TITUS
Movses Xorenaci, Patmowtiwn Hayoc
Part No. 123
Previous part

Chapter: 87  
Ձ՜Թ
Page: 239  
Line: 2 
Յաղագս Արիոսի չարափառի, եւ ժողովոյն որ եղեւ վասն նորա ի Նիկիա,
Line: 3 
եւ սքանչելեացն որ երեւեցաւ ի Գրիգորիոս։


Line: 4    Sentence: 1   Ընդ այն ժամանակս երեւեցաւ Արիոս աղեքսանդրացի, որ ուսոյց
Line: 5    չարաչար ամբարըտել, ոչ գոլ զՈրդի հաւասար Հօր, եւ ոչ ի բնութենէ
Line: 6    եւ յէութենէ Հօր. Sentence: 2   եւ ոչ ծնեալ ի Հօրէ յառաջ քան զյաւիտեանս, այլ
Line: 7    օտար զոմն եւ արարած եւ կրտսեր, եւ յետ ժամանակի գոյացեալ. Sentence: 3   որ ըստ
Line: 8    արժանեաց իւրոց ամբարիշտս այս Արիոս ի գարշելիսն ընկալաւ
Line: 9    զսատակումնն։ Sentence: 4   Վասն որոյ ել հրաման յինքնակալէն Կոստանդիանոսէ՝
Line: 10    ժողով լինել բազմութեան եպիսկոպոսաց ի Նիկիա Բիւթանացւոց։ Sentence: 5   Եւ
Line: 11    ժողովեցան Բիտոն եւ Բիկենդ երիցունք ի Հռոմ քաղաքէ, ձեռնարկութեամբ
Line: 12    սրբոյն Սեղբեստրոսի, Աղեքսանդրոս Աղեքսանդրի, Եւստաթիոս
Line: 13    Անդիոքայ, Մակարիոս Երուսաղէմի, Աղեքսանդրոս Կոստանդնուպօլսի
Line: 14    եպիսկոպոսք։

Line: 15    Sentence: 6   Յայնժամ գայ հասանէ հրովարտակ իմքնակալին Կոստանդիանոսի
Line: 16    առ մեր արքայն Տրդատ, զի զսուրբն Գրիգոր առեալ ընդ իւր ի ժողովն
Line: 17    երթիցէ. Sentence: 7   զոր ոչ առ յանձն Տրդատ։ Sentence: 8   Քանզի լուեալ էր զխնամենալն
Line: 18    Շապհոյ ընդ Հնդկաց թագաւորին եւ ընդ արեւելեան Խաքանայ,
Line: 19    եւ զօրավարելն Ներսեհի, որ թագաւորեաց ամս ինն, եւ Որմզդի, որ
Line: 20    ապա եւ նա թագաւորեաց ամս երիս նահատակութեամբք։ Sentence: 9   Եւ ի կասկածի
Line: 21    եղեալ, զի մի արդեօք պայմանի ստիցէ ըստ սովորութեան
Line: 22    հեթանոսութեանն՝ վասն այնորիկ ոչ եթող առանց իւր զաշխարհս։

Page: 240   Line: 1    Բայց եւ ոչ սուրբն Գրիգոր հաւանեցաւ երթալ, զի մի զառաւել պատիւ
Line: 2    վասն խոստովանողական անուան ի ժողովոյն ընկալցի. Sentence: 10   որպէս զի
Line: 3    այնպէս փափագանօք եւ մեծաւ փութով կոչէին։ Sentence: 11   Այլ նոքա առաքեն
Line: 4    փոխանորդ իւրեանց զԱրիստակէս, հանդերձ ճշմարիտ խոստովանութեամբ,
Line: 5    երկոցունց գրով։ Sentence: 12   Որոյ երթեալ հասանէ մեծի Ղեւոնդի. Sentence: 13   եւ
Line: 6    հանդիպի յանմ ժամու, զի մկրտէր զԳրիգոր զհայր Գրիգորի
Line: 7    Աստուածաբանի. Sentence: 14   որ իբրեւ ել ի ջրոյն՝ լոյս շուրջ փայլատակեաց
Line: 8    զնովաւ, զոր ոչ ոք ի բազմութենէն ետես, այլ միայն Ղեւոնդիոս, որ
Line: 9    մկրտէրն, եւ մերն Արիստակէս, եւ Եւթաղ Եդեսիայ, եւ Յակոբ Մծբնայ,
Line: 10    եւ Յոհան Պարսից եպիսկոպոսք, որք նոյն շաւղօք ուղեւորօին ի ժողովն։



Next part


This text is part of the TITUS edition of Movses Xorenaci, Patmowtiwn Hayoc.

Copyright TITUS Project, Frankfurt a/M, 9.12.2008. No parts of this document may be republished in any form without prior permission by the copyright holder.