TITUS
Old Georgian Hagiographical Texts, vol. I
Part No. 73
Previous part

Chapter: III  
Line of ed.: 11        3. და წარმოემართნეს ქუეყანით
Line of ed.: 12     თჳსით, და წინამძღურებითა სულისა
Line of ed.: 13     წმიდისაჲთა მოიწივნეს ქალაქსა მცხეთისასა.
Line of ed.: 14     და შევიდეს და თაყუანის-სცეს
Line of ed.: 15     წმიდასა სუეტსა მას, რომელი აღჰმართა
Line of ed.: 16     ღმერთმან და არა კაცმან, რამეთუ
Line of ed.: 17     ღონის-ძიებამან ხუროთამან და თჳთ
Line of ed.: 18     მეფემან სიმრავლითა ერთა ურიცხუთაჲთა
Line of ed.: 19     ვერ შეუძლეს აღმართებად სამ
Line of ed.: 20     დღე. და დაუტევეს და წარვიდეს, და
Line of ed.: 21     ყოველნი იგი მანქანანი თანა წარიტანნეს,
Line of ed.: 22     რამეთუ წარეკუეთა სასოებაჲ.

Line of ed.: 37        ხოლო ყოველთა კეთილთა მიზეზი
Line of ed.: 38     და განმანათლებელი და მომაქცეველი
Line of ed.: 39     ქართველთაჲ, დედაჲ, მოციქული ჩუენი
Line of ed.: 40     ნინო დადგა ლოცვად ღმრთისა მიმართ
Line of ed.: 41     ცრემლითა მჴურვალითა და ითხოვდა
Page of ed.: 200   Line of ed.: 1     შეწევნასა ღმრთისასა აღმართებისათჳს
Line of ed.: 2     სუეტისა. ხოლო იგი ესრეთ ილოცვიდა
Line of ed.: 3     რაჲ, მოვიდა ძალი ზეგარდამოჲ:
Line of ed.: 4     დაეკიდა სუეტი იგი სიმაღლესა ზე,
Line of ed.: 5     ვითარცა წყრთა ერთ, და დადგა
Line of ed.: 6     ღმრთისამიერითა ძალითა, და განთიადსა
Line of ed.: 7     მოვიდა მირიან მეფე და ერი
Line of ed.: 8     იგი ქართველთაჲ და იხილეს [რაჲ]
Line of ed.: 9     საკჳრველი ესე და დიდებული სასწაული,
Line of ed.: 10     Ms. page: I_10v  განკჳრდეს. ხოლო ჩამოვიდა
Line of ed.: 11     ნელიად, ვიდრე-ღა დაემტკიცა საფუძველსა
Line of ed.: 12     ზედა. და ყოველნი, რომელთა
Line of ed.: 13     იხილეს და ესმა, ადიდებდეს ღმერთსა.
Line of ed.: 14     და ფრიადი ერი მოიქცა და ნათელ-იღეს
Line of ed.: 15     სახელითა მამისაჲთა და ძისაჲთა
Line of ed.: 16     და სულისა წმიდისაჲთა.

Line of ed.: 29        ამას ცხოველსა სუეტსა წინაშე მოიწია
Line of ed.: 30     წმიდაჲ მამაჲ იოვანე. და აღამაღლნა
Line of ed.: 31     ჴელნი, და თუალნი ზეცად
Line of ed.: 32     აღიხილნა და ცრემლნი გარდამოადინნა
Line of ed.: 33     და მადლობაჲ შეწირა ღმრთისა.

Page of ed.: 201  
Line of ed.: 1        ხოლო ღმერთმან უჩუენა მას მთაჲ
Line of ed.: 2     ერთი მახლობელად მცხეთასა და
Line of ed.: 3     ცხოველსა ჯუარსა ჩრდილოჲთ კერძო, და
Line of ed.: 4     აუწყა, რაჲთა აღვიდეს წუერსა ზედა
Line of ed.: 5     მის მთისასა. და წიაღ-ვლო არაგჳ და
Line of ed.: 6     აღვიდა თაყუანის ცემად ჯუარისა პატიოსნისა.
Line of ed.: 7     და ვითარცა მოილოცეს,
Line of ed.: 8     აღვიდა მოწაფითურთ მთასა მას ზედა.
Line of ed.: 9     და ვითარცა მოიხილა, ჰრქუა მოწაფეთა
Line of ed.: 10     თჳსთა: "აქა დავემკჳდრო, რამეთუ
Line of ed.: 11     მთნავს ესე".

Line of ed.: 32        ხოლო ესე ამისთჳს ყო ღმერთმან,
Line of ed.: 33     რაჲთა, პირველად, სამკაულ ექმნეს
Line of ed.: 34     ეკლესიათა და გარემო ქართველთა ერთა.
Line of ed.: 35     და, მეორედ, ამისთჳს დაეყუდა ადგილსა
Line of ed.: 36     მას, რამეთუ გოდოლი აღეშენა
Line of ed.: 37     წარმართთა და ეშმაკნი ფრიად დამკჳდრებულ
Line of ed.: 38     იყუნეს და ჰმსახურებდეს კუამლითა
Line of ed.: 39     ნაზორევთაჲთა. და რაჲთა აწ-ცა
Page of ed.: 202   Line of ed.: 1     ლოცვითა წმიდისა მის ბერისაჲთა განწმიდოს
Line of ed.: 2     ადგილი იგი. ესე ღმერთ-შემოსილი
Line of ed.: 3     მამაჲ ჩუენი, წმიდაჲ იოვანე აღვიდა
Line of ed.: 4     რაჲ მთასა, იწყო ლოცვად და
Line of ed.: 5     ვედრებად ღმრთისა, და ყოველთა ზედა
Line of ed.: 6     მოსლვათა ეშმაკთასა ძლიერად დაითმენდა.

Next part


This text is part of the TITUS edition of Old Georgian Hagiographical Texts, vol. I.

Copyright TITUS Project, Frankfurt a/M, 12.12.2008. No parts of this document may be republished in any form without prior permission by the copyright holder.