TITUS
Old Georgian Hagiographical Texts, vol. I
Part No. 66
Previous part

Chapter: II  
Line of ed.: 10        2. მაშინ იწყო ნეტარმან იოვანე
Line of ed.: 11     განზრახვად გონებასა თჳსსა, რაჲთა-მცა
Line of ed.: 12     წარვიდა იგი შორსა სოფელსა, სადა-ცა
Line of ed.: 13     არა იყო ყოლად-ვე ჴმაჲ სმენისა
Line of ed.: 14     სათნოებათა მისთაჲ, და იტყოდა: "ვინა[ჲ]
Line of ed.: 15     ვეკრძალო, ჯერ-იყოს წარმართებაჲ
Line of ed.: 16     სლვისა მისისაჲ".

Line of ed.: 17        დაღათუ ჰგონებდა იგი ხოლო, განმგებელმან მისმან, სულმან წმიდამან,
Line of ed.: 18     წამს-უყვნა მას ქუეყანად ჩრდილოდ, რა[ჲ]თა მიუძღუეს [ქუეყანად] ქართლად.
Line of ed.: 19     Ms. page: Q_442  ხოლო არს, რომელსა უნებს წარმოსლვაჲ აქათ, არამედ სხუაჲ იყო მიმყვანებელი
Line of ed.: 20     მისი, რომელმან-იგი ოდეს-მე აბრაამს უწოდა და [ჰ]რქუა: "გამოვედ
Line of ed.: 21     ქუეყანისაგან შენისა და შორის ნათესავთა შენთა, მივედ ქუეყანად, რომელი
Line of ed.: 22     მე გიჩუენო შენ"*. ერთისაგან ქუეყანისა, ერთისაგან ნათესავისა გამოიყვანა
Line of ed.: 23     აბრაამი და იოვანე, და რამეთუ ჭეშმარიტად ნაშობთაგან აბრაამისთა
Line of ed.: 24     იყო წმიდა[ჲ] იოვანე. ისმინე პავლე მოციქულისა[ჲ], რასა იტყჳს: "უკუეთუ
Line of ed.: 25     თქუენ ქრისტესნი ხართ, აბრაამისნი ვიდრემე შვილნი ხართ, აღთქ[უ]მისა
Line of ed.: 26     მისგან მკჳდრნი"**. ჭეშმარიტად წმიდამან ძირმან კეთილი აღმოაცენა.

Line of ed.: 27        მაშინ იწყო ნეტარმან იოვანე განზრახვად
Line of ed.: 28     და [ჰ]რქუა მოწაფეთა თჳსთა:
Line of ed.: 29     "იყვენით თქუენ აქა, რამეთუ მინებს,
Line of ed.: 30     რაჲთა წარვიდე განშორებულსა ქუეყანასა,
Line of ed.: 31     დაღათუ ვპოვო, რომელსა
Line of ed.: 32     ვეძიებ".

Line of ed.: 33        ხოლო ნეტართა მოწაფეთა მოიჴსენეს
Line of ed.: 34     სიტყუაჲ წინაჲსწარმეტყუელისა
Line of ed.: 35     ელისესი: "ცხოველ არს უფალი,
Line of ed.: 36     ცხოველ არს სული შენი, არა განგიტეოთ
Line of ed.: 37     შენ მარტოჲ*, ვიდრე-ცა ხჳდოდე.
Line of ed.: 38     და წყაროჲ იგი, რომელსა ვსუამთ მარადღე,
Page of ed.: 199   Line of ed.: 1     განვძღებით მისგან, არა ნაკლულევან
Line of ed.: 2     Ms. page: Q_443  ვქმნნეთ თავნი ჩუენნი
Line of ed.: 3     მცირედთა ამათ დღეთა ჩუენთა. და რომელი
Line of ed.: 4     თავისა შენისათჳს იხილე კეთილად,
Line of ed.: 5     ჩუენთჳს-ცა ეგრე სათნო იჩინე".

Line of ed.: 6        ჵ შუენიერთა მოძღ[ურისა] მოწაფეთა
Line of ed.: 7     კეთილი იგი შეთქ[უ]მულებაჲ! საკრველსა
Line of ed.: 8     მას სიყუარულისასა შეეკრნეს,
Line of ed.: 9     ორნატსა მას ქრისტესსა მიზიდვიდეს
Line of ed.: 10     ერთობით.

Next part


This text is part of the TITUS edition of Old Georgian Hagiographical Texts, vol. I.

Copyright TITUS Project, Frankfurt a/M, 12.12.2008. No parts of this document may be republished in any form without prior permission by the copyright holder.