TITUS
Movses Xorenaci, Patmowtiwn Hayoc
Part No. 116
Previous part

Chapter: 80  
Ձ՜Բ
Page: 224  
Line: 2 
Նահատակութիւնք Տրդատայ ի թագաւորութեանն յառաջ քան զհաւատալն։


Line: 3    Sentence: 1   Քանզի ոչ է պատմութիւն ճշմարիտ առանց ժամանակագրութեան,
Line: 4    վասն որոյ եւ մանրախուզիւ քննեալ գտաք զթագաւորելն Տրդատայ
Line: 5    յերրորդ ամի Դիոկղետիանոսի, եւ գայլ այսր հանդերձ մեծաւ զօրու։

Line: 6    Sentence: 2   Որոյ հասեալ ի Կեսարիայ՝ յոլովք ի նախարարացն ընդ առաջ լինէին։

Line: 7    Sentence: 3   Եւ եկեալ յաշխարհս՝ գտանէ զՕտայ սնուցեալ զքոյր իւր զԽոսրովիդուխտ,
Line: 8    եւ պահեալ զգանձսն ամրոցաւն հանդերձ յոյժ երկայնմտութեամբ.

Line: 9    Sentence: 4   քանզի էր արդարեւ համբերող, ժուժկալ եւ առաւել իմաստուն.

Line: 10    Sentence: 5   զի թէպէտ եւ ոչ ծանեաւ զճշմարտութիւնն յաղագս Աստուծոյ, սակայն
Line: 11    զստութիւն կռոցն գիտաց։ Sentence: 6   Նոյնպէս էր եւ սան նորա Խոսրովիդուխտ,
Line: 12    կուսան համեստ որպէս զօրինաւոր ոք, եւ ոչ ամենեւին ունել անդուռն
Line: 13    բերան, նման այլոց կանանց։

Line: 14    Sentence: 7   Իսկ Տրդատ ի հազարապետութիւն Հայոց զՕտայն կացուցանէ
Line: 15    եւ շնորհակալութեամբ պատուէ զնա, եւ առաւել եւս զիւր դայեկորդին,
Line: 16    զՄանդակունին Արտաւազդ, վասն լինելոյ նմա պատճառ փրկութեան
Line: 17    եւ հայրենականացն հասելոց փառաց. Sentence: 8   յաղագս որոյ ի ձեռս տայ նմա
Line: 18    զսպարապետութիւն զօրացն Հայոց։ Sentence: 9   Նորին աղագաւ եւ զՏաճատ քեռայր
Page: 225   Line: 1    նորին իշխան ի վերայ գաւառին Աշոցաց կարգէ։ Sentence: 10   Սա էր որ յապայսն
Line: 2    զգացոյց աներոյն իւրոյ Արտաւազդայ, եւ նա աարքայի, նախ՝ զԳրիգոր
Line: 3    Անակայ լինել որդի, եւ ապա զկնի՝ վասն որդւոցն Գրիգորի, որպէս
Line: 4    հմուտ եղեալ, ի Կեսարացւոց քաղաքին բնակելով։

Line: 5    Sentence: 11   Իսկ քաջին Տրդատայ երագապէս եւ բազում ճակատս տուեալ,
Line: 6    նախ ի Հայս եւ ապա ի Պարսս՝ իւրով անձամբ առնէր զյաղթութիւնն։

Line: 7    Sentence: 12   Որ ի միում նուագի, առաւել քան զԵղիանանն զայն ի հնումն, կանգնեաց
Line: 8    զնիզակն յոգնական համաթիւ վիրաւորաց։ Sentence: 13   Դարձեալ յերկրորդումն՝
Line: 9    կորովեացն Պարսից զփորձ առեալ զսաստկութիւն սկային եւ կուռ
Line: 10    վառուածոցն, բազում վիրօք պատեալ զձին՝ սատակեցին նետաձգութեամբք.

Line: 11    Sentence: 14   որոյ զարկուցեալ յերկիր ընկենոյր զարքայն։ Sentence: 15   Իսկ նորա
Line: 12    յարուցեալ եւ հետի յարձակեալ, փոխանակ իւր զբազումս ընկենոյր
Line: 13    ի թշնամեացն, եւ զմիոյ ուրումն զձին կալեալ, արիաբար աշտանակէր։

Line: 14    Sentence: 16   Դարձեալ յերկրորդին միւսանգամ կամաւոր լեալ հետի՝ սուսերաւ
Line: 15    զերամակս փղացն պուղէր։ Sentence: 17   Եւ այսպիսի նահատակութեամբք յամեալ
Line: 16    ի Պարսս եւ յԱսորեստան՝ անդր եւս քան զՏիզբոն յարձակի։



Next part


This text is part of the TITUS edition of Movses Xorenaci, Patmowtiwn Hayoc.

Copyright TITUS Project, Frankfurt a/M, 9.12.2008. No parts of this document may be republished in any form without prior permission by the copyright holder.