TITUS
Old Georgian Hagiographical Texts, vol. I
Part No. 40
Previous part

Chapter: 9  
Line of ed.: 32  
თავი : ზ^ :

Line of ed.: 33  
აღწერილი მის-ვე სიდონია[ჲ]სი
Line of ed.: 34  
რომელი იხ[ი]ლა, აღწერა:
Line of ed.: 35  
მირიან მეფისა მოქცევისა და ჯუარისა
Line of ed.: 36  
აღმართების[ა]თ[ჳ]ს და ეკლ[ე]სიათა
Line of ed.: 37  
აღშენებისათჳს და ყოველთა
Line of ed.: 38  
სასწაულთათჳს, რომელნი აღასრულნა
Line of ed.: 39  
წმიდამან ნინო სანატრელმან


Line of ed.: 40        და იყო დღესა ერთსა, ჟამსა ზაფხულისასა,
Line of ed.: 41     თუესა ივლისსა : კ^ :, დღესა
Page of ed.: 135   Line of ed.: 1     შაფათსა, აღჴდა მეფე და განვიდა
Line of ed.: 2     ნადირობად მუხნარით კერძო, და
Line of ed.: 3     მოვლო სანახები მუხნარისა და განვიდა
Line of ed.: 4     მთათა ზედა თხოთისათა მაღნართა,
Line of ed.: 5     რათა-მცა მოხ[ე]დნა ციხეთა მათ დიდთა ასპად
Line of ed.: 6     და კასპად და უფლის-ციხედ, და განვიდა თხემსა მის
Line of ed.: 7     მთის[ა]სა. და შუა სამხარ ოდენ დაბ[ნ]ელდა მის ზედა
Line of ed.: 8     მზე, და იქმნა ღამე უკუნი, ბნელი ფრიად დაფ[ა]რნა
Line of ed.: 9     ბნ[ე]ლმან არენი და ადგ[ი]ლნი იგინი, და განიბნივნეს
Line of ed.: 10     ურვისა მისგან და ჭირისა ურთიერთარს ყოველნი ერნი
Line of ed.: 11     მისნი, და დარჩა მეფე მარტოჲ და იარებოდა მთათა
Line of ed.: 12     ზედა და მაღნართა შინა შეშინებ[უ]ლი და შეძრწუნვებული.
Line of ed.: 13     და დადგა ერთსა ად\გილსა Ms. page: C_27r   და წარეწირა
Line of ed.: 14     სასოებაჲ ცხორებისა მისისა. ხოლო კეთილის მყოფელმან
Line of ed.: 15     ღმერთმან აქცია გონებაჲ მისი უცნობელობისაგან
Line of ed.: 16     ცნობად და უმეცრების[ა]გ[ა]ნ მეცნიერებად, და მოეგო
Line of ed.: 17     ცნობასა და განიზრ[ა]ხვიდა გულსა თჳსსა და თქუა: "აჰა
Line of ed.: 18     ეს[ე]რა, ვხედავ, რამეთუ ვხადი ჴმითა მაღლითა არმაზს
Line of ed.: 19     და ზადენს და არა ვპოვე ლხინებაჲ ჩემ ზედა. აწ უკუე
Line of ed.: 20     ვხადო, რომელსა-იგი ნინო ქადაგებს ჯუარსა და ჯუარ-ცუმულსა
Line of ed.: 21     და ჰყოფს კურნებათა მრავალთა მისითა სასოებითა.
Line of ed.: 22     აწ არა-მცა ძალ-იდვა ჴსნაჲ ჩემი ამის ჭირისაგ[ა]ნ,
Line of ed.: 23     რამეთუ ვარ მე ცოცხლივ ჯოჯოხეთს შინა, და
Line of ed.: 24     არა უწყი ესე, თუ ყ[ოვ]ლისა ქუეყანისათჳს იქმნა
Line of ed.: 25     დაქცევაჲ და ნათელი ბნელად გარდაიქცა, ანუ ჩემთჳს
Line of ed.: 26     ოდენ არს ჭირი ესე". მ[ე]ყს[ე]ულ[ა]დ ჴმა-ყო და
Line of ed.: 27     თქუა: "ღმერთო ნინოჲსო, განმინათლე ბნ[ე]ლი ესე და
Line of ed.: 28     მიჩ[უე]ნე საყოფ[ე]ლი ჩემი, და აღვიარო სახელი შენი,
Line of ed.: 29     და აღვჰმართო ძელი ჯუარისა შენისა[ჲ] და თაყუანის-ვსცე
Line of ed.: 30     მას, და აღგიშ[ე]ნო სახლი სახლად შენდა და
Line of ed.: 31     ს[ა]ლოცვ[ე]ლად ჩემდა, და ვიყო მორჩილ ნინო[ჲ]სსა
Line of ed.: 32     და სჯულსა ზედა ჰრომთასა". და ესე რაჲ თქუა და
Line of ed.: 33     წარმოთქ[უ]ა, მაშინ განთენა და მსწრაფლ გამობრწყინდა
Line of ed.: 34     მზე.

Line of ed.: 35        მაშინ გარდამოვიდა მეფე ცხენისაგან და დავ[ა]რდა
Line of ed.: 36     პირ-დაქცევით ქუეყანასა ზედა სულთქუმით და
Line of ed.: 37     ტირ[ი]ლით. და აღდგა და განიპყრნა ჴელნი აღმოსავლეთით
Line of ed.: 38     და თქუა: "შენ ხარ ღმერთი ყოველთა ზედა ღმერთთა
Line of ed.: 39     და უფალი ყოველთა ზედა უფალთა, ღმერთი,
Page of ed.: 136   Line of ed.: 1     რომელსა ნინო ქადაგებს, და საქებ[ე]ლ სახელი
Line of ed.: 2     შენი ყოვლისაგან დაბადებულისა ცასა ქუეშე და ქუეყანასა
Line of ed.: 3     ზედა. Ms. page: C_27v   შენ მიჴსენ ჭირისაგან და ს[ა]ხელის-დებითა
Line of ed.: 4     შენითა მსწრაფლ განმინათლე ბნელი ჩემი. აჰა
Line of ed.: 5     ეს[ე]რა მიცნობიეს, რამეთუ გინდა ჴსნაჲ ჩემი და მიახლებაჲ
Line of ed.: 6     ჩემი შენდა, და აწ ამ[ა]ს ადგილსა აღვმართო
Line of ed.: 7     ძელი ჯუარისა შენისა[ჲ], რომლითა იდიდებოდის სახელი
Line of ed.: 8     წმიდაჲ შენი და იჴსენებოდის საქმე ესე სასწაულთა
Line of ed.: 9     ამათ უკუნისამდე". და ისწავლა ადგ[ი]ლი იგი,
Line of ed.: 10     და წარმოემართა და გამოვიდა. და ვითარცა იხილეს
Line of ed.: 11     ნათელი ერმან მისმან, მყოვარ ჟამ შეიერთნეს განბნეულნი
Line of ed.: 12     ესე და შეწუხებულნი. და მეფე ღაღადებდა
Line of ed.: 13     და ეტყოდა ყოველსა მას ერსა მისსა, ვითარმედ: "მიეცით
Line of ed.: 14     დიდებაჲ ღმერთსა ნინოჲსსა ყოველმან ერმან, რამეთუ
Line of ed.: 15     იგი არს ღმერთი საუკუნოჲ და მას მხოლოსა
Line of ed.: 16     შუენის ქებაჲ უკუნისამდე, ამინ".

Line of ed.: 17        ხოლო ნანა დედოფალი და ყოველი
Line of ed.: 18     ქალაქი განვიდეს მიგებებად მეფისა,
Line of ed.: 19     რამეთუ ესმა პირველად წარწყმედაჲ
Line of ed.: 20     და კუალად მოსლვაჲ მშჳდობით. და
Line of ed.: 21     იქმნა ფრიადი სიხარული პალატ-ბანაკსა
Line of ed.: 22     შინა მეფისასა, რამეთუ გლოვაჲ
Line of ed.: 23     მათი სიხარულად გარდაიქცა. და მიეგ[ე]ბვოდეს
Line of ed.: 24     ქანჯარს და ღართას. ხოლო
Line of ed.: 25     ნეტარი ნინო დგა ლოცვად მწუხრისა
Line of ed.: 26     მაყუალთა მათ შინა ჩუეულებისაებრ
Line of ed.: 27     თჳსისა : ზ^ : ჟამსა დღისასა.

Line of ed.: 28        და ვითარცა შემოვიდა მეფე, იძრვოდა
Line of ed.: 29     ყოველი ქ[ა]ლ[ა]ქი, და ჴმითა მაღლითა
Line of ed.: 30     ღაღადებდა მეფე: "სადა არს დედაკაცი
Line of ed.: 31     იგი უცხოჲ, რომელ არს დედაჲ
Line of ed.: 32     ჩემი, და ღმერთი მისი მჴსნ[ე]ლი
Line of ed.: 33     ჩემი"? ვითარცა ესმა ესე მეფესა,
Line of ed.: 34     თუ მაყუალთა შინა არს ლოცვად,
Line of ed.: 35     მსწრაფლ მოდრკა მეფე და ყოველი
Line of ed.: 36     ლაშქარი მის თანა, და გარდამოიჭრა
Line of ed.: 37     ჰუნისაგან თჳსისა და დავ[ა]რდა
Line of ed.: 38     ქუეყანასა ზედა და ეტყოდა წმიდასა:
Line of ed.: 39     "აწ Ms. page: C_28r   უწყი, რამეთუ ღირს ვიქმენ
Page of ed.: 137   Line of ed.: 1     აღსარებად სახელსა ღმრთისა შენისასა
Line of ed.: 2     და დამჴსნელისა ჩემისასა". ხოლო
Line of ed.: 3     სანატრ[ე]ლი იგი ასწავებდა და
Line of ed.: 4     აწუევდა მსწრაფლ თაყუანის-ცემ[ა]სა
Line of ed.: 5     აღმოსავლეთით და მართლ აღსარებად
Line of ed.: 6     ქრისტესა, ძესა ღმრთისასა.

Line of ed.: 7        მაშინ იყო გრგჳნვაჲ დიდი და ტირილი
Line of ed.: 8     ყოვლისა ერისაჲ, ოდეს ხედვიდეს
Line of ed.: 9     მეფესა და დედოფალსა, რამეთუ სდიოდეს
Line of ed.: 10     ცრ[ე]მლნი მწარ[ე]ნი თუალთაგან
Line of ed.: 11     მათთა.

Line of ed.: 12        მაშინ ჰრქუა წმიდამან მეფესა: "მეფე,
Line of ed.: 13     ისმინე ჩემი, რამეთუ ღმერთმან
Line of ed.: 14     მოხედნა ქუეყანასა ამას დღეთა მეფობისა
Line of ed.: 15     შენისათა, და მე დედ[ა]კ[ა]ცი
Line of ed.: 16     ვარ ცოდვილი და არა ჯერ-არს ჩემგან
Line of ed.: 17     ნათლის-ცემაჲ, არამედ მსწრ[ა]ფლ წარგზავნენ
Line of ed.: 18     მოციქ[უ]ლნი საბერძნეთად
Line of ed.: 19     კოსტანტინე და ელ[ე]ნე მეფეთა წინაშე
Line of ed.: 20     და წიგნი-ცა ჩემი, რათა მოგივლ[ი]ნოს
Line of ed.: 21     ეპისკოპ[ო]სი და მღდელნი და
Line of ed.: 22     მათ მიერ აღიბეჭდნეთ სახელსა ზედა
Line of ed.: 23     მამისა და ძისა და წმიდისა სულისასა".

Line of ed.: 24        და ხვალისა დღესა წარავლინნა მოციქულნი
Line of ed.: 25     საბერძნეთად. ხოლო ნეტარი
Line of ed.: 26     ნინო ასწავებდა დღე და ღამე მეფესა
Line of ed.: 27     ყოველსა ჭეშმარიტსა გზასა ღმრთისასა,
Line of ed.: 28     აწ და უკუნითი უკუნისამდე, ამინ.



Next part


This text is part of the TITUS edition of Old Georgian Hagiographical Texts, vol. I.

Copyright TITUS Project, Frankfurt a/M, 12.12.2008. No parts of this document may be republished in any form without prior permission by the copyright holder.