TITUS
Old Georgian Hagiographical Texts, vol. I
Part No. 13
Previous part

Chapter: XIII  
Page of ed.: 24  
Line of ed.: 1     13. და მერმე მოციქულნი მოავლინნა პიტიახშმან და ჰრქუა: "ანუ
Line of ed.: 2     ნებაჲ ჩემი ყავ და მოვედ ტაძრად. უკუეთუ არა მოხჳდე შინა, ჩორდ წარგცე
Line of ed.: 3     შენ ანუ კარად კარაულითა". ხოლო წმიდამან შუშანიკ მიჰრქუა ესრეთ: "უბადოო
Line of ed.: 4     და უგულისჴმოო, ხოლო მე თუ კარად ანუ ჩორდ წარმცე, ვინ უწყის, თუ
Line of ed.: 5     მუნ კეთილსა რას-მე შევემთხჳო და ბოროტსა ამას განვერე". და გულსა
Line of ed.: 6     ეტყოდა პიტიახში იგი სიტყუათა მათთჳს (ვითარ-იგი ჰრქუა მას, ვითარმედ:
Line of ed.: 7     ვინ უწყის, თუ კეთილსა რას-მე მივემთხჳო"), ვითარმედ: "ნუუკუე მთავართაგანსა
Line of ed.: 8     ვის-მე ეცოლოს". და მიერითგან არღარავინ მიავლინა მისა. ხოლო
Line of ed.: 9     წმიდაჲ შუშანიკ ბოროტთა მათ გუემათა დათმენათათჳს იტყოდა, რაჲთა-მცა
Line of ed.: 10     სათნო ეყო ღმერთსა.

Line of ed.: 11        ხოლო პიტიახშმან გამოარჩია ძუძუჲს-მტჱ მისი საკუთარი, რაჲთა
Line of ed.: 12     მოიყვანოს იგი ტაძრად. და ვითარცა ჰრქუა კაცმან მან: "ისმინე ჩემი და
Line of ed.: 13     ჩამოვედ ტაძრად, და ნუ აოჴრებ სახლსა მას თქუენსა", ჰრქუა მას წმიდამან
Line of ed.: 14     შუშანიკ: "არქუ მას უღმრთოსა, ვითარმედ შენ მომკალ და მარქუ მე:
Line of ed.: 15     ცოცხალითა ფერჴითა არა გამოხჳდე შენ მაგიერ ციხით. ხოლო აწ, უკუეთუ
Line of ed.: 16     Ms. page: B_179  შემძლებელ ხარ მკუდარსა აღდგინებად, პირველად დედაჲ შენი
Line of ed.: 17     აღადგინე, რომელი ურდს დამარხულ არს, გარნა თუ მისა ვერ შემძლებელ
Line of ed.: 18     ხარ აღდგინებად, ვერცა ჩემდა შემძლებელ ხარ განყვანებად, გარნა თრევით
Line of ed.: 19     განმითრიო". და ვითარცა მიუთხრეს პიტიახშსა სიტყუაჲ იგი, და მან თქუა:
Line of ed.: 20     "ნანდჳლვე ვთქუ ეგე!"

Line of ed.: 21        და მეორესა დღესა შემო-ვინმე-ვიდა და ჰრქუა წმიდასა შუშანიკს:
Line of ed.: 22     "კეთილად მიუგე მას სიტყუაჲ იგი, რამეთუ მაგით სახით ეგულებოდა შეტყუვილი
Line of ed.: 23     შენი და მას სხუაჲ ზრახვაჲ გულსა მოეჴადა სიბოროტისაჲ
Line of ed.: 24     შენთჳს", წმიდამან შუშანიკ ჰრქუა მას: "და შენ ღმერთი ძილსა შინა ნუ
Line of ed.: 25     გგონიეს*, რომელმან განუმზადნის სიტყუანი პირსა კაცისასა, რამეთუ
Line of ed.: 26     იტყჳს თჳთ უფალი: მე მიუგო სიტყუაჲ თქუენ წილ"**.

Next part


This text is part of the TITUS edition of Old Georgian Hagiographical Texts, vol. I.

Copyright TITUS Project, Frankfurt a/M, 12.12.2008. No parts of this document may be republished in any form without prior permission by the copyright holder.