TITUS
Movses Xorenaci, Patmowtiwn Hayoc
Part No. 35
Previous part

Chapter: Yaw.B  
Line: 9 
Sentence: 1   Յաւելուած Բ Ստորագրութիւն, որ ինչ սակս Բիւրասպեայ հաւաստին։


Line: 10    Sentence: 2   Զպղատոնականն համարձակագոյն այժմ բարբառիմք. Sentence: 3   Իսկ արդ
Line: 11    արդեօք իցէ սիրելւոյդ այլ ոք ես. Sentence: 4   քանզի եւ չէ իսկ ոք"։ Sentence: 5   Զի ի վերայ
Line: 12    այլոց անհնարիցն, հնարաւոր վասն քո արարելոց մեր, կատարեմք եւ
Line: 13    զայս. Sentence: 6   զի զորոց ատեմք զբանս եւ զգործս, եւ այնոցիկ մանաւանդ թէ
Line: 14    լուրն զլսելիս մեր տաղտկացուցանէր՝ այսօր ձեռամբ իմով շարագրեմ
Line: 15    զայսոսիկ, միտս անմտութեան նոցա տալով, եւ զկարի վաղուց նոցա
Line: 16    իրս եւ նոցասանելիս աւասիկ յայտնեմ. Sentence: 7   միայն թէ եւ քեզ
Line: 17    այսոքիկ ուրախութիւն եւ կամ շահ օգտութեան։ Sentence: 8   Այլ Ծանիր զատելութիւն
Line: 18    մեր առ այսպիսի բան, զի ոչ յառաջինսն մեր ասացեալ գիրս, եւ
Line: 19    ոչ ի վերջին բանս արժանաւորեցաք շարել, այլ զատ եւ որիշ։ Sentence: 9   եւ սկսայց
Line: 20    այսպէս։

Page: 91   Line: 1    Ասացեալն ի նոցանէ Բիւրասպի Աժդահակ՝ առ Նեբրովթաւ նախնի
Line: 2    նոցա։ Sentence: 10   Քանզի ի բաժանել լեզուացն ընդ ամենայն երկիր, ոչ խառն
Line: 3    ի խուռն եւ ոչ անառաջնորդ այս լինէր. Sentence: 11   այլ աստուածայնով իմն
Line: 4    ակնարկութեամբ գլխաւորք եւ ցեղապետք որոշեալք իւրաքանչիւր
Line: 5    սահմանս ժառանգեցին կարգաւ եւ զօրութեամբ։ Sentence: 12   Եւ զայս Բիւրասպեայ
Line: 6    հաւաստի անուն ճանաչեմ ես Կենտաւրոս Պիւռիղայ, ի քաղդէականի
Line: 7    գտեալ մատենի։ Sentence: 13   Սա ոչ քաջութեամբ քան թէ հարստութեամբ եւ ճարտարութեամբ
Line: 8    զցեղապետութիւն ազգին իւրոյ ունէր, հնազանդեալ
Line: 9    Նիբրովթայ. Sentence: 14   եւ հասարակաց զկենցաղս կամէր ցուցանել ամենեցուն,
Line: 10    եւ ասէր՝ ոչ ինչ իւր առանձին ումեք ունել պարտ է, այլ հասարակաց։

Line: 11    Sentence: 15   Եւ ամենայն ինչ նորա յայտնի էր բան եւ գործ. Sentence: 16   եւ ի ծածուկ ինչ ոչ
Line: 12    խորհէր, այլ զամենայն յանդիման արտաքս բերէր լեզուաւ զծածուկս
Line: 13    սրտին։ Sentence: 17   ԵՒ զել եւ զմուտ բարեկամացն որպէս ի տուընջեան նոյնպէս
Line: 14    եւ ի գիշերի սահմանէր։ Sentence: 18   Եւ այս է առաջին նորա ասացեալ անբարի
Line: 15    բարերարութիւնն։

Line: 16    Sentence: 19   Այլ քանզի աստեղաբանութեամբ հզօր եղեալ՝ յօժարեցաւ ուսանել
Line: 17    եւ զկատարեալ չարութիւնն. Sentence: 20   եւ այսիքիկ անկարելիք նմա. Sentence: 21   քանզի որպէս
Line: 18    վերագոյնն ասացաք՝ սովորութիւն ունէր պատրանաց աղագաւ առ
Line: 19    բազումս՝ ոչ ինչ ի ծածուկ գործել, եւ զայնպիսի վերջին եւ կատարեալ
Line: 20    չարութիւն յայտնի ուսանել կարողութիւն ոչ էր։ Sentence: 22   Հնարի այսպիսում
Line: 21    ուսման դառնութեան հնարս, - ցաւս ինչ յորովայնի ունել բաղբաղէր
Page: 92   Line: 1    չարաչարս, որ ոչ այլով իւիք, քան թէ բանիւ իմն եւ անուամբ
Line: 2    սոսկալեաւ բժշկիցի, զոր վայրապար լսել ումեք ոչ է կարողութիւն։

Line: 3    Sentence: 23   Եւ այս սովորեալ, որ զչարութիւնն նիւթէր, ուսուցանէր նմա ի տան
Line: 4    եւ ի հրապարակս. Sentence: 24   անկասկած զգլուխն ի վերայ ուսոցն Բիւրասպայ
Line: 5    դնելով եւ խօսելով յականջսն՝ ուսուցանէր զանբարի արուեստն. Sentence: 25   զոր
Line: 6    յառասպելին՝ մանուկ սատանայի, ասեն, սպասաւորելով լինէր կամակատար.

Line: 7    Sentence: 26   եւ ապա վասն որոյ պարգեւ ի նմանէ խնդրեալ՝ համբուրէր զուսսն։

Line: 8    Sentence: 27   Իսկ վիշապացն բուսումն, կամ կատարելապէս վիշապանալն
Line: 9    Բիւրասպեայ, որ ասի, է այս։ Sentence: 28   Քանզի անբաւ մարդիկ սկսաւ զոհել
Line: 10    դիւաց. Sentence: 29   մինչեւ տաղտկանալ ի նմանէ բազմութեանն եւ միաբանեալ
Line: 11    ամենեցուն եւ հալածել, եւ փախչել նմա ի նախասացեալ լերինն կողմանս.

Line: 12    Sentence: 30   եւ ի սաստիկ վարելոյն զնա՝ թօթափեցաւ ամբոխ նորա ի նմանէ։

Line: 13    Sentence: 31   Յայս վստահացեալ վարողացն զնա՝ հանգեան աւուրս ինչ
Line: 14    զտեղեօքն։ Sentence: 32   Իսկ բիւրասպեայ ժողովեալ զցրուեալսն՝ յանկարծօրէն
Line: 15    հասանէ ի վերայ, վնաս սաստիկ առնելով. Sentence: 33   այլ յաղթէ բազմութիւնն,
Line: 16    եւ փախստական լինի Բիւրասպի. Sentence: 34   եւ հասեալ սպանանեն զնա մերձ ի
Line: 17    լեառնն, եւ ընկենուն ի վիհ մեծ ծծմբոյ։




Next part


This text is part of the TITUS edition of Movses Xorenaci, Patmowtiwn Hayoc.

Copyright TITUS Project, Frankfurt a/M, 9.12.2008. No parts of this document may be republished in any form without prior permission by the copyright holder.