TITUS
Old Georgian Hagiographical Texts, vol. I
Part No. 15
Previous part

Chapter: XV  
Line of ed.: 19        15. და ვითარცა მეშჳდე წელი დადგებოდა, მოიწია წმიდისა და სამგზის
Line of ed.: 20     სანატრელისა შუშანიკის ზედა წყლულებაჲ-ცა ჴორცთა მისთაჲ და დაუცხრომელად
Line of ed.: 21     შრომათა მათ გამო დაუსივდეს ფერჴნი მისნი და თხრამლი აღმოსდიოდა
Line of ed.: 22     ადგილდ-ადგილდ. და წყლულებანი დიდ-დიდნი იყვნეს და მატლი-ცა
Line of ed.: 23     დასხმულ იყო წყლულთა მათ, რომელ-იგი აღიღო ჴელითა თჳსითა
Line of ed.: 24     და მიჩუენებდა მე და ჰმადლობდა ღმერთსა. და თქუა: "ხუცეს, ნუ მძიმე
Line of ed.: 25     გიჩნ ესე, რამეთუ მუნი იგი მატლი უდიდჱს არს და არა მოკუდების"*.
Line of ed.: 26     და მე, ვითარცა ვიხილე მატლი იგი, მოუგონებელად დიდად მწუხარე
Line of ed.: 27     ვიყავ და ვტიროდე ფრიად. კუალად მრქუა მე რისხვით: "ხუცეს, რად
Line of ed.: 28     მწუხარე ხარ? ვიდრე უკუდავთა მათ მატლთა შეჭმასა, უმჯობჱს იყავნ
Line of ed.: 29     ამათ მოკუდავთა შეჭმაჲ აქა-ვე ამას ცხორებასა". და მე მიუგე და ვარქუ:
Line of ed.: 30     "ძაძისა სამოსელი მცირედ-ღა შეგერაცხაა საგუემელად, და აწ მატლთა
Line of ed.: 31     მაგათთჳს მხიარულ ხარ?. და მან მრქუა მე ქენებით: "ნუ ვის თანა იტყჳ
Line of ed.: 32     ძაძისა სამოსლისათჳს ცხორებასა ჩემსა, რამეთუ ადრე ყოფად არს დატევებაჲ
Line of ed.: 33     უბადრუკთა ამათ ჴორცთა ჩემთაჲ". რამეთუ შინაგან ძაძაჲ ემოსა და არავინ
Page of ed.: 26   Line of ed.: 1     იცოდა ჩემსა გარეშე, ხოლო გარეგან კაცთა თუალსა ანტიოქიისა პალეკარტი
Line of ed.: 2     ემოსა.

Next part


This text is part of the TITUS edition of Old Georgian Hagiographical Texts, vol. I.

Copyright TITUS Project, Frankfurt a/M, 12.12.2008. No parts of this document may be republished in any form without prior permission by the copyright holder.