TITUS
Movses Xorenaci, Patmowtiwn Hayoc
Part No. 121
Previous part

Chapter: 85  
Ձ՜Է
Line: 11 
Sentence: 1   Պարտումն Շապհոյ եւ ակամայ հնազանդութիւն ընդ ձեռամբ մեծին
Line: 12 
Կոստանդիանոսի եւ Տրդատայ ունել զԵկբատան, եւ գալ ազգականացն.
Line: 13 
Sentence: 2   եւ թէ յայնժամ եղեւ գիւտ փրկական փայտին։


Line: 14    Sentence: 3   Բայց Տրդատայ թէպէտ եւ զյաղթութիւն ստացեալ էր, այլ ի
Line: 15    հարկանելոյ զօրուն եւ ի բազում անկելոց նախարարացն՝ զանգիտեաց
Line: 16    ինքեամբ յատուկ մարտնչել ընդ Շապհոյ, մինչեւ եհաս բազմութիւն
Line: 17    զօրուն Հռոմայեցւոց, որք ընդ Ասորեստան յարձակեցան. Sentence: 4   եւ ի
Line: 18    փախուստ զՇապուհ դարձուցին, յաւարի զամենայն երկիրն առեալ,։

Line: 19    Sentence: 5   Քանզի եւ Տրդատ միահամուռ իւրովքն, եւ որք ընդ իւրովքն էին զօրքն,
Line: 20    ընդ հիւսիսային կողմանս իշխանութեանն Պարսից դիմեաց տարեկան
Line: 21    չուաւորութեամբ։

Page: 235   Line: 1    Յայնժամ գայ առ նա ազգականն իւր եւ հարազատ Կամսար,
Line: 2    առաջին որդի Պերոզամատայ։ Sentence: 6   Այս Պերոզամատէ այն տղայն, որ ի
Line: 3    կոտորելն Արտաշրի զցեղն Կարենեան Պահլաւին, փախուցեալ Բուրզայ
Line: 4    ապրեցուցանէր։ Sentence: 7   Որոյ հասեալ յերիտասարդութիւն՝ ի պատիւ հօրն եւ ի
Line: 5    վերայ զօրուն կարգի յԱրտաշրէ, առ ի պատերազմել ընդ խուժդուժ
Line: 6    ազգսն ընդ այնոսիկ, նենգութեամբ խորհեալ արկանել զնա ի ձեռս
Line: 7    բարբարոսաց։ Sentence: 8   Որոյ եղեալ այր քաջ՝ սքանչելապէս մղեաց զպատերազմունս.

Line: 8    Sentence: 9   եւ ի պարտել զՎզըրկն որ անուանէր Խաքան, նուաճեալ՝ տայ
Line: 9    զդուստր իւր նմա կնութեան. Sentence: 10   նա եւ այլ կանայս առեալ, զմերձաւորս
Line: 10    Արտաշրի, եւ բազում որդիք եղեալ, զօրացեալ բռնութեամբ ունի զկողմանսն
Line: 11    զայնոսիկ. Sentence: 11   թէպթ եւ էր ի համար Արտաշրի՝ այլ ոչ տեսանէ
Line: 12    զնա. Sentence: 12   Եւ ի մեռանելն Արտաշրի ոչ հնազանդէ որդւոյ նորա Շապհոյ.

Line: 13    Sentence: 13   եւ ի մարտնչելն ի բազում պատերազմունս յաղթէ, եւ ի մտերմացն
Line: 14    Շապհոյ դեղակուր եղեալ մեռանի։

Line: 15    Sentence: 14   Առ նովիմբ ժամանակաւ այլ ոմն կացեալ Վզըրկ Խաքան, որ
Line: 16    թշնամութեամբ ընդ Կամսարայ որդւոյ նորա վարէր։ Sentence: 15   Իսկ Կամսարայ
Line: 17    դժուարին վարկուցեալ ի մէջ երկուց հզօր թագաւորաց բնակել թշնամութեամբ,
Line: 18    մանաւանդ զի եւ եղբայրքն ոչ միաբանեցան ընդ նմա՝
Line: 19    խաղացեալ ամենայն ընտանեօք իւրովք եւ աղխիւ գայ առ Տրդատ մեր
Line: 20    թագաւոր, եղբարց նորա առ Շապուհ երթալով։ Sentence: 16   Այս Կամսար ահագին
Page: 236   Line: 1    քաջութեամբ նահատակեալ առ հարբն ի պատերազմունս, ի շահատակելն
Line: 2    իւրում հարկանի յումեմնէ սակերբ զգլուխն. Sentence: 17   եւ վերացուցեալ մասն
Line: 3    ինչ յոսկրէ սկաւառակին, բժշկեալ ի դեղոց, պակաս գոլով բոլորութիւն
Line: 4    գագաթանն՝ անուանեցաւ Կամսար այնր աղագաւ։

Line: 5    Sentence: 18   Բայց Տրդատայ իւր հաստատեալ զեօթնպարսպեանն Եկբատան,
Line: 6    երկրորդ եւ վերակացուս յինքենէ թողեալ՝ դառնայ ի Հայս, ընդ իւր
Line: 7    ածելով զԿամսար ամենայնիւքն։ Sentence: 19   Քանզի Շապուհ աղաչեաց զյաղթողն
Line: 8    Կոստանդիանոս՝ խնդրել զհաշտութիւն եւ հաստատել զխաղաղութիւն
Line: 9    մշտնջենաւոր. Sentence: 20   զոր արարեալ սրբոյն Կոստանդիանոսի, յետ այնորիկ
Line: 10    առաքեաց զՀեղինէ զմայր իւր յԵրուսաղէմ ի խնդիր պատուական խաչին.

Line: 11    Sentence: 21   զոր եւ եգիտ իսկ զփրկական փայտն հանդերձ հինգ բեւեռօքն,
Line: 12    ի ձեռն Յուդայի հրէի, որ ապա եկաց եպիսկոպոս յԵրուսաղէմ։



Next part


This text is part of the TITUS edition of Movses Xorenaci, Patmowtiwn Hayoc.

Copyright TITUS Project, Frankfurt a/M, 9.12.2008. No parts of this document may be republished in any form without prior permission by the copyright holder.