TITUS
Old Georgian Hagiographical Texts, vol. I
Part No. 65
Previous part

Text: Vita_Io.Zed._A  
Vita Iohannis Zedazadnensis

(Versio A)



Page of ed.: 191  
Line of ed.: 20  
Ms. page: Q_426_14 
ცხორებაჲ წმიდისა მამისა
Line of ed.: 21  
ჩუენისა იოვანე ზედაძნელისაჲ.
Line of ed.: 22  
რომელი ბრძანებითა ღმრთისაჲთა
Line of ed.: 23  
და წინამძღურობითა სულისა
Line of ed.: 24  
წმიდისაჲთა მოივლინა ქუეყანით
Line of ed.: 25  
შუამდინარით ქუეყანად ქართლისად
Line of ed.: 26  
ათორმეტთა მოწაფეთა
Line of ed.: 27  
მისთა წმიდა\თა Ms. page: Q_427  თანა

Line of ed.: 28  
განაახლა და განავრცო წმიდამან [მამამან]
Line of ed.: 29  
ჩუენმან ქრისტეს მიერ არსენი
Line of ed.: 30  
კათალიკოზმან


Line of ed.: 31        მიზეზნი არიან აღმძრველ სიტყჳსა და სიტყუაჲ არს მიმთხრობელ
Line of ed.: 32     მიზეზთა, რომლისათჳს პირველ მივლენან საგრძნობელთა და
Line of ed.: 33     მიართჳან მიმღებელსა, და მიმღებელმან მისცის განმკითხველსა,
Line of ed.: 34     და განმკითხველმან -- დამმარხველსა. და ესრეთ გამოსახული იგი
Line of ed.: 35     მოიქცის და დაებერის ნესტუსა ენისა თჳსისასა და განგებულ<ად>,
Page of ed.: 192   Line of ed.: 1     ოხრინ, რაჲთა კუალად სასმენელთა სხუათა მისცემდეს თჳთ თანაზიარებითა
Line of ed.: 2     სმენისაჲთა, რომელ არს აწინდელი ესე ჩუენი მოქცევაჲ.

Line of ed.: 3        რამეთუ ჯერ-არს გამოცხადება სანატრელთაგან უწყებასა, -- ჴელით-მოჴსენებულთაგან
Line of ed.: 4     წერილთასა, -- სიტყუად დიდთა მათთჳს,
Line of ed.: 5     რომელნი განფენილ ქადაგებად ჯერ-არიან ყოველსა სოფელსა
Line of ed.: 6     მსახურთაგან სიტყჳსათა გამოცხადებითა მაღლისაჲთა, რომელნი
Line of ed.: 7     განშუენდეს გამოცხადებითა ჭეშმარიტებისა[ჲ]თა. არა თუ ადვილად
Line of ed.: 8     საურავსა რას-მე ვეძიებთ, არამედ სიღრმეთაგან ზღჳსათა პატიოსანთა
Line of ed.: 9     მარ\გალიტთა. Ms. page: Q_428  შრომით მოსაგებელთა, გუნებავს
Line of ed.: 10     ცხადად გამოჩინებაჲ, რომელნი განმზადებულ არიან განყოფად
Line of ed.: 11     სიმდიდრესა, უხრწნელსა საფასესა საღმრთოთა ნიჭთასა, ნათესავისა
Line of ed.: 12     მიმართ ჩუენისა სიტყჳთა მადლისაჲთა.

Line of ed.: 13        წიგნი ვედრებისა შენისაჲ აღმოვიკითხე, ძმაო მიქაელ, და
Line of ed.: 14     თხოვისა შენისა წადიერებაჲ გულისჴმა-[ვ]ყავ და ფრიად მთნდა
Line of ed.: 15     სწავლის მოყუარობაჲ შენი, რამეთუ გენება, რაჲთა-მცა დიდისა
Line of ed.: 16     იოვანე ზედაძნელისა ცხორებაჲ აღვწერე და მიუძღუანე თქუენსა
Line of ed.: 17     მას უდაბნოსა. პირველად, რაჲთა არა სიღრმესა შინა დაფარულ
Line of ed.: 18     იყვნენ სათნოებანი წმიდისა მის მამისა და მოძღურისანი, და
Line of ed.: 19     მერმე, მათ გამო, რაჲთა სარგებელი ვპოოთ. და ქარტაჲ იგი წულილი,
Line of ed.: 20     რომელ[ი] წარმოგეძღუანა ჩუენდა, რომელთაგანი (!) საქმეთა
Line of ed.: 21     მამისა ჩუენისა ზედაძნელისანი [წარვიკითხე] და ზოგ[ი] რაჲმე
Line of ed.: 22     განვიკითხეთ მისთჳს და მისთა მათ მოწაფეთა მათთა, მათ შინა
Line of ed.: 23     ადგილთათჳს, ვითარცა ვინ მარცულეული ოქროჲ წარსცის ვის-მე
Line of ed.: 24     ჴელოვანსა. რაჲთა შექმნეს იგინი ჭურჭლად შუენიერად ერთად
Line of ed.: 25     Ms. page: Q_429  შეკრებულთა.

Line of ed.: 26        და ამით ესევითარითა წადიერებითა არა თუ რას მიიღებ
Line of ed.: 27     ჩუენგან, არამედ მიმცემ, ვითარცა უფალი იგი დიდებისაჲ
Line of ed.: 28     მისრული ჯურღმულსა მას ზედა და წყალსა ითხოვდა დედაკაცისა
Line of ed.: 29     მისგან სამარიტელისა*. არა თუ მოიღებდა, არამედ წყაროსა
Line of ed.: 30     ცხორებისასა მი[ა]ნიჭებდა. ესრეთ მოვიღებ და არა თუ მიგცემ.
Line of ed.: 31     ხოლო მე, ვითარ ვიხილე კეთილი იგი სტუმარი, რომელი მოვიდა
Line of ed.: 32     ჩემდა, სიხარულით მივრბიოდე და აღვიყვანე იგი ქორსა ჩემსა
Line of ed.: 33     და მინდა განძღებად შიმშილი მისი, რომელსა-იგი ეძიებდა.
Line of ed.: 34     და ვითარ აღვიხილე საუნჯე ჩემი, ვპოვე იგი ნაკლულევანად
Line of ed.: 35     მცირედ მეცნიერებისა ჩემისაგან და, რამეთუ ენა-ბრკჳნვალ ვარ
Line of ed.: 36     და ვერ-მეტყუელ, ვინაჲთ ვიწყე წმიდისა მისთჳს თხრობად სათნოებათა
Line of ed.: 37     მისთა! არამედ განვიზრახე, რაჲთა ვემსგავსო ფუტკარსა
Line of ed.: 38     შრომის მოყუარესა და სამოთხეთა შუენიერთა წიგნთა მიერ, მოვიწილნე
Line of ed.: 39     ყუავილნი, რაჲთა განუმზადა ჭამადი ტკბილი წადიერთა
Page of ed.: 193   Line of ed.: 1     სადიდებელად ჩუენ[და]. არამედ ჯერ-არს, რაჲთა ლოცვაჲ წინაჲთ
Line of ed.: 2     წარუძღუანოთ. ჴელი შემოყავთ ჩემ თანა ვედრებითა!

Ms. page: Q_430 
Line of ed.: 3        რამეთუ ყოველთა კეთილთა განმასურნელებელ ლოცვა[ჲ]
Line of ed.: 4     არს. ამან მუცელსა შინა დედისასა განაპოხა სამოელ და წინაჲსწარმეტყუელად
Line of ed.: 5     გამოაჩინა. იხილეთ-ღა ნაყოფი იგი ლოცვისაჲ -- [წინაჲსწ]არმეტყუელ
Line of ed.: 6     იქმნა ჭეშმარიტებისა სიყრმითგან, რამეთუ
Line of ed.: 7     ითხოვა იგი ანა ცრემლითა და ლოცვითა*.

Line of ed.: 8        კუალად სჯულის-მდებელსა მოსეს მო-რაჲ-აქუნდეს ფიცარნი
Line of ed.: 9     იგი სჯულისანი, ორმეოც დღე ლოცვაჲ და მარხვაჲ საფუძველ ყო,
Line of ed.: 10     და მოსეს ფიცარნი, დაწერილნი თითითა ღმრთისაჲთა, გარდამოაქუნდეს
Line of ed.: 11     მთისა მისგან ერთგზის და მეორე[დ] -- სრულებად,
Line of ed.: 12     რამეთუ პირველნი იგი შეიმუსრნეს, ვითარცა ურიანი, ხოლო მეორენი
Line of ed.: 13     პატივ-იცნეს მოცვალებითა**, მისთჳს ჯერ-არს, რაჲთა ყოველმან,
Line of ed.: 14     რომელმან ჴელ-ყოს საღმრთოსა მსახურებასა, ითხოვ[ო]ს
Line of ed.: 15     მისგან, რომელი-იგი უხუად მიმნიჭებელ არს ღმერთი, და მისცემს
Line of ed.: 16     საზრდელსა, ვითარცა იტყჳს იაკობ მოციქული: "უკუეთუ ვინმე
Line of ed.: 17     ნაკლულევან არს თქუენგანი სიბრძნითა, ითხოვენ, და მოსცეს მას
Line of ed.: 18     ღმერთმან ნიჭთა განმყოფელმან"*.

Line of ed.: 19        ხოლო დაწყებასა მწერალთასა ჯერ-არს Ms. page: Q_431  მოჴსენებაჲ დიდისა
Line of ed.: 20     მოსესი, დამწყებელისა სახლის წერითა, ჭეშმარიტისა მომასწავებელითა,
Line of ed.: 21     იგი, რომელ ნოეს მსგავსად კიდობნისა მის წყალსა
Line of ed.: 22     ზედა იქცეოდა შეჭურვილი დიდებისაგან, შიშითა განგდებულ, განრინებულ
Line of ed.: 23     იქმნა მოღუაწებითა ღმერთთაჲთა, ფარაოჲს ასულისაგან
Line of ed.: 24     განიპოხა სახლსა-ვე მას შინა მის-ვე მეფისასა, მოკლა მეგჳპტელი
Line of ed.: 25     იგი, სიძე ფარაოჲსი, არა მშორებელი და უჩინოჲ, არამედ
Line of ed.: 26     მახლობელი ფარაოჲსი (ვითარცა იყო სახე ყოველთა-ვე ჭეშმარიტისა,
Line of ed.: 27     პირველი იგი -- ახლისა მის სჯულისა სიძე იგი ფარაოჲსი, ფარაოჲ
Line of ed.: 28     უჴორცოჲსა მის ფარაოჲსი, ვითარცა ეგჳპტე ჯოჯოხეთისაჲ,
Line of ed.: 29     ერთი-ერთისა მახლობელნი სახითა). მეოტ იქმნა რისხვისაგან მეფისა,
Line of ed.: 30     განვიდა უდაბნოდ მთასა სინასა. გამოეცხადა ანგელოზი
Line of ed.: 31     ღმრთისაჲ ცეცხლითა მაყულოვანსა მას შინა, საიდუმლოჲ ქალწულისაჲ,
Line of ed.: 32     და ზარ-განჴდილი მოვიდა ხილვად. მის მიერ უწოდა და
Line of ed.: 33     ტყავი იგი მკუდრისაჲ განსძარცუა ფერჴთაგან ცხოველი და წარმო\იდგინა Ms. page: Q_432 
Line of ed.: 34     გამოცხადებად, რომელი მის-ვე მაღლისაგან იწამა
Line of ed.: 35     ყოფად იგი ღმერთი ფარაოჲსი, მთავრისა ბნელისა და განდგომილისა
Line of ed.: 36     უზეშთაესისაგან კეთილისა, იგი, რომელ მაღალთა უმწუერვალესთა
Line of ed.: 37     [მ]თათა უმაღლეს იქმნა (სახე იგი ჭეშმარიტისა მის სჯულისა
Line of ed.: 38     მდებელ[ი]საჲ!), მას ჴსნად ისრაელ[ი]სა წარავლინებდა სასწაულითა
Line of ed.: 39     და ნიშებითა.

Page of ed.: 194  
Line of ed.: 1        ხოლო მომავლინებელი იგი თავსა თჳსსა გამოუცხადებდა, ვინ-იგი
Line of ed.: 2     იყო, და თქუა: "მე ვარ ღმერთი აბრაამისი, ღმერთი ისაკისი,
Line of ed.: 3     ღმერთი იაკობისი"* და მაუწყებელისა მამათა შენთაჲსა. სახელსა
Line of ed.: 4     მისსა მთით აუწყებდა სამთა მათ ნახაპეტთა, დიდთა მათ და მართალთა,
Line of ed.: 5     სახელ-იდვა ღმრთად, მერმე კუალად იკითხავს-ვე ღმერთსა
Line of ed.: 6     მიმღებელი იგი მოსე: "უკუეთუ მრქუან, ვინ მოგავლინა, რაჲ
Line of ed.: 7     ვთქუა?". ერთი იგი უფსკრულით სიღრმე ასწავა თქუმად და
Line of ed.: 8     ჰრქუა: "ესრეთ არქუ, "რომელი-იგი არს, მან მომავლინა**". არს
Line of ed.: 9     იგი არს, რომლისა დასაბამ არა არს". და მარწმუნებელად მისცნა
Line of ed.: 10     ათნი იგი დიდ-დიდნი სასწაულნი, რომლი\თა Ms. page: Q_433  არს იგი [ღ]მერთი
Line of ed.: 11     მამათაჲ, [რაჲთა ჰ]რწმენეს ჭეშმარიტისა ღმრთის მეცნიერებისა
Line of ed.: 12     საზღვარი, ნათელი იგი დიდი, შეიპყრნეს იგინი ბნელმან და
Line of ed.: 13     სიღრმესა დაინთქნენ. და რომელი ნათელი იგი [არს], ერთი უხილავი
Line of ed.: 14     და უცვალებელი ღმერთი [არს] არა დასაბამიერი, არცა
Line of ed.: 15     გასრულებადი, განუზომელი, მარადის კურთხეული, ნათელი სამების[აჲ],
Line of ed.: 16     რამეთუ ესე უსაღმრთეებისა შეჰკრებს სამგუამოვნებასა მამისა,
Line of ed.: 17     ძისა და სულისა წმიდისა თანა. აღირაცხების ესრეთ შეკრებულად
Line of ed.: 18     შეურწყმელი და განუყოფელი, და არა ჯერ არს დაკლებად
Line of ed.: 19     ძე მამისაგან და არცა სულ[ი] ძისაგან. და უკუეთუ-მცა არა ესრეთ
Line of ed.: 20     იყო ღმრთეებაჲ, ვიდრემე-მცა არა დიდებულ იყო ფრიად, რამეთუ
Line of ed.: 21     არს იგი უხილავ, უჟამო, დაუტევნელ, უცვალებელ, -- უცვალებელ
Line of ed.: 22     თჳნიერ ვითარებისა, თჳნიერ რაოდენობისა, ხატებისა, -- შეუპყრობელ
Line of ed.: 23     და შეუნაწევრებელ, თჳთ იძრვის მარადის ძრვითა, თავით
Line of ed.: 24     თჳსით ძლიერ. დაღათუ მიიწევის პირველისა მიზეზისა ყოველი,
Line of ed.: 25     რომელი მისი არს ვითარცა ძე, მხოლო[ჲ] ცხოველი და განმაცხოველებელი,
Line of ed.: 26     Ms. page: Q_434  მომცემელი ცხორებისაჲ, ვითარცა იტყჳს:
Line of ed.: 27     "მე ცხოველ ვარ და თქუენ-ცა ცხოველ იყვენით, და რომელსა
Line of ed.: 28     [ჰ]რწმენეს ჩემი, იგი-ცა ცხოვნდეს ჩემ მიერ*", ნათელი იგი, მარადის
Line of ed.: 29     კურთხეული და ბრწყინვალე, განუ[რჩ]ეველი უზეშთაესისაგან
Line of ed.: 30     ბუნებისა არსებისა, საუკუნებრ ნათელი სმენით-რე. და სული
Line of ed.: 31     წმიდაჲ, მთავრობისა უფალი, წარმავლინებელი, განმკუთნველი,
Line of ed.: 32     ტაძრად თჳსა მოქმედი, ვითარ [ჰ]ნებავნ და ვის თანა-ცა უნებნ.

Line of ed.: 33        რამეთუ სული მომცემელი და შემოქმედი და არა შექმნული,
Line of ed.: 34     რომლისაგან დადგა შექმნილი-ცა იგი ნათელი მეორეთა მათ
Line of ed.: 35     ბრწყინვალებათაჲ, ანგელოზთასა ვიტყჳ, და ნათელი მესამე [...]ცი
Line of ed.: 36     ესე, დაწყებულნი პირველისა მისგან ნათლისაჲ, დასაბამისაჲ იგი,
Line of ed.: 37     რომლისაგან სამნი და სამისაგან ერთი, გარნა ესე ხოლო. რამეთუ
Line of ed.: 38     მამა არა ძე და ძე არა მამა და სული წმიდა არცა მამა, არცა
Line of ed.: 39     ძე. და ესე არა განყოფს ბუნებასა, არამედ განიყოფვინ ბუნებასა
Line of ed.: 40     შინა და მოასწავებს ერთობასა. ხოლო რომელთა სამებისა
Line of ed.: 41     ერთ-სწორობა ვერ გულისჴმა-ყვეს, Ms. page: Q_435  ბნელსა შინა არიან და
Page of ed.: 195   Line of ed.: 1     ეჩქუებიან, ჰ[რ]ცხუენოდენ არიოზს, რომელმან დაბადებულად იკადრა
Line of ed.: 2     თქუმად სიტყუაჲ იგი ღმრთისაჲ, რომელი-იგი მისი იყო და
Line of ed.: 3     არა სხუაჲ, და ესე შეემთხჳა, რამეთუ ვერ ცნა საზღვარი გუამისა
Line of ed.: 4     და ბუნებისა მისისაჲ, ხედვიდა მას კაცად და ბუნებაჲ ღმრთეებისაჲ
Line of ed.: 5     დაუსაბამოჲ ვერა ცნა.

Line of ed.: 6        და კუალად არიანნი-ცა, რომელნი იტყჳან ქრისტესა, ვითარმედ
Line of ed.: 7     სიტყუაჲ იყო ღმრთისაჲ, და სული კუალად დაბადებულთა
Line of ed.: 8     შეაერთეს და იტყჳან, ვითარცა ადამი-ო, სიტყუაჲ იგი და[ჰ]ბადა
Line of ed.: 9     ღმერთმან, რამეთუ [......]*. ყოველთა კაცთა უუგუნურესნო, უკუეთუ
Line of ed.: 10     სიტყუაჲ მისი იყო, ვითარ-მე-მცა იყო ზოგი ღმრთეებისა მისისაჲ
Line of ed.: 11     დაუსაბამოდ და ზოგი დაბადებული? რომელი-იგი ხურომან
Line of ed.: 12     ქმნის, სუეტი გინა ტაძარი, არა ითქ[უ]მის სიტყუაჲ ხუროჲსაჲ
Line of ed.: 13     მის, არამედ სიტყჳთა შექმნილი. და აწ ვითარ-მცა იყო სიტყუაჲ
Line of ed.: 14     ღმრთისაჲ ქრისტე და კუალად დაბადებულ[ი] სიტყუაჲ იგი?! ვიდრე
Line of ed.: 15     მათი დასჯის მათ! უკუეთუ სიტყუაჲ იგი არა იყო მის თანა,
Line of ed.: 16     დაუსაბამოჲ უკანაჲთ დაებადა!? პირველ უტყუ ვიდ\რე-მე Ms. page: Q_436  იყო-ა
Line of ed.: 17     ღმერთი შენისა სიტყჳსაებრ!? და კუალად [ჰ]ნებავს, რაჲთა მიუგონ
Line of ed.: 18     მკითხველსა ყოველთა, რომელნი ერთ-სწორებასა სამებისა წმიდისასა
Line of ed.: 19     არა შეიწყნარებენ, ღმერთი შემწყნარებელი შესრულისაჲ არს
Line of ed.: 20     ანუ არა? უკუეთუ აღიაროს, ვითარმედ ღმერთი არა შემწყნარებელი
Line of ed.: 21     არს შესრულისაჲ, ვიკითხოთ: სიტყუაჲ ღმრთისაჲ შესრული
Line of ed.: 22     არს ანუ არა? უკუეთუ თქუას, შესრული არს, უვარ-ვყო, რომელი
Line of ed.: 23     იგი აღვიარე. არამედ ნუ იყოფვინ, ვითარ-მცა შე-რაჲმე-ვიდა
Line of ed.: 24     ღმრთისა თანა, რომელი-ცა არა იყო, უკუეთუ-მცა შემწყნარებელი
Line of ed.: 25     იგი ჩანს, რამეთუ ყოველსა შემწყნარებელსა აღემატების და დააკლდების,
Line of ed.: 26     და ვითარ შესაძლებელ არს ესე ღმრთისათჳს თქ[უ]მად,
Line of ed.: 27     ვითარმედ: აღემატების და დააკლდების. დაშთა, რაჲთა იყოს
Line of ed.: 28     შანთ, რამეთუ ყოველი ორითა-ვე განიყოფვის: შანთითა და
Line of ed.: 29     შესრულითა, და რომელი არა იყოს შესრული, ჩანს, რამეთუ შანთი
Line of ed.: 30     არს იგი. და რომელი შანთი არს, მდგომარე არიან იგი[ნი] თავით
Line of ed.: 31     თჳსით. ხოლო რომელი ღმრთისა არს, ესე არს დამბადებელი და
Line of ed.: 32     არა Ms. page: Q_437  დაბადებული. ვიტყჳ სიტყუასა დაუსაბამოსა, რომლისა
Line of ed.: 33     მიერ და[ჰ]ბადა ღმერთმან ყოველი დაბადებული. და ვერ შემძლებელ
Line of ed.: 34     არს ყოფად, რამეთუ ყოველი-ვე განიყოფვის ორ პირად: დაბადებული
Line of ed.: 35     და დამბადებელი. და რომელი დამბადებელი არს,
Line of ed.: 36     და არს დაბადებულ, და ჩანს, რამეთუ სიტყუაჲ იგი არა დაბადებული
Line of ed.: 37     არს და, რაჲთა მოკლედ ვთქუათ, ვითარცა არარაჲ
Line of ed.: 38     არს დაბადებულთა შორის, რომელ-მცა დამბადებელ იყო.

Line of ed.: 39        ესრეთ-ვე ვიტყჳ სულისა წმიდისათჳს-ცა. ხოლო მაკედონ იკადრა
Line of ed.: 40     სულისა წმიდისა დაბადებულთა შორის შერთვა და მადლით
Line of ed.: 41     მოვლენა თჳთ-მფლობელისა მის სულისა წმიდისა, კადნიერი იგი,
Page of ed.: 196   Line of ed.: 1     თავ-ჴედი, რომელსა თავი თჳსი რაჲმე ეგონა ყოფად, რომელ-იგი
Line of ed.: 2     არა იყო. ამან ენაჲ თჳსი ღმრთის მბრძოლად განაძლიერა შემდგომად
Line of ed.: 3     საშინელისა მის სმენისა, ვითარმედ: "ყოველნი ცოდვანი
Line of ed.: 4     და გმობანი მიეტევნენ კაცთა, ხოლო სულისა წმიდისა გმობაჲ
Line of ed.: 5     არა მიეტეოს"*. და არცა გულისჴმა-ყო წინაჲსწარმეტყუელისა დავითის
Line of ed.: 6     თქ[უ]მული იგი, ვითარმედ: "სიტყ\ჳთა Ms. page: Q_438  უფლისაჲთა ცანი
Line of ed.: 7     დაემტკიცნეს, და სულითა პირისა მისისაჲთა ყოველი ძალი
Line of ed.: 8     მათი"*. უკუეთუ სული პირისა მისისაჲ არს, წმიდაჲ იგი სული
Line of ed.: 9     ვითარ-მცა იყო დაბადებულ! რამეთუ ყოველი, რომელი არს, მისი
Line of ed.: 10     არს. უკუეთუ დაბადებულ, უსულო ვითარმე იყო მამაჲ ვიდრე დაბადებადმდე
Line of ed.: 11     მის სულისა! არამედ დამბადებელ[ი] მის[ი] სული იგი
Line of ed.: 12     ჭეშმარიტებისაჲ, რომელი მამისაგან გამოვალს და ძისა თანა თაყუანის-იცემების,
Line of ed.: 13     იგი სული, რომელი წყალთა ზედა იქცეოდა და
Line of ed.: 14     ქცევითა მით მათ ზედა გამოსახვიდა და დაჰბადებდა ყოველთა
Line of ed.: 15     დაბადებულთა და მადლით წარმოაჩინებდა თითოეულსა, ვითარცა
Line of ed.: 16     მას უნდა. იგი სული, რომელ[ი] ცეცხლისა მსგავსად გარდამოჴდა
Line of ed.: 17     მოციქულთა ზედა, უზეშთაესითა საკჳრველებითა ენანი განუყვნა.
Line of ed.: 18     აჰა მადლი გამოუთქ[უ]მელი, ებრაულად იტყჳს მოციქული
Line of ed.: 19     ერთითა ხოლო ენითა და ყოველთა ენითა ბარბაროზთა ესმინა!*

Line of ed.: 20        ამის სულისაგან სული სიბრძნისა და მეცნიერებისა და გულისჴმის-ყოფისა[ჲ]
Line of ed.: 21     მოვედინ ჩუენ ზედა და მოეცინ პოვნად მად\ლიMs. page: Q_439 
Line of ed.: 22     სიტყჳსაჲ ენასა ჩუენსა, რაჲთა წმიდისა მის იოვანე ზედაძნელისათჳს
Line of ed.: 23     ვიტყოდი უცთომელად შემკობად, სარგებელისათჳს
Line of ed.: 24     სპოდიონთა უდაბნოთაჲსა (რომელ არიან მოსწრაფებანი). ხოლო
Line of ed.: 25     თქუენ განმზადენით სასმენელნი თქუენნი და სარწმუნოებით შეიწყნარეთ,
Line of ed.: 26     ნუ ვითარ-მცა გესმა სათნოებაჲ ყოვლისა მის კაცისაჲ,
Line of ed.: 27     არამედ მცირე მრავლისაგან დაყოვნებითა ჟამისაჲთა.


Line of ed.: 28  
დასაბამი ცხორებისა წმიდისა მამისა
Line of ed.: 29  
ჩუენისა იოვანე ზედაძნელისაჲ


Chapter: I  
Line of ed.: 30        1. ესე ნეტარი იოვანე იყო ქუეყანით
Line of ed.: 31     შუამდინარით, და წინამძღურებითა სულისა
Line of ed.: 32     წმიდისაჲთა მოიწია ქუეყანასა
Line of ed.: 33     ქართლისასა, მახლობელად დედა-ქალაქსა
Line of ed.: 34     ამას ჩუენსა მცხეთას, რომელმან
Line of ed.: 35     გამოუკუთნვა თავი თჳსი სიყრმითა
Line of ed.: 36     თჳსითგან ქრისტესა.

Line of ed.: 37        და აღიღო უღელი მძიმე სიჭაბუკითგან
Line of ed.: 38     თჳსით და დაჯდა თჳსაგან და დაყუდნა
Page of ed.: 197   Line of ed.: 1     რამეთუ არს სასოებაჲ თმენისაჲ.
Line of ed.: 2     პირველად თჳსსა-ვე ქუეყანასა ასურეთს
Line of ed.: 3     იწყო მონაზონებად. და იქცეოდა
Line of ed.: 4     ყოვლითა სიმდაბლითა, მარხვითა და
Line of ed.: 5     მღჳძარებითა, ცრემლი\თა Ms. page: Q_440  და ვედრებითა.
Line of ed.: 6     შრომითა და მოთმენითა დღითი-დღე
Line of ed.: 7     წარემატებოდა, რაჲთა სრულებასა
Line of ed.: 8     მას მიემთხჳოს, რომელ-ცა-იგი
Line of ed.: 9     მიიღოს, რომელსა იტყჳს: "ირეკდით
Line of ed.: 10     და განგეღოს, ეძიებდით და ჰპოვოთ"*.

Line of ed.: 11        ვითარ-იგი განათლდა, დიდებასა
Line of ed.: 12     მას მიიწია პირველ, და მშორებელსა
Line of ed.: 13     მას, ვითარცა მას მახლობელსა, ხედვიდა.
Line of ed.: 14     და გამობრწყინდა ვითარცა ვარსკულავი.
Line of ed.: 15     და განმრავლდეს ძალნი იგი,
Line of ed.: 16     რომელნი იქმნნეს მისგან ღმრთისა მიერ,
Line of ed.: 17     კურნებათა მრავალ-ფერთა სახეთა სენთასა
Line of ed.: 18     განსხმად ეშმაკთასა.

Line of ed.: 19        მაშინ დაუტ[ე]ვა ადგილი იგი, სადა
Line of ed.: 20     იქცევინ, და წარვიდა განშორებულსა უდაბნოსა.
Line of ed.: 21     და პოვა ქუაბი და დაჯდა
Line of ed.: 22     მას შინა მოწაფეთა თჳსთა თანა, და
Line of ed.: 23     არავინ იცოდა ადგილი იგი მრავალ
Line of ed.: 24     ჟამ. და იშჳთ სად[ა]მე განავლინის მოწაფეთა
Line of ed.: 25     მისთაგანი მოღებად საზრდელისა.
Line of ed.: 26     და ესრეთ ფარულად იყოფვოდა
Line of ed.: 27     ხოლო, ჰგონებდა ფარვასა თავისა
Line of ed.: 28     თჳსისასა.

Line of ed.: 29        ხოლო ღმერთმან მერმე-ცა გამოაცხადა
Line of ed.: 30     თჳსი იგი მონაჲ, რამეთუ ჩუეულებაჲ
Line of ed.: 31     ესე არს ღმრთისაჲ: "ყოველი, რომელი
Line of ed.: 32     დაიმდაბლებდეს თავსა თჳსსა,
Line of ed.: 33     იგი ამაღ\ლდების"**. Ms. page: Q_441  იწყეს კუალად
Line of ed.: 34     მოსლვად მუნ-ცა მისა, რომელ დამალულ
Line of ed.: 35     იყო ქუაბსა შინა. მიაქუნდა სნეულები
Line of ed.: 36     ცხედრებითა, ფერად-ფერადად
Line of ed.: 37     გუემულნი და მუნთქუეს ლხინება
Line of ed.: 38     პოვიან.

Page of ed.: 198  
Line of ed.: 1        ამას რაჲ ვიტყჳ, არა თუ მუნ რომელთა-მე
Line of ed.: 2     საქმეთა და ცხორებასა მისსა
Line of ed.: 3     გაუწყებ თქუენ, ძმანო, არამედ
Line of ed.: 4     რომლითა მიზეზითა მოიწია სოფელსა
Line of ed.: 5     ამას ჩუენსა, მიგითხრობ, ხოლო პირველი
Line of ed.: 6     იგი ცხორებაჲ და საქმენი იგი
Line of ed.: 7     ამის ნეტარისანი წერილ არიან პირველსა
Line of ed.: 8     მას წიგნსა და ჩუენდა ნეტარ
Line of ed.: 9     არს მეორედ აღწერად.

Next part


This text is part of the TITUS edition of Old Georgian Hagiographical Texts, vol. I.

Copyright TITUS Project, Frankfurt a/M, 12.12.2008. No parts of this document may be republished in any form without prior permission by the copyright holder.