TITUS
Old Georgian Hagiographical Texts, vol. I
Part No. 17
Previous part

Chapter: XVII  
Line of ed.: 17        17. მერმე, შემდგომად ჯოჯიკისა, მოიწია თავი იგი ეპისკოპოსთაჲ
Line of ed.: 18     სამოელ და იოვანე ეპისკოპოსი, მისი-ვე მოყუასი, რომელ-იგი იყვნეს განმამტკიცებელ
Line of ed.: 19     და დიდად დამაშურალ, სახლეულითურთ თანა -- ყოფით
Line of ed.: 20     იყვნეს მონა, და მონაწილე იყვნეს და თანაზიარ შრომათა მისთა; მადლობით
Line of ed.: 21     წარჰგზავნიდეს ნავთ-სადგურისა მის მიმართ ქრისტჱსისა. მსგავსად
Line of ed.: 22     მის-ვე სახისა აზნაურნი დიდ-დიდნი და ზეპურნი დედანი, აზნაურნი და
Line of ed.: 23     უაზნონი სოფლისა ქართლისანი მოვიდეს. ეგრეთ-ვე, რომელნი-იგი
Line of ed.: 24     გულს-მოდგინებით მონაწილე ყოფილ იყვნეს შრომათა მათ მისთა სანატრელობით,
Line of ed.: 25     ვითარცა ახოვანსა მჴნესა მიჰვედრიდეს ქრისტესა.

Line of ed.: 26        და თხოვასა ერთსა ითხოვდეს მისგან ყოველნი იგი ეპისკოპოსნი და
Line of ed.: 27     აზნაურნი ერთბამად, რაჲთა ბორკილი იგი ფერჴთაჲ ბრძანოს საცოდ და ნაკურთხევად
Line of ed.: 28     ყოველთათჳს, რომლისათჳს-ცა ჰრქუა წმიდამან შუშანიკ, ვითარმედ:
Line of ed.: 29     "მე რაჲ ვარ, არა-ღირსი ესე? ხოლო ღმრთის-მოყუარებისა თქუენისათჳს
Line of ed.: 30     ხუცესმან აღავსენ წადილი თქუენი მაგის სახისათჳს. ხოლო მე რაჲმე
Line of ed.: 31     რაჲ შემძლებელ ვარ, არამედ ყოვლად სავსემან ქრისტემან აღგავსენინ
Line of ed.: 32     თქუენ ყოვლითა კეთილითა, რომელნი-ესე ჩემთჳს მოშუერით და ეზიარენით
Line of ed.: 33     ვნებათა ამათ ჩემთა და ჭირთა და ტანჯვათა. ხოლო მე, საყუარელნო, აჰა
Line of ed.: 34     ესერა წინა-განმზადებულსა მას გზასა წარვალ საუკუნესა. ჭირისა ამის წილ
Line of ed.: 35     ჩემისა ქრისტემან მომმადლოს მე სიხარული, სატანჯველთა ამათ წილ განსუენებაჲ,
Page of ed.: 28   Line of ed.: 1     გუემათა ამათ ჩემთა და თრევათა და შეურაცხებათა -- მივემთხჳო
Line of ed.: 2     მე დიდებასა და პატივსა ცათა შინა დაუსრულებელსა". და იგინი ჯმნულნი,
Line of ed.: 3     ცრემლითა სავსენი, ძლევისა მისთჳს Ms. page: B_183  დიდებასა ღმრთისა მიმართ შესწირვიდეს,
Line of ed.: 4     და გამოვიდეს ციხით და წარვიდეს.

Next part


This text is part of the TITUS edition of Old Georgian Hagiographical Texts, vol. I.

Copyright TITUS Project, Frankfurt a/M, 12.12.2008. No parts of this document may be republished in any form without prior permission by the copyright holder.