TITUS
Old Georgian Hagiographical Texts, vol. I
Part No. 77
Previous part

Text: Vita_Shio_Evagr.  
Vita Sionis et Evagrii



Page of ed.: 217  
Line of ed.: 33  
ცხორებაჲ და მოქალაქობაჲ მამისა ჩუენისა შიოჲსი და
Line of ed.: 34  
ევაგრესი


Chapter: VII  
Ms. page: I_14r 
Line of ed.: 35        7. ხოლო ნეტარი ესე და ღმრთივ განბრძნობილი მამაჲ
Line of ed.: 36     ჩუენი წმიდაჲ შიო მოვიდა წინამძღურობითა სულისა წმიდისაჲთა
Line of ed.: 37     და დაემკჳდრა დასავალით კერძო დედა-ქალაქსა მცხეთას.
Line of ed.: 38     და პოვა ჴევი ღრმაჲ ფრიად ფიცხელი, უდაბნოჲ და ურწყული
Page of ed.: 218   Line of ed.: 1     და ნაკლულევანი ყოველთა საჴმართაგან, და ჰაერი ზაფხულისაჲ
Line of ed.: 2     ფიცხელ და ეგრეთ-ვე ზამთრისაჲ უფიცხლეს. და პოვა მუნ მცირე
Line of ed.: 3     ქუაბი და დაჯდა მას შინა დაყუდებით სასოებითა ღმრთისა
Line of ed.: 4     მინდობისაჲთა, ჴელ-ყო საქმესა ამას და სიკუდილად მისცა თავი
Line of ed.: 5     თჳსი მისთჳს, რომელმან არაოდეს უგულებელს ყვნის მოსავნი
Line of ed.: 6     მისნი.

Line of ed.: 7        ესე წმიდაჲ მამაჲ ჩუენი იყოფებოდა რაჲ ქუაბსა მას შინა,
Line of ed.: 8     ილოცვიდა და იტყოდა: "ჵ იესუ სახიერო, რომელი მოხუედ
Line of ed.: 9     ქუეყანად ცხორებისათჳს კაცთაჲსა და იშევ წმიდისაგან ქალწულისა,
Line of ed.: 10     რაჲთა აცხოვნნე, რომელნი მჴურვალითა გულითა შეგიდგენ
Line of ed.: 11     და გმსახურებდენ შენ. აწ მომეც მეცა მოთმინებაჲ, რაჲთა სათნოდ
Line of ed.: 12     შენდა აღვასრულნე მცირედნი ესე დღენი ცხორებისა ჩემისანი
Line of ed.: 13     და ღირს მყავ კეთილთა შენთა საუკუნეთა მეოხებითა
Line of ed.: 14     უხრწნელისა დედოფლისა ჩუენისა და დედისა შენისა მარადის
Line of ed.: 15     ქალწულისა მარიამისითა და მეოხებითა დიდებულთა წმიდათა
Line of ed.: 16     მოციქულთა შენთაჲთა და წმიდისა მამისა ჩუენისა იოვანესითა".

Line of ed.: 17        ამას იტყოდა ცრემლითა და განგრძელებითა ლოცვისაჲთა
Line of ed.: 18     იატაკსა დაალტობდა, და განჰმზადა თავი თჳსი იატაკად
Line of ed.: 19     შუენიერად. და ვითარცა დაადგრა სამარადისოდ მოუწყინებელად
Line of ed.: 20     ლოცვასა და იხილა ღმერთმან გულს-მოდგინედ მოთმინებაჲ
Line of ed.: 21     მისი და ვითარ არარაჲ იპოვებოდა უდაბნოსა მას ნუგეშინის-საცემელი
Line of ed.: 22     ჴორცთაჲ, მან-ვე სახიერმან და დაფარულთა მხედველმან
Line of ed.: 23     ღმერთმან, რომელმან გამოზარდა ელია და უდაბნოსა
Line of ed.: 24     შინა ყორნისა მიერ*, ეგრეთ-ვე წმიდაჲ ესე მამაჲ ჩუენი გამოზარდა,
Line of ed.: 25     რამეთუ ტრედისა მიერ დღითი-დღე უბოძებდა საზრდელსა.
Line of ed.: 26     ხოლო მარჯუენით კერძო ქუაბისა მის უბოძა წყალი მცირე
Line of ed.: 27     კლდისაგან ჴმელისა, რომელი კმა-საყოფელ მისდა იყო. ხოლო
Line of ed.: 28     ესევითარი რაჲ ღმრთისა წყალობაჲ იხილა მის ზედა, მადლობასა
Line of ed.: 29     შესწირვიდა ღმრთისა და იტყოდა: "ჵ უფალო დიდებისაო, კურთხეულ
Line of ed.: 30     არს Ms. page: I_14v  სახელი შენი და დიდ არს წყალობაჲ შენი კაცთა
Line of ed.: 31     ზედა და ვინაჲ ვარ მე უღირსი ესე წყალობისაჲ, გარნა ყოველსა-ვე
Line of ed.: 32     ზედა ვჰმადლობ სახიერებასა შენსა".

Line of ed.: 33        და იხარებდა სულითა და ადიდებდა ღმერთსა. და მიერითგან
Line of ed.: 34     განძლიერდა უხილავთა მტერთა ზედა.

Next part


This text is part of the TITUS edition of Old Georgian Hagiographical Texts, vol. I.

Copyright TITUS Project, Frankfurt a/M, 12.12.2008. No parts of this document may be republished in any form without prior permission by the copyright holder.