վերայ նորա յարուցանէ
Line: 3    Շամիրամ. Sentence: 9   քանզի բռնանալ ի վերայ ամենայնի խորհէր մարն։ Sentence: 10   Եւ ի
Line: 4    սաստկանալ պատերազմին՝ փախստական լինի Շամիրամ յերեսաց Զրադաշտի
Line: 5    ի Հայս։ Sentence: 11   Աստ ժամանակ վրէժխնդրութեան պատեհ գտեալ
Line: 6    Նինուասայ՝ սպանանէ զմայրն եւ ինքն թագաւորէ ի վերայ Ասորեստանի
Line: 7    եւ Նինուէի։ Sentence: 12   Ահա ասացաք եւ յաղագս մահուանն Շամիրամայ, թէ ուստի
Line: 8    եւ որպէս։



Next part


This text is part of the TITUS edition of Movses Xorenaci, Patmowtiwn Hayoc.

Copyright TITUS Project, Frankfurt a/M, 9.12.2008. No parts of this document may be republished in any form without prior permission by the copyright holder.