TITUS
Movses Xorenaci, Patmowtiwn Hayoc
Part No. 33
Previous part

Chapter: 32  
Լ՜Բ
Line: 7 
Sentence: 1   Թէ Եղիական պատերազմն առ Տեւտամաւ. Sentence: 2   եւ մեր Զայրմայր ընդ Եթովպացի
Line: 8 
զօրուն լինել սակաւուք, եւ ի նոյն մահ։


Line: 9    Sentence: 3   Երկուք այսոքիկ են, որք աշխատութիւն տագնապաւ մեզ ի վերայ
Line: 10    ի քումմէդ հասուցանեն հարցասիրութենէ - համառօտասիրութիւն,
Line: 11    արագաբանութիւն. Sentence: 4   եւ այսոքիկ ՝ պերճք եւ պայծառք, պղատոնականք իբր
Line: 12    եղանել բանք. Sentence: 5   հեռի ի ստութենէ, եւ լի որ ինչ ընդդէմ ստութեան. Sentence: 6   եւ զայսոսիկ
Line: 13    յառաջին մարդոյն մինչեւ ցքեզ առ ժամայն պատմել։ Sentence: 7   Եւ այսոցիկ
Line: 14    ի միասին պատահել անհնարին է։ Sentence: 8   Քանզի որ զամենայն ստեղծ, կարող
Line: 15    գոլով ակնարկութեամբ ի քթթել ական զամենայն կացուցանել՝ ոչ
Line: 16    այսպէս հաստատէ, այլ աւուրս որոշէ եւ կարգս ի ստեղծուածս. Sentence: 9   քանզի
Line: 17    են ոմանք առաջնոյ եւ ոմանք երկրորդի եւ երրորդի եւ այլոցն աւուրց
Line: 18    ստեղծուածք։ Sentence: 10   Եւ այսու մեզ այսպիսի իմն ակնարկէ կարգս վարդապետութիւն
Line: 19    Հոգւոյն։ Sentence: 11   Իսկ զքո փափագ արտաքոյ այսպիսւոյ աստուածայնոյ
Page: 88   Line: 1    տեսանեմք սահմանի, զի արդար եւ բնաւ եւ առ ժամայն ամենայնք քեզ
Line: 2    եղիցին ասացեալ։ Sentence: 12   Այլ առ ի մէնջ այսոքիկ կամ յերկար, եւ քեզ ըստ
Line: 3    կամաց, կամ փոյթ, եւ քեզ ոչ հաճելիք։ Sentence: 13   Զի այսպէս ի քոյ հապճեպեկոյ
Line: 4    ահա ոչ ինչ յաղագս Մակեդոնացւոյն, եւ ոչ վասն Եղիականին ի կարգին
Line: 5    նշանակեցաքմ այլ զօդեմք աւասիկ։ Sentence: 14   Ոչ ունիմք ասել, իմաստուն կամ
Line: 6    անհանճար աստանօր լինել մեզ հիւսն, պատկանաւոր կամ ոչ զայնոցիկ
Line: 7    այժմ ուրեմն զկնի հեղուսելով բանս, զկարեւորսն եւ մերոյս արժանի
Line: 8    շարադրութեանս։

Line: 9    Sentence: 15   Եւ ոյք արդեօք այսպիսեաց ճառից առաջինք, եթէ ոչ որք ի
Line: 10    Հոմերոսէ պատմին. Sentence: 16   այն, որ Վասն Եղիականին պատմի պատերազմին
Line: 11    առՏեւտամաւ Ասորեստանեայց։ Sentence: 17   Եւ մեր Զարմայր ի ծառայութիւն
Line: 12    Ասորեստանեայց սակաւուք ընդ Եթովպացի զօրուն օգնական Պռիամու,
Line: 13    եւ անդ ի քաջացն Հելլենացւոց վիրաւորեալ մեռանի. Sentence: 18   այլ կամիմ յԱքիլլեայ,
Line: 14    եւ մի յայրմէ ումեքէ ի քաջացն։

Line: 15    Sentence: 19   Կատարեցան գիրք Առաջին ծննդաբանութեան Հայոց Մեծաց։



Next part


This text is part of the TITUS edition of Movses Xorenaci, Patmowtiwn Hayoc.

Copyright TITUS Project, Frankfurt a/M, 9.12.2008. No parts of this document may be republished in any form without prior permission by the copyright holder.