TITUS
Old Georgian Hagiographical Texts, vol. I
Part No. 46
Previous part

Text: Mart._Konst._Kax.  
Martyrium Constantii Cachae



Page of ed.: 164  
Line of ed.: 1  
Ms. page: B_131 
თთუესა ნოენბერსა : ი^ :


Line of ed.: 2  
ცხორებაჲ და წამებაჲ წმიდისა მოწამისა კოსტანტისი
Line of ed.: 3  
ქართველისაჲ, რომელი იწამა ბაბილოვნელთა მეფისა
Line of ed.: 4  
ჯაფარის მიერ*


Line of ed.: 5  
გუაკურთხენ, მამაო!


Chapter: I  
Line of ed.: 6        1. საყუარელნო, განცხადებულ არს ყოველთათჳს, ვითარმედ არავინ
Line of ed.: 7     ყო აღწერაჲ იგი წიგნთაჲ გარნა მადლითა სულისა წმიდისაჲთა, რამეთუ
Line of ed.: 8     დიდმან მან მოსე პირველად იწყო აღწერად შესაქმისა ცისა და ქუეყანისა,
Line of ed.: 9     რომელ არასადა ეხილვა, არამედ უწყებითა სულისა წმიდისაჲთა აღწერა
Line of ed.: 10     იგი ვითარცა თუალითა ხილული. და მისა შემდგომად აღწერნა სხუანი-ცა
Line of ed.: 11     წიგნნი, რომელთა შინა აუწყა გამოსლვაჲ იგი ძეთა ისრაჱლისათაჲ
Line of ed.: 12     შემდგომითი-შემდგომად ვიდრე აღსრულებადმდე მისა.

Line of ed.: 13        მერმე აღიწერნეს თქუმულნი იგი წინაწარმეტყუელთანი, რომელსა
Line of ed.: 14     ქადაგებდეს მოსლვისათჳს უფლისა ჩუენისა იესუ ქრისტჱსა და ჴორციელად
Line of ed.: 15     ღუაწლისა მისისათჳს. ხოლო შემდგომად მოსლვისა უფლისა ჩუენი[სა]
Line of ed.: 16     იესუ ქრისტჱსა აღ[ი]წერნეს ოთხნი ესე ევანგელენი, რომელთაგან
Line of ed.: 17     ეხარების ნათესავთა მომავალთა მოსლვაჲ იგი უფლისაჲ და განგებულებაჲ
Line of ed.: 18     მისი ჴორცითა მით, რომელ-იგი მიიხუნა ქალწულისა მარიამისგან წყალობისათჳს
Line of ed.: 19     ჩუენისა, და ამისა შემდგომად საქმენი მოციქულთანი, ვითარ-იგი
Line of ed.: 20     მოჰვლიდეს ყოველსა სოფელსა და ახარებდეს სიტყუასა მას ცხორებისასა,
Line of ed.: 21     და მრავალთა ჰრწმენა მათი და "ნათელ-იღებდეს სახელითა მამისაჲთა
Line of ed.: 22     და ძისაჲთა და სულისა წმიდისაჲთა"*.

Line of ed.: 23        ხოლო მარადის მტერი იგი და მოშურნჱ არა ვინაჲ დასცხრა წინა-აღმდგომად
Line of ed.: 24     ჭეშმარიტებისათჳს, და აღაზრზინნა მეფენი მის ჟამისანი და
Line of ed.: 25     იგინი აიძულებდეს მორწმუნეთა მათ მსახურებად კერპთა თჳსთა, ხოლო რომელნი
Page of ed.: 165   Line of ed.: 1     არა ერჩდეს მათგანნი, მოსწყუედდეს მათ პირითა მახჳლისაჲთა
Line of ed.: 2     და ცეცხლითა დასწუვიდეს.

Line of ed.: 3        მაშინ აღ-ვინმე-დგეს კაცნი მორწმუნეთაგანნი, იწყეს აღწერად ცხორებაჲ
Line of ed.: 4     წმიდათა მოწამეთაჲ და ვითარ სახით არნ აღსასრული ღუაწლისა მათისაჲ,
Line of ed.: 5     სადიდებელად წმიდათა მოწამეთა და აღსაბაძველად, რომელთა-იგი შური
Line of ed.: 6     Ms. page: B_132  საღმრთოჲ აქუნდეს.

Line of ed.: 7        ამის-ვე მიზეზისათჳს მეცა არა-ღირსმან ვინებე მიბაძვად პირველთა მათ
Line of ed.: 8     და აღვწერე ცხორებაჲ და წამებაჲ წმიდისა და ნეტარისა მოწამისა კოსტანტისი,
Line of ed.: 9     რომელი იყო დღეთა ჩუენთა მეფობასა ღმრთის მსახურისა თეოდორა
Line of ed.: 10     დედოფლისა, რომელი-იგი მეფობდა სამეფოსა ბერძენთასა, ვიდრე-იგი
Line of ed.: 11     ყრმა-ღა იყო ძჱ იგი მისი მიქაელ.

Line of ed.: 12        ამან ნეტარმან განწმიდა საბერძნეთი ყოველი საცთურისა მისგან, რომელი
Line of ed.: 13     იყო დღეთა ქმრისა მისისათა, ხატისა ურწმუნოებისა. და განამტკიცა
Line of ed.: 14     ღუაწლი ბერძენთაჲ და მრავალნი ჭალაკნი აღაშჱნნა, რომელნი მოოჴრებულ
Line of ed.: 15     იყვნეს აგარიანთა მიერ.

Next part


This text is part of the TITUS edition of Old Georgian Hagiographical Texts, vol. I.

Copyright TITUS Project, Frankfurt a/M, 12.12.2008. No parts of this document may be republished in any form without prior permission by the copyright holder.