TITUS
Old Georgian Hagiographical Texts, vol. I
Part No. 16
Previous part

Chapter: XVI  
Line of ed.: 3        16. და ვითარცა ესმა ჯოჯიკს, ვითარმედ მიახლებულ არს ნეტარი
Line of ed.: 4     დედოფალი წმიდაჲ შუშანიკ სიკუდილდ, წარვიდა და თანა წარიყვანნა
Line of ed.: 5     ცოლი და შვილნი და მონა-მჴევალნი მისნი. და მივიდა ციხედ ხილვად სანატრელისა
Line of ed.: 6     შუშანიკ მარტჳლისა. და ვითარცა მიიწია, მძლავრ შე-ხოლო-ვიდა
Line of ed.: 7     და თაყუანის-სცა პატიოსანსა ჯუარსა და მოიკითხა წმიდაჲ შუშანიკ.
Line of ed.: 8     თანა დაუჯდა და ჰკითხვიდა სალმობათა მათთჳს. ხოლო წმიდამან მან
Line of ed.: 9     ჰრქუა: "კეთილ ვარ, ვითარ ღმერთსა უნებს, არამედ ყოველთა წარსავალსა
Line of ed.: 10     მას გზასა მეცა წარვალ*". Ms. page: B_181  ხოლო ჯოჯიკ მსწრაფლ აღდგა ზე,
Line of ed.: 11     პირველთა მათ უწესოთა საქმეთა აღუარებდა და ევედრებოდა წმიდასა
Line of ed.: 12     შუშანიკს და ეტყოდა: "სძალო და მჴევალო ქრისტჱსო, ითხოვე ღმრთისაგან,
Line of ed.: 13     რაჲთა მომიტევნეს მე მრავალნი შეცოდებანი ჩემნი". ხოლო წმიდამან შუშანიკ
Line of ed.: 14     ჰრქუა მას: "თუ შენ სხუად სახედ ყრმებრ არარაჲ ჰქმენ, ღმერთმან
Line of ed.: 15     მოგიტევნეს შენ", და ჯოჯიკ ჰრქუა: "მაგის სახისათჳს მოვედ მე შენდა, რაჲთა,
Line of ed.: 16     რომელი-იგი არა რაჲმე სათნო იყოს ღმრთისა, არა ვქმნე". წმიდამან შუშანიკ
Line of ed.: 17     ჰრქუა: "უკუეთუ ეგე ეგრეთ ჰყო შენ, უკუდავ მექმნე მე მაგით სიტყჳთა
Line of ed.: 18     და ღმერთმან შესძინენ დღეთა ცხორებისა შენისათა".

Line of ed.: 19        და მერმე, ვითარ შეატყუა ჯოჯიკ, ვითარმედ მას დღესა განვალს
Line of ed.: 20     წმიდაჲ იგი ჴორცთა ამათგან, ჰრქუა: "მაკურთხე მე და ცოლი ჩემი, მჴევალი
Line of ed.: 21     შენი, და შვილნი ჩემნი და მონა-მჴევალნი ჩემნი, და თუ რაჲმე შეგცოდეთ,
Line of ed.: 22     ვითარცა კაცთა საწუთროჲსათა და სოფლის მოყუარეთა, მოგჳტევენ
Line of ed.: 23     და ნუ მოიჴსენებ მედგრობათა ჩემთა". ხოლო წმიდამან შუშანიკ
Line of ed.: 24     ჰრქუა ჯოჯიკს და ცოლსა მისსა: "ჰყავთ წარმდებად საქმჱ ესე ჩემი, რამეთუ
Line of ed.: 25     არავინ იპოვა კაცთაგანი, რომელსა-მცა აქუნდა წყალობაჲ და ტკივილი
Line of ed.: 26     ჩემთჳს, რომელმან-მცა შეაჯერა უღმრთოსა მას საწუთროსა მეუღლესა". ხოლო
Line of ed.: 27     მათ ჰრქუეს: "ჩუენ თჳნიერ შენსა ფრიად დავშუერით, გარნა არა იყო სმენაჲ,
Line of ed.: 28     არცა სიტყუაჲ". მაშინ ჰრქუა წმიდამან შუშანიკ: "განვისაჯნეთ მე და
Line of ed.: 29     ვარსქენ პიტიახში მუნ, სადა-იგი არა არს თუალ-ღებაჲ წინაშე მსაჯულისა
Line of ed.: 30     მის მსაჯულთაჲსა და მეუფისა მის მეუფეთაჲსა, სადა არა არს რჩევაჲ მამაკაცისა
Line of ed.: 31     და დედაკაცისაჲ**, სადა მე და მან სწორი სიტყუაჲ ვთქუათ წინაშე
Line of ed.: 32     უფლისა ჩუენისა იესუ ქრისტჱსა; მიაგოს მას უფალმან***, ვითარ
Line of ed.: 33     მან უჟამოდ ნაყოფნი ჩემნი მოისთულნა და სანთელი ჩემი დაშრიტა და ყუავილი
Line of ed.: 34     ჩემი დააჭნო, შუენიერებაჲ სიკეთისა ჩემისაჲ დააბნელა და დიდებაჲ
Page of ed.: 27   Line of ed.: 1     ჩემი დაამდაბლა. და ღმერთმან საჯოს მის შორის და ჩემ შორის. ხოლო
Line of ed.: 2     მე აწ ამას ვჰმადლობ ღმერთსა, რამეთუ ტანჯვითა მისითა მე ლხინებაჲ
Line of ed.: 3     ვპოო, და გუემათა და თრევათა მისთათჳს მე განსუენებასა მივემთხჳო, და
Line of ed.: 4     უგულისჴმოებისა და უწყალოებისა მისისათჳს მე წყალობასა მოველი იესუ
Line of ed.: 5     ქრისტჱს მიერ უფლისა ჩემისა".

Line of ed.: 6        ხოლო იგინი ამას ყოველსა სიტყუასა მისსა ზედა ტიროდეს მწარედ
Line of ed.: 7     და ჰრქუეს: "მოგჳტევენ ბრალნი ჩუენნი და გუაკურთხენ, წმიდაო მოწამეო და
Line of ed.: 8     Ms. page: B_182  მარტჳლო სანატრელო ქრისტჱს ღმრთისაო", ხოლო წმიდამან შუშანიკ
Line of ed.: 9     ჰრქუა: "ღმერთმან მიგიტევენინ, რომელ-რაჲ-იგი ჰყავთ". მაშინ-ღა
Line of ed.: 10     აკურთხნა ჯოჯიკ და ცოლი და შვილნი მისნი და მონა-მჴევალნი მისნი
Line of ed.: 11     და ყოველი ეზოჲ და პალატი მისი. და ამცნებდა სლვად გზათა ღმრთისათა
Line of ed.: 12     და ეტყოდა, ვითარმედ: ესე ყოველი ცხორებაჲ, ვითარცა ყუავილი ველთაჲ,
Line of ed.: 13     წარმავალ არს* და დაუდგრომელ, და ვინ სთესა -- მოიმკო** და ვინ განაბნია
Line of ed.: 14     გლახაკთათჳს -- შეიკრიბა, და რომელმან წარიწყმიდოს თავი თჳსი,
Line of ed.: 15     მან პოოს იგი***, რომელმან ადიდა იგი". და უჯმნნა და გამოგზავნნა
Line of ed.: 16     იგინი მშჳდობით.

Next part


This text is part of the TITUS edition of Old Georgian Hagiographical Texts, vol. I.

Copyright TITUS Project, Frankfurt a/M, 12.12.2008. No parts of this document may be republished in any form without prior permission by the copyright holder.