TITUS
Old Georgian Hagiographical Texts, vol. I
Part No. 47
Previous part

Chapter: II  
Line of ed.: 16        2. მას ჟამსა ოდენ იყო ვინმე ქუეყანასა ქართლისასა, სანახებსა ზენა სოფლისასა,
Line of ed.: 17     კაცი, რომელსა სახელი ერქუა კოსტანტი, რომელსა ეწოდა კახაჲ
Line of ed.: 18     სახელად მამულისა მის ქუეყანისა. კაცი ესე იყო წარჩინებულ ფრიად დიდად
Line of ed.: 19     ყოველსა ქუეყანასა ქართლისასა, ფრიადი სიმდიდრჱ აქუნდა და
Line of ed.: 20     მრავალი საშუებელი ამის სოფლისაჲ. და განთქუმულ იყო სახელი მისი ქუეყანათა
Line of ed.: 21     შორიელთა, ვიდრემდის მეფეთა-ცა მისმენილ იყო მისთჳს.

Line of ed.: 22        და ესე ნეტარი შემკობილ იყო ორკერძოჲთა-ვე მით საქმითა, ვითარცა
Line of ed.: 23     ხჱ ფურცლითა და ნაყოფითა. და აქუნდა მას სარწმუნოებაჲ უფლისა
Line of ed.: 24     ჩუენისა იესუ ქრისტჱს მიმართ შეუორგულებელი და უმტკიცჱსი მთათა. და
Line of ed.: 25     კუალად აქუნდა ნეტარსა მას სარწმუნოებაჲ მღდელთ-მოძღუართა მიმართ
Line of ed.: 26     და ყოველთა მოწესეთა ეკლესიისათა, ვითარცა-იგი ღირს არს და მართალ.
Line of ed.: 27     და უყუარდეს მას მონაზონნი და აქუნდა მათა მიმართ სარწმუნოებაჲ, და
Line of ed.: 28     მოსწრაფე იყო მსახურებასა მათსა, და უკუეთუ ვინმე მონაზონთაგანი, გინა
Line of ed.: 29     ყოლად-ვე მოწესეთაგანი მივიდის სახლად მისა, მიეგებვინ იგი სიხარულით,
Line of ed.: 30     თაყუანის-სცის პირსა ზედა ქუეყანისასა და ფრიად განუსუენის მას
Line of ed.: 31     და მრავლითა ნიჭითა წარგზავნის იგი.

Line of ed.: 32        ხოლო სტუმარ[თ]-მოყუარებისა და გლახაკთ-მოწყალებისა მისისათჳს
Line of ed.: 33     ვერვის ძალ-უც მითხრობად ღირსად, არამედ მცირედი ოდენ რაჲმე
Line of ed.: 34     ვთქუათ. ვინ, სადა ვინ მივიდა მისა მშიერი, ანუ წყურიელი, და არა-მცა
Line of ed.: 35     განაძღო იგი, ანუ შიშუელი და არა შემოსა იგი სიხარულით?! მრავალნი მოივლტიედ
Line of ed.: 36     მისა შორით ქუეყანით ლტოლვილნი თანა-მდებთა თჳსთაგან,
Page of ed.: 166   Line of ed.: 1     ხოლო მან მხიარულებითა დიდითა გარდაჰჴადის თანა-ნადები იგი მათი.
Line of ed.: 2     ვინ-ა სადა იხი[ლა] მან ობოლი, გინა ქურივი, და არა მსწრაფლ იღუაწა
Line of ed.: 3     იგი?! და ამას ყოველსა თანა ფრიად მოღუაწე იყო იგი ნაკლულევანთათჳს
Line of ed.: 4     სახლისა თჳსისათა, რამეთუ ესმინა თქუმული იგი პავლჱს Ms. page: B_133  მოციქულისაჲ,
Line of ed.: 5     ვითარმედ: "უკუეთუ ვინმე თჳსთა, და უფროჲს-ღა სახლეულთა, არა მოღუაწე
Line of ed.: 6     იყოს, სარწმუნოებაჲ უვარ-უყოფიეს მას და არს იგი ურწმუნოთა
Line of ed.: 7     უძჳრჱს".

Line of ed.: 8        აქუნდა ნეტარსა მას სიმდაბლჱ და თავს-დებაჲ უფროჲს ყოველთა კაცთაჲ,
Line of ed.: 9     რამეთუ ესმინა სიტყუაჲ იგი მჴსნელისა და მაცხოვრისაჲ, ვითარმედ:
Line of ed.: 10     "ისწავეთ ჩემგან, რამეთუ მშჳდ ვარ და მდაბალ"**, და შეერაცხა თავი
Line of ed.: 11     თჳსი უცოდვილჱს ყოველთა კაცთა და ცრემლოვინ იგი ცოდვათა თჳსთათჳს,
Line of ed.: 12     და მრავალგზის თქჳს-ცა, ვითარმედ: "არა ვინ[აჲ] ვესავ მოტევებასა ცოდვათასა,
Line of ed.: 13     გარნა დათხევითა სისხლთა ჩემთაჲთა მისთჳს, რომელმან-იგი დასთხივნა
Line of ed.: 14     სისხლნი ჩუენთჳს".

Line of ed.: 15        გული უთქუმიდა ტაძარსა მას მისლვად იერუსალჱმდ, და თაყუანის-ცემად
Line of ed.: 16     წმიდასა გოლგათასა, სადა-იგი იქმნა განახლებაჲ ჩუენი მარჯუენისაგან
Line of ed.: 17     მაღლისა"*. და ნათლით შემოსილისა და ცხორების მომცემელისა
Line of ed.: 18     საფლავისა და წმიდისა სიონისა, დედისა ეკლესიათაჲსა, და ყოველთა წმიდათა
Line of ed.: 19     ადგილთა, რომელთა დადგეს ფერჴნი უფლისანი. და ვითარცა მიიწია
Line of ed.: 20     იგი იერუსალჱმდ, და მოილოცნა წმიდანი იგი ადგილნი, და საფასჱ დიდძალი
Line of ed.: 21     მისცა ეკლესიათა, გლახაკთა და მკჳდრთა იერუსალჱმისათა, და მერმე
Line of ed.: 22     გამოვიდა იერუსალჱმით და მოვლნა ყოველნი მონასტერნი უდაბნოჲსანი
Line of ed.: 23     და მკჳდრნი იორდანისანი. და მრავალი განსუენებაჲ და ნუგეშინის-ცემაჲ
Line of ed.: 24     მიემადლა მათ. ხოლო მათ მრავლითა ლოცვითა და კურთხევითა
Line of ed.: 25     წარმოგზავნეს იგი.

Line of ed.: 26        და ვითარ მოიქცა იგი ქუეყანად-ვე თჳსა, ცხონდებოდა იგი ბრწყინვალედ
Line of ed.: 27     მრავლითა ღმრთის მსახურებითა. და მიერითგან არღარა დააცადებდა
Line of ed.: 28     იგი სურვიელად კითხვასა იერუსალჱმს მშჳდობასა და აღშჱნებასა
Line of ed.: 29     გლახაკთასა, რომელნი მყოფ იყვნეს მას შინა, და რაჲ წელიწად წარსცის
Line of ed.: 30     ერთსა მსახურთა მისთაგანსა სამი ბევრი ვეცხლი, რომელი-მე მისგანი წმიდათა
Line of ed.: 31     ადგილთათჳს, და რომელი-მე უდაბნოთათჳს, და რომელი-მე გლახაკთათჳს,
Line of ed.: 32     რომელნი მკჳდრ იყვნეს იერუსალჱმს შინა. რამეთუ ესმინა მცნებაჲ
Line of ed.: 33     იგი პავლჱსი მოციქულისაჲ, რომელი მიწერა კორინთელთა მიმართ,
Line of ed.: 34     ვითარმედ: "ნამეტნავი ეგე თქუენი იყავნ ნაკლულევანთა მათთჳს, რომელნი
Line of ed.: 35     არიან იერუსალჱმს, რაჲთა მათი-ცა იგი ნამეტნავი იყოს თქუენისა მის
Line of ed.: 36     ნაკლულევანებისათჳს"*.

Next part


This text is part of the TITUS edition of Old Georgian Hagiographical Texts, vol. I.

Copyright TITUS Project, Frankfurt a/M, 12.12.2008. No parts of this document may be republished in any form without prior permission by the copyright holder.