TITUS
Old Georgian Hagiographical Texts, vol. I
Part No. 6
Previous part

Chapter: VI  
Ms. page: A_356r 
Line of ed.: 20        6. და შემდგომად ორისა დღისა მოვიდა მგელი იგი ტაძრად და
Line of ed.: 21     ჰრქუა მსახურთა თჳსთა: "დღეს მე და ჯოჯიკ და ცოლმან მისმან ერთად
Line of ed.: 22     პური ვჭამოთ, ხოლო სხუასა ნუ ვის უფლიედ ჩუენ თანა შემოსლვად".
Line of ed.: 23     და რაჟამს შემწუხრდა, მოუწოდეს ცოლსა ჯოჯიკისსა და ინებეს ერთად
Line of ed.: 24     პურისა ჭამაჲ, რაჲთა-მცა მოიყვანეს წმიდაჲ შუშანიკ-ცა. და ვითარცა
Line of ed.: 25     მოიწია ჟამი პურისაჲ, შევიდეს ჯოჯიკ და ცოლი მისი წინაშე წმიდისა
Line of ed.: 26     შუშანიკისა, რაჲთა-მცა მას-ცა აჭამეს პური, რამეთუ ყოველნი იგი დღენი
Page of ed.: 17   Line of ed.: 1     უზმასა გარდაევლნეს, და ვითარცა მეტად აიძულეს, და ძლით წარიყვანეს
Line of ed.: 2     ტაძრად. ხოლო გემოჲ არარაჲსაჲ იხილა. ხოლო ცოლმან ჯოჯიკისმან
Line of ed.: 3     მიართუა ღჳნოჲ ჭიქითა და აიძულებდა მას, რაჲთა-მცა იგი ხოლო შესუა.
Line of ed.: 4     ჰრქუა მას წმიდამან შუშანიკ რისხვით: "ოდეს ყოფილ არს აქამომდე, თუ-მცა
Line of ed.: 5     მამათა და დედათა ერთად ეჭამა პური?!" და განყარა ჴელი და ჭიქაჲ იგი
Line of ed.: 6     პირსა შეალეწა და ღჳნოჲ იგი დაითხია.

Line of ed.: 7        მაშინ იწყო უჯეროსა გინებად ვარსქენ და ფერჴითა თჳსითა დასთრგუნვიდა
Line of ed.: 8     მას; და აღიღო ასტამი, და უხეთქნა მას თავსა, და ჩაჰფლა,
Line of ed.: 9     და თუალი ერთი დაუბუშტა; და მჯიღითა სცემდა პირსა მისსა უწყალოდ
Line of ed.: 10     და თმითა მიმოითრევდა; ვითარცა მჴეცი მძჳნვარჱ ყიოდა და იზახდა ვითარცა
Line of ed.: 11     ცოფი. მაშინ შუელად აღდგა ჯოჯიკ, ძმაჲ მისი, და იბრძოდეს, ვიდრემდის
Line of ed.: 12     გუემა იგი-ცა, და კუბასტი-ცა თავსა მისსა მოხეთქა და ჭირით,
Line of ed.: 13     ვითარცა კრავი მგელსა, გამოუღო ჴელთა მისთა, და ვითარცა მკუდარი
Line of ed.: 14     იდვა წმიდაჲ შუშანიკ ქუეყანასა ზედა, და აგინებდა ვარსქენ თესლ-ტომსა
Line of ed.: 15     მისსა და სახლისა მაოჴრებელად სახელ-სდებდა მას. და უბრძანა შეკრვაჲ
Line of ed.: 16     მისი Ms. page: A_356v  და ბორკილთა შესხმაჲ ფერჴთა მისთა.

Line of ed.: 17        და ვითარცა მცირედ და-რე-სცხრა გულის-წყრომისაგან, მოვიდა
Line of ed.: 18     სპარსი იგი და მჴურვალედ ევედრებოდა მას, რაჲთა-მცა საკრველთა მათგან
Line of ed.: 19     განეტევა წმიდაჲ შუშანიკ. და ვითარ ფრიად ევედრებოდა, ბრძანა განტევებაჲ
Line of ed.: 20     მისი და სენაკსა ერთსა შეყვანებაჲ და კრძალულად დაცვაჲ მისი
Line of ed.: 21     ერთითა მსახურითა, და რაჲთა სხუაჲ არავინ შევიდეს ხილვად მისა, --
Line of ed.: 22     არცა მამაკაცი, არცა დედაკაცი.

Next part


This text is part of the TITUS edition of Old Georgian Hagiographical Texts, vol. I.

Copyright TITUS Project, Frankfurt a/M, 12.12.2008. No parts of this document may be republished in any form without prior permission by the copyright holder.