TITUS
Old Georgian Hagiographical Texts, vol. I
Part No. 14
Previous part

Chapter: XIV  
Line of ed.: 27        14. და ვითარცა აღივსებოდა მეექუსჱ იგი წელი საპყრობილესა მას
Line of ed.: 28     შინა, ჯეკმა დამაშურალობითა შრომათა მათ შინა სიმჴნისა მისისაჲთა სენი
Line of ed.: 29     სნეულებისაჲ მოიწია მის ზედა, რომელსა-იგი წინაჲსწარ უღაღადებდი და
Line of ed.: 30     ვეტყოდე, ვითარმედ: "ნუ ჯეკმა, რამეთუ დაუმძიმებ ჴორცთა მაგათ ზედა,
Line of ed.: 31     რამეთუ ვერ დაგითმონ და მერმე ვერღარას შემძლებელ იყო ყოფად რაჲს-მე
Line of ed.: 32     საქმედ კეთილსა ეგოდენითა მაგით ფიცხლად მარხვითა და მარადის
Line of ed.: 33     ზე-დგომითა და ღამე ყოველ დაშურომითა, ფსალმუნებითა და გალობითა". და
Line of ed.: 34     არცა-ღა მცირედ სადა სცა ჴორცთა მისთა განსუენებაჲ, და შეიქმნა და
Line of ed.: 35     დადნა ვითარცა ავლი.

Page of ed.: 25  
Line of ed.: 1        ხოლო დიდთა მათ მარხვათა აღვსებისათა ერგასისთა მათ დღეთა,
Line of ed.: 2     ექუსთა წელთა შინა არცა დღისი, არცა ღამჱ არა დაჯდის ქუე, არცა დაიძინის,
Line of ed.: 3     არცა საჭმელი რაჲ მიიღის, გარნა დღესა ხოლო კჳრიაკესა ეზიარის
Line of ed.: 4     ჴორცსა და სისხლსა ქრისტჱს ღმრთისა ჩუენისასა, და მცირედ ოდენ წუენი
Line of ed.: 5     მხლისა შექმნული -- იგი-ცა მცირედ -- მიიღის, ხოლო პურისა გემოჲ არა
Line of ed.: 6     იხილის ვიდრე აღვსებადმდე.

Line of ed.: 7        და მიერ დღითგან, ვინაჲთგან პყრობილ ყვეს იგი ციხესა მას შინა,
Line of ed.: 8     სასთაულსა ზედა თავი არა მიდვის, გარნა ალიზი ერთი დაიდვის სასთუნალ.
Line of ed.: 9     და ქუე-საგებელად იყო გირჯაკი ერთი ძუელი და კაცთა თუალსა
Line of ed.: 10     სასთაული ერთი ხალენისა უცნ სასთუნლით კერძო. და თაყუანის-საცემელად
Line of ed.: 11     კილიკი ერთი მცირჱ ქუე წარუგდებიედ, და გრწყილი და ტილი მოუგონებელი
Line of ed.: 12     ადგილსა მას დასხმულ იყო. ჟამსა ზაფხულისასა ცეცხლებრ შემწუელი
Line of ed.: 13     Ms. page: B_180  იგი მჴურვალებაჲ მზისაჲ, ქარნი ხორშაკნი და წყალნი მავნებელნი,
Line of ed.: 14     რომლისა მკჳდრნი-ცა მის ადგილისანი სავსენი სენითა, წყლითა განსივებულნი
Line of ed.: 15     და განყჳთლებულნი, დაწერტილნი და დამჭნარნი და დამღიერებულნი,
Line of ed.: 16     ჩარადოვანნი, პირ-მსივანნი და დღე-მოკლედ ცხორებულნი; და
Line of ed.: 17     მოხუცებული არავინ არს მათ ქუეყანათა. და ესეთსა მას ციხესა შინა
Line of ed.: 18     ექუს წელ პყრობილ იყო და მძიმეთა მათ საკრველთა შინა ადიდებდა ღმერთსა.

Next part


This text is part of the TITUS edition of Old Georgian Hagiographical Texts, vol. I.

Copyright TITUS Project, Frankfurt a/M, 12.12.2008. No parts of this document may be republished in any form without prior permission by the copyright holder.