TITUS
Old Georgian Hagiographical Texts, vol. I
Part No. 68
Previous part

Chapter: IV  
Line of ed.: 21        4. ენება წმიდასა მამასა ჩუენსა
Line of ed.: 22     Ms. page: Q_448  იოვანეს, რაჲთა-მცა მარტოდ
Line of ed.: 23     იყოფვოდა, წადიერ იყო თჳსსა საყოფლად
Line of ed.: 24     ქალაქსა მას, რომლისა ხუროთ-მოძღუარ
Line of ed.: 25     და შემოქმედ ღმერთი არს,
Line of ed.: 26     ზეცისა იერუსალემს, განმცხრომელსა
Line of ed.: 27     მათ თანა დღესასწაულსა შერთვად კეთილთა
Line of ed.: 28     ვაჭართა ზეცისა მარგალიტისა
Line of ed.: 29     მეძიებელი. აქა მოიკუდინა თავი თჳსი,
Line of ed.: 30     რა[ჲ]თა პოვოს ცხორებაჲ საუკუნოჲ.
Line of ed.: 31     მერმე კეთილმან მან მოძღუარმან მოუწოდა
Line of ed.: 32     დღესა ერთსა თჳსთა მათ მოწაფეთა
Line of ed.: 33     და [ჰ]რქუა მათ: "რაჲსა სდგათ
Line of ed.: 34     უქმად? ანუ არა უწყით-ა, რამეთუ სარგებელისათჳს
Line of ed.: 35     ამის ქუეყანისა წარმოგუავლინნა
Line of ed.: 36     უფალმან ღმერთმან ჩუენმან
Line of ed.: 37     იესუ ქრისტემან, რამეთუ ახალ ნერგ
Line of ed.: 38     არიან კაცნი ესე ამის სოფლისანი?
Line of ed.: 39     ჯერ არს თქუენდა, რაჲთა წარხჳდეთ
Line of ed.: 40     კაცად-კაცადი და განამტკიცებდეთ
Page of ed.: 203   Line of ed.: 1     ძმათა, რომელთა აღუარებიეს ქრისტე,
Line of ed.: 2     უფალი ჩუენი, არა სიტყჳთა, მოძღურებითა
Line of ed.: 3     თქუენითა, არამედ რაჲთა
Line of ed.: 4     თავნი-ცა თქუენნი სახედ მისცნეთ.
Line of ed.: 5     ამისთჳს აღრეულად დამიტევნა ჩუენ
Line of ed.: 6     უფალმან წარმართთა შორის, რაჲთა
Line of ed.: 7     იხილნენ საქმენი თქუენნი კეთილნი და
Line of ed.: 8     ადიდებდენ მამასა თქუენსა ზეცათასა.

Line of ed.: 9        "ნურა გი\ყუარნ, Ms. page: Q_449  ძმანო, უფროჲს
Line of ed.: 10     ღმრთისა. ვეცხლის-მოყუარებაჲ
Line of ed.: 11     და სიმდიდრე განბასრეთ, შუებასა და
Line of ed.: 12     უძღებებასა, ჭამადსა ნუ თავს-იდებთ
Line of ed.: 13     თქუენ, რამეთუ შუებისა და საჭმლისაგან
Line of ed.: 14     იშვა ურჩებაჲ იგი ადამისი, რომელი
Line of ed.: 15     ნაშობთა მისთა ზედა დადგრომილ
Line of ed.: 16     არს. ამან გამოჴადა იგი სამოთხისა
Line of ed.: 17     მისგან საშუებელთაჲსა. უკუეთუ-მცა
Line of ed.: 18     სჯული იგი მარხვისაჲ დაემარხა,
Line of ed.: 19     არა-მცა მოცემულ იყო ჩუენდა
Line of ed.: 20     ეკლოვანი ესე ქუეყანაჲ, არა-მცა სიკუდილი
Line of ed.: 21     უფლებდა ჩუენ ზედა, დაღათუ
Line of ed.: 22     ძლიერებაჲ იგი მაღლით დაამდაბლებდა.
Line of ed.: 23     მიიხ[უნა] ჴორცნი, მის მიერ მივემთხჳენით
Line of ed.: 24     ჩუენ საწადელსა მას ჩუენსა
Line of ed.: 25     პირველსა, სამოთხისა უზეშთაესსა,
Line of ed.: 26     და მოვიღეთ ხისა მისგან ცხორებისა
Line of ed.: 27     და ვცხოვნდით უკუე. დაუტევეთ გზაჲ
Line of ed.: 28     იგი საცავი ქერობინისაჲ მის, და ზეცად
Line of ed.: 29     ავმაღლდით უკუდავ, მახლობელ
Line of ed.: 30     ღმრთისა ვიქმნენით ჩუენ.

Line of ed.: 31        ხოლო ღჳნისათჳს მეტსა ვ[ჰ]გონებ
Line of ed.: 32     ჩემსა სიტყუასა, რამეთუ [არარაჲ] არს-ვე
Line of ed.: 33     მონაზონთაჲ, ვინაჲთგან მოციქულმან
Line of ed.: 34     პავლე ძირად და მოქმედად სიბილწისა
Line of ed.: 35     გამოაჩინა და თქუა: "ნუ დაითრობით
Line of ed.: 36     ღჳნითა, რომლითა არს სიბილწე"*.
Line of ed.: 37     წამალი Ms. page: Q_450  არს მაკუდინებელი
Line of ed.: 38     და დედაჲ გულის-თქ[უ]მათა მათ
Line of ed.: 39     ბოროტთა[ჲ] და აღმძრველი მათი. და
Line of ed.: 40     უკუანაჲსკნელ თესლისა მისგან ბოროტისა
Page of ed.: 204   Line of ed.: 1     ბოროტი მკაჲ იქმნის, მოიძულე
Line of ed.: 2     იგი, ნუ შეიწყნარებ წამ ერთ-ცა ამათ.
Line of ed.: 3     მამათ-მთავარნი განძარცუნა არა თუ
Line of ed.: 4     უძღებებით, არამედ გამოუცდელობით,
Line of ed.: 5     რომელმან-იგი თუალნი განუსისხლნის
Line of ed.: 6     და ფერი განუწითის და შუენიერი
Line of ed.: 7     იგი სახე უშუერად გარდააქცივის.
Line of ed.: 8     რაჲ ძეს შენი და ბოროტად მოყუარისა
Line of ed.: 9     მის! და უკუეთუ არა განიშორო
Line of ed.: 10     იგი, მისი იგი სიცრუვე ადრე გამოაჩინოს
Line of ed.: 11     შენ შორის. ძმანო ჩემნო, ნუ
Line of ed.: 12     მცირე გიჩანან თავნი თქუენნი, ვითარცა
Line of ed.: 13     წარმავალთა და განმაქარვებადთა, რომელმან
Line of ed.: 14     ძალმან თავი თჳსი იცნის, მან
Line of ed.: 15     უწყინ ყოველი, რაჲთა უწყოდით, რამეთუ
Line of ed.: 16     არსებანი ვართ უკუდავად და
Line of ed.: 17     განუქარვებელად, დაბადებულნი უფროჲს
Line of ed.: 18     ყოველთა დაბადებულთა, ხილულთა
Line of ed.: 19     პატივ-ცემულნი არსებითა
Line of ed.: 20     დაუსრულებელითა. და ამისთჳს ჯერ-არს,
Line of ed.: 21     რაჲთა თავნი თჳსნი დავიცვნეთ
Line of ed.: 22     და ვეკრძალნეთ მერმისა მისთჳს ცხორებისა.

Line of ed.: 23        "რამეთუ მცირესა კაცებასა ჩუენსა კუალად ვრცელი ესე
Line of ed.: 24     Ms. page: Q_451  სოფელი და[ჰ]ბადა და უმეტეს მისსა სულითა მეტყუელითა
Line of ed.: 25     და გონიერითა ადიდა იგი, რამეთუ მისცა მას აღსრულებაჲ დასაბამიერი
Line of ed.: 26     და დაუსრულებელი, სული უკუდავი. და ამით ჯერითა
Line of ed.: 27     მოგუეახლა ჩუენ, ანგელოზთასა მას ბუნებასა, და ერთ კერძო იგი
Line of ed.: 28     ჩუენი მსგავსი ცხოველთა მათ განქარვებადთაჲ. და არა არს
Line of ed.: 29     კაცი იგი ანგელოზ, არცა პირუტყუ, არამედ შორის მათსა. და
Line of ed.: 30     სხუა[ჲ] დაბადებული ორთაგან: ერთი იგი სულისაგან და ჴორცთა
Line of ed.: 31     შეაერთა, და დაადგინა იგი ადგილსა ბრძოლისა და ძლევისასა,
Line of ed.: 32     და ჴელმწიფებაჲ მისცა მას უფლებისაჲ, და შეაყენა იგი წამსა
Line of ed.: 33     სასწორისა და გონებისა მისისასა, რამეთუ ესე გონებაჲ გამომავალ
Line of ed.: 34     არს ორთა მათ შორის ბუნებათა შეერთებულთა. და იგი
Line of ed.: 35     არს განმგებელ, უკუეთუ ვითარ მიდრკეს.

Line of ed.: 36        "ბუნებასა სულიერებრივსა მიიყვანოს, ჴორცთა მათ ნება დაამორჩილა,
Line of ed.: 37     რომელი უკუდავებასა და ცხორებასა მოატყუებს. და
Line of ed.: 38     უკუეთუ მოდრკეს და სული იგი მიიყვანოს ნებასა ჴორციელებრივსა,
Line of ed.: 39     დაამონოს სიკუდილსა და ხრწნილებასა. ეს[ე] ორნი ნებანი
Line of ed.: 40     ერთი-ერთსა წინა-აღმდგომნი Ms. page: Q_452  გუქონან, ვითარცა მოციქული
Page of ed.: 205   Line of ed.: 1     იტყჳს: "ჴორცთა გული უთქუამს სულისათჳს, და სულსა -- ჴორცთათჳს,
Line of ed.: 2     და მჴდომ არიან ურთიერთას"*. და კუალად იტყჳს:
Line of ed.: 3     არა რომელი მე მნებავს, მას ვიქმ, არამედ რომელი-იგი მძულს,
Line of ed.: 4     მას ვყოფ; უკუეთუ იგი არა -- მოწამე ვარ რჩულისა, რამეთუ კეთილ
Line of ed.: 5     არს. აწ უკუე არღარა მე ვიქმ ამას, არამედ რომელი-იგი იყო
Line of ed.: 6     ჩემ თანა დამკჳდრებულ, არს ჩემ თანა ცოდვა. რამეთუ მე თანა-მდებ
Line of ed.: 7     ვარ შჯულსა ღმრთისასა და ვხედავ სხუასა სჯულსა ასოთა
Line of ed.: 8     შინა ჩემთა, რომელი წინა-განეწყვების"*.

Line of ed.: 9        "ხედავ, ვითარ განცხადებულად გჳთხრობს ჩუენ მოციქული
Line of ed.: 10     ორთა მათ ნებათა ერთი-ერთისა წინა-აღმდგომთა, მბრძოლთა მათ:
Line of ed.: 11     ერთსა ნებასა ბუნებითსა დაბადებულსა, რომელი იყო ადამისთჳს
Line of ed.: 12     პირველ გარდასლვისა მცნებისა სამოთხესა შინა, ვიდრე სულიერ-ღა
Line of ed.: 13     იყო და ნათანაელ (?); ხოლო ერთსა მას, რომელი შემდგომად
Line of ed.: 14     ცთომისა დაემკჳდრა ჩუენ შორის არა ბუნებითა, არამედ შემუსრვილი
Line of ed.: 15     გარეშე გულისა მის მზაკ[უ]ვარებითა. ამისთჳს არა თქუა
Line of ed.: 16     მოციქულმან, ვითარმედ: Ms. page: Q_453  "რომელი-იგი დაბადებული არს
Line of ed.: 17     ცოდვა, რომელნი წინა-განეწყვებიან რჩულსა მას გონებისა ჩემისასა"*.
Line of ed.: 18     გულისჴმა-ყავთ, ძმანო, სიტყუათა ამათგან, უკუეთუ ვინმე
Line of ed.: 19     მიერჩდეთ წინა-განწყობილთა მათ, წარტყუენულ არს იგი საძულელისა
Line of ed.: 20     მისგან ნებისა. ხოლო უკუეთუ არა ჴორცთა საქმესა
Line of ed.: 21     მოაკუდინებს, ჰგიეს იგი სულიერი უნებელად. აწ გამოჩინებულ
Line of ed.: 22     არს, ვითარმედ ჴელმწიფებასა ჩუენსა აქუს ორი-ვე ესე ნებაჲ, დაღათუ
Line of ed.: 23     ეშმაკისა იგი ნებაჲ დაუცხრომელად მ[ი]ზიდავს ნებასა მას
Line of ed.: 24     თჳსსა ბოროტსა ჴორციელთა მათ გულის-თქ[უ]მასა. არამედ
Line of ed.: 25     იტყჳს იგი-ვე მოციქული: "შეუძლებელი იგი შჯულისა, რომელ უძლურ
Line of ed.: 26     იყო ჴორცთა მათგან, ღმერთმან ძე თჳსი მოავლინა მსგავსად
Line of ed.: 27     ჴორცთა მათ"* და მიიხუნა ჩუენნი ესე ჴორცნი თჳნიერ
Line of ed.: 28     ცოდვისა, განწმედილნი ყოვლისაგა[ნ] პირველისა ადამის ცთომისა,
Line of ed.: 29     რაჲთა სიმართლე იგი შჯულისა[ჲ] აღესრულოს ჩუენ შორის ,
Line of ed.: 30     "რამეთუ ზრახვაჲ იგი ჴორცთა სიკუდილი არს, ხოლო ზრახვა[ჲ]
Line of ed.: 31     სულისა ცხორება არს"*.

Line of ed.: 32        "და ნანდჳლ-ვე ზრახვა[ჲ] ჴორცთა სიკუდილი არს, რამე\თუMs. page: Q_454 
Line of ed.: 33     მ[ა]ზრახებენ ჩუენ ყოველსა არა-წმიდებასა. არა გარეშე ხოლო
Line of ed.: 34     მტერი არს, არამედ თანა-მყოფი მარადის დაწოლასა და ა[ღდგო]მასა
Line of ed.: 35     ყოველთა შინა საქმეთა შენთა. ეკრძალე მას, რაჲთა არა
Line of ed.: 36     ჩამოგინქრიოს ქვით, ვითარ შეგიძლოს, უწყალოდ გიჴმობს, ვითარცა
Line of ed.: 37     მტერმან ამას. არამედ მინებს, რაჲთა აღჳრ-ასხნეთ მას
Line of ed.: 38     ნებასა ქუეშე სულიერებისასა, რაჲთა ეგნეთ პირველსა-ვე მას დაბადებულსა,
Line of ed.: 39     რომელსა მიგუაქცივნა უფალმან ჩუენმან, რამეთუ
Page of ed.: 206   Line of ed.: 1     დიდად დაბადებულ ხართ. უკუეთუ ვითარ დაიცვეთ და არა მიხუდე
Line of ed.: 2     ქუესა მას ადგილსა, რამეთუ სიბრძნესა ღმრთისასა ზიარებულ
Line of ed.: 3     ხართ, რაზომ შესაძლებელ არს დაბადებულისა დამბადებელისა
Line of ed.: 4     თანა! და ცხოველ ხარ და ვითარცა ანგელოზნი, და მოკუდავ -- ვითარცა
Line of ed.: 5     ცხოველნი უფსკრულთა უქუენასკნელეს და უმაღლეს
Line of ed.: 6     რაჲთა შეუპყრობელ უდიდეს ყოველთა დიდთა და უმცირეს
Line of ed.: 7     ყოველთა მცირეთა, და მოკუდავებასა შინა უკუდავ,

Line of ed.: 8        "ესე არს დაბადებულებაჲ შენი ორ კერძო. ამისთჳს არს იგი
Line of ed.: 9     საკჳრველ, რამეთუ საკჳრველთ-მოქმედისა არს ჴელოვნებისა, ესე
Line of ed.: 10     განკჳრდა ერთი იგი ვინმე წმიდათაგანი Ms. page: Q_455  ღრმად გამომეტყუელი
Line of ed.: 11     საკჳრველსა მას შეზავებასა, უნდა, რაჲთა-მცა განეშორა
Line of ed.: 12     რას-მე განაგდო, რომელსა-იგი დაკლებულად ხედვიდა, რომელ-იგი
Line of ed.: 13     ვერ შემძლებელ იყო. მერმე უდრტჳნვიდა, თქუა ესრეთ: "ჵ ვითარ
Line of ed.: 14     შევერთე, არა ვიცი, და ვითარ ვარ ხატ ღმრთისა და შევეზილე
Line of ed.: 15     თიჴასა თანა. ოდეს განმრთელდის -- იბრძვინ, და ოდეს მოიკლის --
Line of ed.: 16     მწუხარება არნ, მიყუარს ჩემ თანა-ვე, მონა არს და განვეშორო
Line of ed.: 17     ვითარცა მტერსა. ვივლტოდი კრულებისაგან და მრცხუენის მისგან,
Line of ed.: 18     ვითარცა თანა-მკჳდრსა. მინებს, რაჲთა დავადნო იგი და
Line of ed.: 19     არავინ არს შემწე ჩემდა კეთილისათჳს. მისგან მიჴმან ცრემლნი,
Line of ed.: 20     მისგან მარხვა, მღჳძარება, მისგან ვედრებისა შეწირვა და მრავალნი
Line of ed.: 21     შრომანი კეთილნი, რომელნი თჳნიერ ჴორცთასა ვერ შესაძლებელ
Line of ed.: 22     არიან. რამეთუ ვიცი, რა[ჲ]სათჳს ვარ. და ჯერ-არს ჩემდა,
Line of ed.: 23     რაჲთა აღვიდე ღმრთისა ჩემისა საქმეთა. გავრიდო, რამეთუ ჩემ
Line of ed.: 24     თანა მოქმედი არს, და არა უწყი, ვითარ განვერე ზედა-მოსლვასა
Line of ed.: 25     მისსა, რაჲთა არა დავმძიმდე ბორკილითა, რომელი ჩამოიზიდავს
Line of ed.: 26     ქუეყანად, და გამოვვარდე ღმრთისაგან. Ms. page: Q_456  იგი არს მტერი
Line of ed.: 27     მხიარული და მოყუარე ცრუ".

Line of ed.: 28        "ჵ შეკრებაჲ და განყოფაჲ, რომლისაგან მეშინის. დავიფარო,
Line of ed.: 29     რომელი მიყუარს. მეშინის მისგან, პირველ ბრძოლისა დავეგო
Line of ed.: 30     და პირველ დაგებისა -- ვჰბრძოდი. ამისთჳს გუყუნა, რაჲთა
Line of ed.: 31     რკინობითა და ბრძოლითა ამათ ჴორცთაჲთა მივხედვიდეთ მას
Line of ed.: 32     დამდაბლებასა, რაჲთა იყოს შეკრებული ესე უსუსური სწავლაჲ
Line of ed.: 33     მთავრობისაჲ, რაჲთა უწყოდით, რამეთუ მაღალ და მდაბალ ვართ
Line of ed.: 34     მკჳდრნი ნათლისანი ანუ ბნელისანი, სადა-ცა მიდრკეს. ესე არს
Line of ed.: 35     შეზავებაჲ ჩუენი, რამეთუ ოდეს ავმაღლდეთ ხატებითა მით, მიწისათჳს
Line of ed.: 36     ვმცირდით. გულისჴმა-გიყოფიეს შეკრებაჲ შენი და შინაგანი
Line of ed.: 37     ბრძოლაჲ. მიუდრეკელად იპყარ თავი შენი ყოლად-ვე, ნუ
Line of ed.: 38     მიერჩდები მერმესა მას და ბოროტსა განზრახვასა. და იხილე,
Line of ed.: 39     რამეთუ სხუაჲ-ცა მტერი გივის, რომელმან შენ მაღლით ჩამოგაგდო,
Line of ed.: 40     და არაოდეს განიზრახავს შენთჳს კეთილსა. და შეეწევის იგი
Line of ed.: 41     ნებასა ჴორცთასა, უჴორცოჲ იგი ფარაოჲ, ნათლისაგან ბნელად მიცვალებული
Line of ed.: 42     განათლებულსა მას Ms. page: Q_457  კაცსა, რომელსა იორდანე
Page of ed.: 207   Line of ed.: 1     წარუვლიეს. მას მიჰკიდავს თჳსსა მას თანა კრებულსა სიჴშოსა მას
Line of ed.: 2     თჳსსა ბნელისასა და ჴელმწიფედ დაბადებულთა მონად თჳსა აიძულებს,
Line of ed.: 3     რაჲთა-მცა წარიქცივნეს იგინი ბაბილოვნად მრავალთა
Line of ed.: 4     შემჭამელსა მას ჯოჯოხეთსა, რომელი-იგი დანთქმულ არს ზღუასა
Line of ed.: 5     მას ცეცხლისასა მოსლვითა ქრისტეს ღმრთისა ჩუენისაჲთა, რომელი
Line of ed.: 6     იგი იშვა ქალწულისაგან, მეორე ადამ, ბუნებითა მით პირველისა
Line of ed.: 7     მის ადამისითა თჳნიერ ხოლო ცოდვისა. ხოლო რომელთა
Line of ed.: 8     განანათლნეს თავნი თჳსნი მის-ვე ნათლისაგან დაუსაბამოჲსა, დაშთეს
Line of ed.: 9     იგინი შუებულნი, მხიარულებასა შინა ეგნეს უცთომელად,
Line of ed.: 10     უკუდავსა და მახლობელსა ცხორებასა მას მოსწრაფებითა
Line of ed.: 11     შემსჭუალულ სიყუარულისა მის-ვე ნათლისა განმანათლებელისასა უკუნისამდე".

Line of ed.: 12        და ვითარცა ესე და სხუანი მრავალნი
Line of ed.: 13     მიიხუნეს, [ჰ]რქუა მათ: "წარვედით
Line of ed.: 14     და განამტკიცებდით ქრისტეს სამწყსოთა
Line of ed.: 15     მათ". და წარავლინნა რომელნი-მე
Line of ed.: 16     მათგანნი კახეთად და რომელნი-მე კუხეთად
Line of ed.: 17     კერძო, და რომელნი-მე ზენა
Line of ed.: 18     კერძო სოფლით, და ერთი ვინმე გარეშეთად,
Line of ed.: 19     და სხუანი გარემო Ms. page: Q_458 
Line of ed.: 20     ქალაქსა ამას ჩუენსა სამეფოსა. ხოლო
Line of ed.: 21     იგი[ნი] წარვიდეს და დაემკჳდრნეს
Line of ed.: 22     რომელნი-მე ჭალაკთა და რომელნი-მე მთათა,
Line of ed.: 23     ქუაბთა და ჴურელთა ქუეყანისათა.

Next part


This text is part of the TITUS edition of Old Georgian Hagiographical Texts, vol. I.

Copyright TITUS Project, Frankfurt a/M, 12.12.2008. No parts of this document may be republished in any form without prior permission by the copyright holder.