TITUS
Old Georgian Hagiographical Texts, vol. I
Part No. 78
Previous part

Chapter: VIII  
Page of ed.: 219  
Line of ed.: 1     8. და ვითარ მრავალნი ჟამნი წარვლნა აღგზნებულსა მას
Line of ed.: 2     საჴმილსა შინა მარტოდ მყოფობისასა, ინება ზეგარდამომან განგებამან,
Line of ed.: 3     რაჲთა არა იყოს დაფარულ ბრწყინვალე იგი ვარსკულავი.
Line of ed.: 4     ამისთჳს გამოაცხადა იგი კაცთა შორის, ხოლო სახე გამოცხადებისა
Line of ed.: 5     მისისაჲ ესრეთ იყო. რამეთუ მას ჟამსა იყო ვინმე მთავარი,
Line of ed.: 6     სახელით ევაგრე, ქრისტეს მოყუარე და საღმრთოთა წიგნთაგან
Line of ed.: 7     სწავლული და ქრისტეანეთა შვილი. ხოლო განგებითა ღმრთისაჲთა
Line of ed.: 8     დღესა ერთსა ჰრქუა შვილთა თჳსთა და მონათა: "განვიდეთ
Line of ed.: 9     ნადირობად", და განვლეს მტკუარი და განვიდეს დამართებით
Line of ed.: 10     ადგილსა მას, სადა მჯდომარე იყო ბერი. ხოლო ყოველნი-ვე მიმოდაიბნივნეს
Line of ed.: 11     და ევაგრე დგა მარტოჲ და მიმოიხედვიდა. რაჲთა
Line of ed.: 12     იხილოს ნადირთაგანი რაჲმე. ხოლო მიშუებითა ღმრთისაჲთა იხილა
Line of ed.: 13     ტრედი იგი, რომელი მიართუმიდა საზრდელსა შიოს. ხოლო
Line of ed.: 14     ევაგრე განიცდიდა მკჳრსედ და იხილა, სადა-იგი შევიდა. ხოლო
Line of ed.: 15     ვითარცა ინადირეს, წარვიდეს სახედ თჳსად.

Line of ed.: 16        და ხვალისა დღე კუალად განვიდეს. და ვითარცა ყოველნი
Line of ed.: 17     მოვიდოდეს და მთავარი ევაგრე დგა მახლობელად ქუაბისა მის,
Line of ed.: 18     სადა მჯდომარე იყო ბერი. და აჰა კუალად იხილა ტრედი იგი
Line of ed.: 19     და მოაქუნდა საზრდელი ბერისათჳს. და ვითარცა განიცადა ნეტარმან
Line of ed.: 20     ევაგრე ტრედი იგი, განკჳრდა და შეუდგა კუალსა მისსა
Line of ed.: 21     და იხილა წმიდაჲ იგი შიო მჯდომარე ქუაბსა შინა, დაუკჳრდა
Line of ed.: 22     და ჰრქუა: "რაჲ ხარ, ანუ ვინაჲ?" ხოლო ბერმან ჰრქუა:
Line of ed.: 23     "კაცი ვარ უცხოჲ და ქრისტეს მოსავი და ვარ
Line of ed.: 24     ქუაბსა ამას შინა მცირესა, რაჲთა დაყუდებით აღვასრულნე
Line of ed.: 25     დღენი ცხორებისა ჩემისანი და ესრეთ უშფოთველად სათნო-ვეყო
Line of ed.: 26     ღმერთსა". ხოლო ნეტარმან ევაგრე ჰრქუა ბერსა: "ცხოველ არს
Line of ed.: 27     უფალი. არა დაგიტეო შენ და არცა წარვიდე სახედ ჩემდა".
Line of ed.: 28     ხოლო ბერმან ჰრქუა: "შვილო, ვერ ძალ-გიც ტჳრთვად სიფიცხლესა
Line of ed.: 29     Ms. page: I_15r  ამას უდაბნოჲსასა, რამეთუ გხედავ მრავლითა ფუფუნებითა
Line of ed.: 30     აღზრდილსა".

Line of ed.: 31        ხოლო ევაგრე ჰრქუა: "დაღაცათუ დღეს-ვე იყოს სიკუდილი
Line of ed.: 32     ჩემი შენ თანა, არა-ვე დაგიტეო".

Line of ed.: 33        ხოლო ვითარცა განიცადა ბერმან სიმტკიცე გონებისა მისისაჲ,
Line of ed.: 34     ჰრქუა ესრეთ, ვითარმედ: "მე რაჲ-ცა გრქუა, ყავ". ხოლო
Line of ed.: 35     მან ჰრქუა: "ყოველივე, რაჲ-ცა მიბრძანოს სიწმიდემან შენმან,
Line of ed.: 36     ვყო" ხოლო ბერმან მისცა მას კუერთხი თჳსი და ჰრქუა: "წარვედ
Line of ed.: 37     და კუერთხი ესე ჩემი ჩაყავ მტკუარსა, ხოლო იგი გზა-გცემს
Line of ed.: 38     და განვედ ჴმელად და წარვედ სახედ შენდა და ყოველი-ვე საცხორებელი
Line of ed.: 39     შენი განაგე და წარმოვედ და ვითარცა მოიწიო მტკუარსა
Page of ed.: 220   Line of ed.: 1     ზედა. კუალად ჩაყავ კუერთხი ჩემი და, უკუეთუ გზა-გცეს, მოვედ
Line of ed.: 2     ჩემდა. და უკუეთუ არა გზა-გცეს, წარვედ შინა, რამეთუ
Line of ed.: 3     არა სთნავს ღმერთსა საქმე ეგე, რომელსა ჰლამი".

Line of ed.: 4        ხოლო მან ფიცით მოიმტკიცა ბერი, რაჲთა არა ივლტოდის
Line of ed.: 5     ადგილისა მისგან. ხოლო მან აღუთქუა და იგი წარვიდა,
Line of ed.: 6     და ვითარცა მიიწია კიდესა მდინარისასა, შთაყო კუერთხი იგი
Line of ed.: 7     ბერისაჲ და წყალმან გზა სცა და ჴმელად განიარა.

Line of ed.: 8        და ვითარცა განაგო ყოველი-ვე და მოვიდა და შთაყო კუერთხი
Line of ed.: 9     იგი, კუალად-ცა გზა-სცა.

Line of ed.: 10        და მოვიდა წინაშე ბერისა და ჰრქუა: "მამაო წმიდაო. ვითარცა
Line of ed.: 11     მიბრძანე, ყოველი-ვე ვყავ".

Next part


This text is part of the TITUS edition of Old Georgian Hagiographical Texts, vol. I.

Copyright TITUS Project, Frankfurt a/M, 12.12.2008. No parts of this document may be republished in any form without prior permission by the copyright holder.