TITUS
Old Georgian Hagiographical Texts, vol. I
Part No. 12
Previous part

Chapter: XII  
Line of ed.: 11        12. ხოლო წმიდამან შუშანიკ ნაცვალად ჭიჭნაუხტისა საქმისა დიდითა
Line of ed.: 12     Ms. page: A_359vb  გულს მოდგინებითა ჴელთა აღიხუნა დავითნი და მცირედთა დღეთა
Line of ed.: 13     შემდგომად ასერგასისნი იგი ფსალმუნნი დაისწავლნა, რომლითა-იგი
Line of ed.: 14     დღჱ და ღამჱ ზესკნელისა მის მეუფისა მიმართ სათნოსა მას გალობასა შესწირვიდა
Line of ed.: 15     ცრემლით.

Line of ed.: 16        და უთხრეს ნეტარსა შუშანიკს, ვითარმედ: "შვილნი იგი შენნი მიაქცინა
Line of ed.: 17     მოგობასა". მაშინ იწყო თაყუანის-ცემად ღმრთისა მიმართ ტირილითა
Line of ed.: 18     დიდითა და თავსა თჳსსა ქუე დამართ სცემდა, სულთ-ითქუნა და თქუა:
Line of ed.: 19     "გმადლობ შენ, უფალო ღმერთო ჩემო, რამეთუ იყვნეს-ვე არა ჩემნი, არამედ
Line of ed.: 20     შენნი მოცემულნი იყვნეს. ვითარცა გნებავს, იყავნ ნებაჲ შენი, უფალო,
Line of ed.: 21     და მე დამიცევ საქმეთაგან მტერისათა".

Line of ed.: 22        და მე მივედ და ვიხილე წმიდაჲ შუშანიკ დამშრშალი და დაბუშებული
Line of ed.: 23     ტირილითა. და რამეთუ მოეძღუანა წმიდასა მას ეპისკოპოსსა საზრდელი,
Line of ed.: 24     Ms. page: B_178  და ვითარ ფრიად ვაიძულე, მცირედ ოდენ გემოჲ იხილა და
Line of ed.: 25     ვჰმადლობდით ღმერთსა. და ვიდრე მუნ ჟამადმდე მოვიდიან შვილნი იგი
Line of ed.: 26     მისნი ხილვად დედისა თჳსისა, ხოლო რაჟამს მიაქცინეს და უვარ-ყვეს
Line of ed.: 27     ღმერთი, ვერღარა იკადრეს ხილვად მისა, არამედ სახელი-ცა მათი სძაგდა
Line of ed.: 28     სმენად.

Next part


This text is part of the TITUS edition of Old Georgian Hagiographical Texts, vol. I.

Copyright TITUS Project, Frankfurt a/M, 12.12.2008. No parts of this document may be republished in any form without prior permission by the copyright holder.